hot NEWS from the BUS!

-"გამაგიჟებს ეს აპარატი, ხან საერთოდ არ იძლევა
ბილეთს, ხან ორს ერთად...
-მიშასავით არის, ურევს ცოტა



-უკაცრავად ლარი მაქვს და ვერ დამიხურდავებთ?
-როდის იყო მძღოლი ახურდავებდა?
-ვაიმე..... რა ვქნა აბა? მაღაზიაში არ მიხურდავებენ, აფთიაქში არ მიხურდავებენ, მარშუტკაში არ მიხურდავებენ, მეტროშიც კი არ ახურდავებენ, სად მიდის ამდენი ხურდა ბოლო-ბოლო?
-სად მიდის და ბანკში .... მე ვიდებ ჯიბეში გგონია?
-და ვერ გავიგე რომ მიდის უკან აღარ მოდის? აბა სად ვიშოვო ამდენი 10 თეთრიანი ყოველდღე, ხიდის ქვეშ კი არ ვზივარ მე...



- მე ვფიქრობ,....... მაგათ საერთოდ უნდათ ხურდის გაწყვეტა, აი ესე ბრუნვიდან ამოღება აწყობთ მაგათ
-ეგ მეც გავიგე,- რაღაც ახალი ხურდებიაო შემოსული და იმათი გასაღება სდომებიათ თურმე.
- რა ენაღვლებათ ... მაგათ ევროებში აქვთ ანგარიში.... ხურდა რა არის არც იციან ალბათ



- კი მაგრამ ჩვენ რა ვქნათ ჩვენ?




-რა ვქნათ და აგერ ვერ გაიგეთ რა თქვა უგულავამ? ვისაც არ აქვს ხურდა ნუ ავა ავტობუსშიო!
-რაო? დამირეკოს და მე თვითონ გავუგზავნი მანქანასო თუ?



-არა ვუთხარი მე იმ ფორმიანებს .... რა ქვიათ კაცო იმათ...... კონტროლიორებს, დადგით ეს გადასახურდავებელი აპარატები თითო გაჩერებაზე და არ იქნება პრობლემა-მეთქი და ასე მითხრეს იპარავენ მაგათო, ხოდა მეც ვუთხარი პარლამენტში დადგით და აღარ მოიპარავენ მეთქი .
-უჰ შენც რა კარგად გითქვამს?
-აბა ბიჭო ეხლა..."


მოკლედ კოსტავადან სანამ გმირთა მოედნამდე და გმირთა მოედნიდან სანამ უნივერსიტეტამდე ხალხს მეტი სალაპარაკო არა აქვს რა.....
ხურდების კრიზისიაო...
მივეძალოთ ბარათებს ...
მალე ეგენიც აღარ იქნება.

ასე მხიარულად ვმგზარობ ყოველდღე - შაბათის შოუს კაი სკეჩი გამომივიდა, რეალური სკეჩი.