24 ноября 2009

გვიანი შემოდგომა

ის რაც არ შეესაბამება ამინდს,
შეესაბამება განწყობას...





ხალხს ეცვა თბილად და ერთფეროვნად
და შეჩვეული იყო ყველაფერს:
თუკი მღეროდნენ-ყველა მღეროდა,
ყველა ღელავდა- თუკი ღელავდნენ.

დიდი ამბები ხდებოდა გარეთ:
ერთი ამინდი ცვლიდა მეორეს,
ასამარებდა ხმელ ფოთლებს ქარი,
ვით უსახელოდ წამხდარ მეომრებს

დიდი ამბები ხდებოდა გარეთ:
ეკარგებოდა ქალაქს ხალისი
უკაცურ ქუჩებს უფრთხოდა მთვარეც
და იწყებოდა წვიმა თავისით


წყალს ჩამოჰქონდა სილა და ხრეში,
ეკარგებოდა ქალაქს იერი
და მოედანი ბზინავდა ბნელში,
ტბასავით ჩუმი და ცარიელი.

ძლივს ჩერდებოდნენ ხეები ფეხზე,
წყალს ჩამოჰქონდა სილა და ხრეში,
და დინამიტით დახოცილ თევზებს
ჰგავდნენ ფოთლები სიჩუმის წრეში.

სუფთავდებოდა სივრცე ყოველდღე,
აჩენდა თავის უნაკვთო სახეს
და უთავბოლოდ დააქროლებდნენ
დღეები ძველი აფიშის ნახევს.




ბაღშიც ხდებოდა დიდი ცვლილება;
ყველა კუნჭული მოჩანდა უკეთ.
თუმცა სიცოცხლით მთვრალი წყვილები
მაინც ვერ გრძნობდნენ რომ ჩანდნენ უკვე ....

და სხეულები, როგორც ღრუბლები,
იპყრობდნენ სივრცის უდიდეს ნაწილს
და იმ ხეების თავისუფლებით
კვლავ შიშვლდებოდნენ ქალაქის თვალწინ,

კვლავ ასრულებდნენ ბუნების ნებას,
რადგან ისინი მაშინ ცდებოდნენ,
როცა ბუჩქებში მალავდნენ ვნებებს,
ვით ნაქურდალით სავსე ჩემოდნებს.

ბაღიც იმიტომ აღარ კვნესოდა,
არ ნებდებოდა მოსაწყენ ფიქრებს,
თუმცა ფოთლების უმრავლესობა
სველ ბილიკებზე ეყარა პირქვე.

Image and video hosting by TinyPic

5 комментариев:

  1. chemi aivnis cin mdgom xes ki axla fotlebis magivrad begurebi acvia :)
    da me cels pirvelad mivxvdi ratom ar midian begurebi tbil qveynebshi...

    ОтветитьУдалить
  2. imitom rom rodesme martoebi darchnen,imitom ro shesamchnevebi gaxdnen da imito rom tbil qveynebhi casvla sisulelea,mainc ukan unda dabrundnen...:)

    ОтветитьУдалить
  3. zalian kargi mizezebia nastasia
    pirveli ori mizezi gansakutrebit momwons :)
    rac sheexbea mesames
    mec xshirad mifiqria
    ra azri aqvs saxlidan gasvla tu ramdenime saatis shemdeg isev ukena unda dabrunde metqi
    :)

    ОтветитьУдалить

ნუ წახვალ ისე,
დატოვე კვალი =)