ფრაზების წარმოშობის ისტორია 2, ანუ როცა მთა არ მიდის მუჰამედთან

დღეს შაბათია
ასე რომ ტრადიციულად :-.)

1."როცა მთა არ მიდის მუჰამედთან, მუჰამედი მიდის მთასთან!"

რეალური ისტორია: ისლამის დამაარსებელმა წინასწარმეტყველმა მუჰამედმა განიზრახა თავისი ღვთიური ძალის დემონსტრირება და მთას უბრძანა მასთან მისულიყო. როდესაც მთამ მისი ბრძანება არ შეასრულა მაშინ მუჰამედი თავად მივიდა მასთან და თქვა:"როდესაც მთა არ მიდის წინასწარმეტყველთან, ის თავად უნდა მივიდეს მასთან!"

აღნიშნული ფრაზით გამოიხატება რომ როდესაც ადამიანს რაიმეს მიღწევა სურს უნდა იმოქმედოს და არ უნდა დაელოდოს რომ ყველაფერი ასე თავისით მოვა

დამახინჯებული ისტორია: უფრო ხშირად გამიგია პირიქით "როდესაც მუჰამედი არ მიდის მთასთან, მთა თვითიონ მიდის მუჰამედთან" რაც გულისხმობს რომ როდესაც რამის მიღწევა გვინდა შეგვიძლია არ გავინძრეთ და ყველაფერი თავისით მოვა ჩვენამდე.

ახლოსაა ქართულ აზროვნებასთან

ასე რომ შესაძლებელია აღნიშნული ფრაზა ჩვენს მიერაც იყოს დამახინჯებული:P

2. "ჩაილურის წყალი დალია-ო"

იგივე ლეთას წყალი დალია, ლეთაში იბანავა - ყველამ დაივიწყა, წარსულს ჩაბარდა, დავიწყებას მიეცა.

მდ. ლეთა ქვესკნელის მდინარე

ჰომეროსის მიხედვით ლეთა იყო ჰადესის მდინარე, სადაც ბანაობდნენ მიცვალებულთა სულები სააქაო ცხოვრება რომ დავიწყებოდათ




მდ. ლეთა /river styx

3."მე მსოფლიოს მოქალაქე ვარ!" -ერთგვარი გათავისუფლება ყოველგვარი ვიწრო სახელმწიფოებრივი ინტერესებისგან და ამავე დროს ასევე დიდი ვალდებულებების აღება მთელი მსოფლიოს წინაშე.გვხვდება მისი მრავალი ვარიაციები

მაგ:მე დედამიწელი ვარ / დედამიწის მოქალაქე ვარ

ჩემი მისამართი საბჭოთა კავშირია :D u.a.

წარმოშობის ისტორია კი საკმაოდ მარტივია

ძველი ბერძენი ფილოსოფოსი დიოგენე დასმულ კითხვებზე მოულოდნელად და უცნაურად პასუხობდა ხოლმე

კითხვაზე რომელი ქვეყნის მოქალაქე იყო მან უპასუხა: "მე მსოფლიოს მოქალაქე ვარ"

მიიჩნევენ რომ დიოგენეს სულაც არ სურდა ესოდენ კოსმოპოლიტი ყოფილიყო. უბრალოდ მას სურდა თავი აერიდებინა მომაბეზრებელი კითხვისთვის ბუნდოვანი და გაურკვეველი პასუხით

თუმცა მოხდა ისე რომ მისი პასუხი შემდგომში ბევრმა ცნობილმა ადამიანმა გამოიყენა იმაზე ხაზგასასმელად რომ მისთვის ზოგადად კაცობრიობა უფრო მაღლა იდგა ვიდრე რომელიმე სახელმწიფოს მოქალაქეები.

4. "მარიონეტები "- ირონიულად ადამიანები რომლებიც საკუთარი ნებით ბრმად ასრულებენ სხვის დავალებებს

შუა საუკუნეებში მარიონეტებს უწოდებდნენ პატარა ფიგურებს წმ. მარიამის გამოსახულებით რომელთაც იყენებდნენ დასავლეთ ევროპაში გავრცელებულ რელიგიურ წარმოდგენებში, სწორედ აქედან წარმოიშვა მათი სახელწოდება მარიონეტი.

შემდგომში კი მარიონეტები დაერქვათ თეატრალურ თოჯინებს რომლებიც ძაფებით ან სხვა მექანიკური საშუალებებით იმართებოდნენ ფარდის უკან დამალული მსახიობებისგან.