ალო! სცენარისტი დამალაპარკეთ!!!

იმ დღეს ფორუმის კითხვისას მივხვდი, რომ მთელი ცხოვრება ერთი და იმავე სპექტაკლს ვთამაშობთ.

"ეუF რამდენი ხანია ჩვენ მაგას მიხვდითო"-შეგიძლიათ მითხრათ და აღარ გააგრძელოთ კითხვა.

უბრალოდ, როდესაც ფორუმს ვკითხულობდი დავინახე, რომ სხვა ადამიანები - განიცდიან იმავეს რასაც მე განვიცდიდი, ვგრძნობდი, ვფიქრობდი 2 წლის წინათ, ანუ ამჟამად ისინი თამაშობენ იმ როლს, რასაც მე 2 წლის წინ. და შესაბამისად ამჟამად მეც განვიცდი, ვგრძნობ, ვფიქრობ იმას, რასაც ორი წლის წინ კიდე სხვა და ა.შ.

ხომ არის ისეთი ბესცელერად აღიარებული სპექტაკლები 20-25 წლის განმავლობაში რომ იდგმევა 25 წლის განმავლობაში ერთი და იგივე სცენარი....

ამასობაში მსახიობები ბერდებიან და იცვლიან როლებს ასაკისა და დამსახურების შესაბამისად - ერთი აკეთებს იმას რასაც 15 წლის წინ მეორე აკეთებდა და რასაც კიდევ 15 წლის შემდეგ მესამე გააკეთებს.

ვინ არის ცხოვრების სცენარისტი?

ყოველი ჩვენგანი?

მეც ასე მეგონა ამ პოსტამდე.

აღარ მახსოვს რა მოხდა ამ დღეს - უბრალოდ პირველად მაშინ ვიგრძენი რომ მხოლოდ სხვის მიერ დაწერილ ტექსტს ვკითხულობდი მექანიკურად.

მოკლედ, არ ვიცი ვინ არის ცხოვრების სცენარისტი, მაგრამ ვინც არ უნდა იყოს ის დარწმუნებულია, რომ ძალიან მაგარი სცენარი დაწერა და ატრიალებს მას უკვე მერამდენე წელია.

ჩვენ კი ფირფიტაზე დალაგებული თოჯინებივით ვბზრიალებთ და ამ ფირიფიტიდან ჩამოვარდნამდე ყველა როლის შესრულებას მოვასწრებთ.

ვიქნებით : ბედნიერნიც, უბედურნიც, მდიდარნიც, ღარიბნიც, წარმატებულნიც და უიღბლოებიც.

ასე, რომ ნუ დაგწყდებათ გული თუ ამ პოსტის წაკითხვისას თავს მაინცდამაინც ბედნიერად ვერ გრძნობთ ე.ი. ამ როლს ჯერჯერობით სხვა ასრულებს და

თქვენი რიგიც მალე მოვა. :)

p.s. ამ პოსტის წერისას ისეთი არაორდინალური და სასაცილო წინადადებები მირტყამდა თავში რომ,... ლოლ

ცხოვრება ზოგჯერ რა შემაძრწუნებლად მარტივია

ომგ.