ვალდებული ვარ გირჩიოთ!!!

უბრალოდ საინტერესოა როდის ხვდება ადამიანი რომ ის სხვაზე უკეთესია და აქედან გამომდინარე ის უბრალოდ ვალდებულია სხვას რამე ასწავლოს, მისცეს განუზომლად მრავალი რჩევა, რომლის სისწორეში ის აბსოლიტურად დარწმუნებულია.

და თანაც დიდი იმედი ჰქონდეს იმისა, რომ იმ სხვას სწორედ მისი რჩევა სჭირდებოდა სრული ბედნიერებისთვის. და სწორედ იმას ელოდა როდის გაიმეტებდა ეს ღვთისმოსავი ადამიანი მისთვის ერთ-ორ ტკბილ სიტყვას.
უცნაურია, ჩვენ არაფერს არ ვაკეთებთ ადამიანების დასახმარებლად სანამ ისინი თავად არ მოგვმართავენ დასახმარებლად ( ხშირ შემთხვევაში ასეთ დროსაც არ ვაკეთებთ არაფერს) ხოლო აი რაც შეეხება რჩევებს და ზოგად რეკომენდაციებს უკითხავად უხვად გავცემთ... არ ვეკითხებით სჭირდებათ თუ არა ისინი მათ რამეში.

ჩვენ ხომ არ დავდივართ კარდაკარ ადამიანების პრობლემების მოსასმენად და გადასაჭრელად?
სამაგიეროდ შეგვიძლია საათობით ვილაყბოთ ტელევიზიით და ჭკვიანი სახეებით ვურჩიოთ ადამიანებს რა და როგორ უნდა გააკეთონ...

და იქნებ ჯობდეს, რომ რჩევები მხოლოდ მაშინ გავცეთ როცა ამისთვის ჩვენ მოგვმართავენ?
სხვა შემთხვევაში ნებისმიერ გაბეზრებულ მსმენელს სრული უფლება ექნება მოტრიალდეს და გითხრათ: "უკაცრავად, მაგრამ რბილად რომ ვთქვათ სულ ფეხებზე არ მკიდია შენი რეკომენდაციები ცხოვრების გაუმჯობესებასთან დაკავშირებით? "

და კიდევ ერთი



აი რატომ... რატომ არის რომ ცნობილი დიზაინერები, სტლისტები და ა.შ. რომლებიც ყოვედღე გამოდიან ტელევიზიით და ტვინს გვიბურღავენ იმასთან დაკავშირებით თუ რა უნდა ჩავიცვათ და როგორი თმის ვარცხნილობა და მაკიაჟი ვატაროთ იმდენად უგემოვნოდ აცვიათ და ისე კატასტროფულად გამოიყურებიან რომ შენ უბრალოდ გეშინია მათი რჩევების გათვალისწინება ... მათ რომ არ დაემსგავსო.

ტვინთან იძულებითი სქესობრივი კავშირი როდის გახდება ამ ქვეყანაში დასჯადი?
საინტერესოა.