put in

მიუხედავად მასობრივი ფსიქოზის, წინააღმდეგობის, საჯარო გამოსვლების, გულის წასვლების და ისტერიკებისა, ევროვიზიაზე მაინც მივდივართ.

გუშინ კი წამსვლელთა სია უფრო დაზუსტდა - სტეფანე & 3G a.k.a. ნინი ბადურაშვილი, თაკო გაჩეჩილაძე, ქრისტინე იმედაძე.

გულახდილად რომ ვთქვა, საშინლად არ მიყვარს ეს ხალხი და არც ერთ მათგანს არ ვაღიარებ მომღერლად, თუმცა მათი ნომერი მომეწონა- მხიარულია, იუმორისტული, კრეატიული და გარკვეულ პოლიტიკურ მესიჯებსაც შეიცავს.

We don't wanna put in.

პუტინი რო არ გვინდა ეს "არ ახალია ძველია", მაგრამ ერთია Comedy club-ში შაბათის შოუს ბიჭების მიერ ნამღერი და მეორეა მოსკოვში, ევროვიზიაზე შესრულებული სიმღერა. თანაც თუ მივდივართ , სწორედ ასეთი ტიპის ნომერი გვჭირდება , თორემ აფახუნებული თვალებითა და განაზებული ხმით მშვიდობაზე სიმღერა სასაცილოც კია. მოკლედ, როგორც სტეფანემ აღნიშნა - "თუ არ მოვიგებთ გულს მაინც მოვიფხანთო " ( მეტი რა დაგვრჩენია )


თუმცა, ერთი პრობლემაა - ევროვიზია როგორც იცით 12 მაისს უნდა გაიმართოს და მანამდე პუტინს რამე რომ დაემართოს ამ სიმღერის შესრულება უკვე უხერხული გახდება და ნომერიც ჩაგვივარდება.
მაგრამ მერე იქნებ საერთოდ გადაიფიქრონ ევროვიზიის მოკოვში ჩატარება და პრობლემაც მოგვეხსნება.
ან ბოლო-ბოლო ჩავლენ და " ვაი რა დაკარგეთ-" ს უმღერებენ სამ ხმაში და ეგ იქნება.



სიმღერა და ტექსტი იხილეთ აქ http://eurovision-georgia.ge/participants/3g/music.aspx?LanguageID=1