მე მიყვარს გამოცდები!

ხო
არა
მართლა

მიყვარს
ვგიჟდები
ჭკუა მეკეტება ამ პერიოდზე
გამოცდების ციებ-ცხელება
ბრრრრ
ზოგადად ეს ის პერიოდია როდესაც ყველა მაშტაბურად ერთიანდება გამოცდების წინააღმდეგ.
ყველა ითვლის კრედიტებს, ქულებს , როგორც ყოველთვის ყველას ერთი ჰა ჰა ორი ქულა აკლდება მიზნამდე.

გახსენდება იმ საგნების სრული სია რომელსაც სწავლობ(დი)
იწყებენ ლექტორების გვარების, სახელების გაგებას
ჩამჭრელი ლექტორების შავი სიაც ყველაზე აქტუალური თემაა ამ პერიოდისთვის.

ბიბილიოტეკაში ადგილს ვერ იპოვი
ყველა წიგნებში, რვეულებში, კონსპექტებში თავჩარგული დადის
"შპარგალკის" ფორმებიც თანდათან უფრო დახვეწილი და მოდური ხდება.


სკაიპის სტატუსი ქრონიკულად Do not Disturb-ია.
ყველამ იცის რომ არ უნდა შეგაწუხოს, რადგან შენ ასეთი დაკავებული და საქმიანი ხარ ამ დღეებში შენი სულ მცირე ხნით მოცდენაც კი სახელმწიფოს ღალატს შეიძლება გაუტოლდეს.
ნებისმიერი საქმის არ გაკეთების, ნებისმიერი რამის დავიწყების საუკეთესო გასამართლებელი საფუძველი არსებობს: უი არ მეცალა, დამავიწყდა ამ გამოცდების გადამკიდე, თუ კიდე არ მოგეშვებიან შეგიძლია დაიწყო გამოცდების დეტალური ცხრილის მოყოლა.

-გახსენდება თუ რა ბედნიერი იყავი გამოცდებამდე
-ადგენ გეგმას თუ რა ბედნიერი იქნები და რას გააკეთებ გამოცდების შემდეგ
-და თან ამასთან ვერ წარმოგიდგენია რომ ოდესმე დადგება დრო როდესაც გამოცდები აღარ გექნება ჩასაბარებელი
-და როდესაც ეს დღე დადგება ძალიან მოგენატრება პერიოდი როცა კვირაში 9 გამოცდას აბარებდი ( თურმე)

ნუ შვება რომელიც გამოცდის ჩაბარების და მიუმეტეს გამოცდების დამთავრების შემდეგ გეუფლება შუეფასებელია. ( ანუ წიპა: ყველაფერს ფულით ვერ იყიდი, სხვა დანარჩენისთვის გამოცდების ჩაბარება არსებობს ) ამ ბედნიერების განცდისათვის სწორედაც გამოცდების ჩაბარებაა საჭირო


გამოცდების უარყოფით ნიშნებზე აღარ შევჩერდები
-უძილობა ( ძილი თუ მაინც მოახერხე- კოშმარები)
-გადაღლილობა
-დაძაბულობა
-სტრესი
-მოუცლელობა

ეს არის ის მსხვერპლი რასაც ჩვენ ყველა გამოცდების ჩაბარებისთვის ვიღებთ
სამაგიეროდ შემდეგ ვამჩნევთ რომ თურმე უკვე თბილა, გარეთ მშვენიერი ამინდია, მზე ისევ აღმოსავლეთიდან ამოდის, გარეთ ხალხი დადის.
და საერთოდაც სიცოცხლე გამოცდების შემდეგ არსებობს.




ხო
მოკლედ
ასე
რაც შემეხება მე
ყველაფერი წესის და რიგის მიხედვით რომ წარმართულიყო დღეს 7-ვე გამოცდა უნდა მქონოდა უკვე ჩაბარებული, მაგრამ იმდენჯერ გადაიტან-გადმოიტანეს რომ საბოლოოდ გამოვიდა რომ ჯერ მხოლოდ 5 მაქვს ჩაბარებული 7-დან , ან უკვე 5 მაქვს ჩაბარებული 7-დან

მაგრამ დღეს ისეთი გამოცდა ჩავაბარე, რომლის ჩაბარება ცხოვრების მიზნის დაბრუნებას ნიშნავდა
ამიტომ უკვე ვიგრძენი რომ დღე-ღამის 24 საათი სავსებით ბუნებრივი და საკმარისია.