განათლება ბაიტებში

დღეს-დღეობით ერთ-ერთი ყველაზე აქტუალური თემა: არის თუ არა დღევანდელი თაობა განათლებული , ნაკითხი და ა.შ.
ასეთი დისკუსიების დროს უფროსი თაობის პოზიცია უცვლელია:
•წიგნებს ეგენი არ კითხულობენ;
•სამეცნიერო ნაშრომებს ეგენი არ ეცნობიან;
•არაფერი მაგათ არ აინტერესებთ
და ეჰ აი ჩვენ დროს..

აი ასეთ შემთხვევაში რატომღაც ისეთი შთაბეჭდილება მექმნება რომ ეს ხალხი იმის გამო კი არ წუხს რომ ახალი თაობა მათი თქმით გაუნათლბელია, არამედ უბრალოდ საფუძველი სჭირდება ახლის გალანძღვის.

მოკლედ ასე :

პრობლემა #1: წიგნებს ეგენი არ კითხულობენ

თუ საჯარო ბიბლიოთეკა გამოტენილი არ არის ახალგაზრდა მკითხველით, თუ ტრანსპორტში არ გხვდებიან წიგნებში თავჩარგული ახალგაზრდები ეს სულაც არ ნიშნავს იმას რომ ჩვენ არ ვიცით რა არის წიგნი. მიუხედავად წიგნისამდი ჩემი განუზომელი სიყვარულისა მეც კი ვფიქრობ რომ წიგნი თავისი კლასიკური გაგებით თანადათან კარგავს თავის მნიშვნელობას. მიდის ის დრო, როდესაც მთელი სახლი გამოტენილი იყო სხვადასხვა ქვეყნებიდან გამოწერილი და წვალებით ჩამოტანილი წიგნებით ისიც არა წასაკითხად, არამედ ისე- ვიზუალური ეფექტისთვის.

აუცილებელი არ არის მაინცდამაინც წიგნი ეჭიროს ხელში ადამიანს რომ იგი აქტიურ მკითხველად ჩავთვალოთ. ინტერენეტში გაცილებით უფრო ბევრი რამის წაკითხვა შეიძლება აქ უფრო ბევრი საინტერესო ბიბლიოთეკაა და რაც მთავარია აქ უფრო სწრაფად, იაფად და ხარისხიანად.

ერთი ასეთი საინტერესო მოსაზრება, რომელიც გაჟღერდა ერთი ახლაგაზრდის მიერ ერთ-ერთ ახალგაზრდულ გადაცემაში: “ ჩემი მშობლები რატომღაც თვლიან რომ ის რაც არის ინტერნეტ სივრცეში ის არ არის წიგნი, და ის მე ვერ მომცემს განათლებას. ეს სავსებით არასწორი მიდგომაა..

თაობა შეიცვალა და თუ თქვენ დროს განათლება იზომებოდა წაკითხული წიგნების რაოდენობით, ჩვენ დროს იგი იზომება ბაიტებით მეგაბაიტებით გეგაბაიტებით და აშ. “

წარმოიდგინეთ რა მაგარია. რაიმე კამათი რომ მიდის “ და ბიჭო შენ მე მგაზე რას მეკამათები მაგ საკითხზე ათეულობით მეგაბაიტი მაქვს წაკითხული “- ო.



პრობლემა #2- გაუნათ(ლ)ებელნი
არის თუ არა ჩვენი თაობა განათლებული?

ასევე ერთ-ერთ ახლაგაზრდულ გადაცემაში როცა დათო დოიაშვილს იგივე დოის დაუსვეს მსგავსი კითხვა მან თქვა; “განათლებული არა, მე ვიტყოდი თქვენი თაობა უბრალოდ უსაზღვროდ ინფორმირებულია.” ძალიან მომეწონა მისი პასუხი. რომ იტყვიან არც მწვადი დაწვა, არც შამფური. და აი მართლაც კაცმა რომ თქვას რა საჭიროა ისე პროფილაქტიკის მიზნით უამრავი რამის კითხვა ვაითუ სადმე როდესმე გამომადგესო, რაიმე დაგვჭირდება და გუგლი, ვიკიპედია და ყველაფერზე სრული ინფორმაცია მოგვეპოვება რაც მთავარია სწრაფად, იაფად და ხარისხიანად.


p.s. რატომ არის აუცილებელია მაინცდამიანც შილერის და გოეთეს კითხვა ნაკითხი თაობის იარლიყისთვის?
და რატომ არ მიიჩნევა თანამედროვე პროზა და პოეზია წიგნებად?
აი თუნდაც სულ მარტივი - ბლოგები, ბევრ მათგანზე გაცილებით უფრო საინტერესო რამ წამიკითხია ვიდრე იმ ათ და ოც ტომეულებში ყველა ჩვენგანის კარადებს რომ ავსებს, ისე უბრალოდ დეკორაციისთვის.

და რაც მთავარია აქაც ყველაფერი
სწრაფად
იაფად
ხარისხიანად.