Wine and Woman!

ერთ-ერთ სუფრაზე ქალთა გულთამპყრობლად აღიარებულმა ერთმა ახალგაზრდამ ესეთი რამ თქვა:
"ქალმა საერთოდ არ უნდა დალიოს, თორემ ყოველთვის გამოჩნდებიან ისეთი კაცები რომლებიც ამით ისარგებლებენო"

თან ეს იმდენად დამაჯერებლად თქვა რომ მე ტუჩებთან მიტანილი ღვინის ბაკალი ხელში შემეყინა და ასევე ცივად დავაბრუნე მაგიდაზე.


სანამ სუფრის სხვა წევრები მის თეორიას ( ან აქსიომას) ორივე ხელით დაეთანხმებოდნენ და სანამ "უშბა" კიდევ ერთხელ დაწვრილებით მოყვებოდა სად, როდის, როგორ, რამდენი და რა ვითარებაში დალია, იცის რომ არ უნდა დაელია მაგრამ დალია, და არ ნანობს რომ დალია და არც იმას რაც შემდეგ მოხდა და ა.შ. ბლა ბლა ბლა....

მე ამასობაში კონტრაგუმენტის მოფიქრებას ვცდილობდი...
ჩემი აზრით დამაჯერებელი არგუმენტი იყო: უბრალოდ საჭიროა წრის შერჩევა - სად შეიძლება დალევა და სად არა.

ამის პასუხად კი მივიღე - "მნიშვნელობა არა აქვს, ყველა ერთანირია!"

რა მკაცრი განაჩენია საკუთარი თავისთვის. :D