რატომ არის მწვანე იმედის ფერი?!

სამი ფერი: მწვანე



დიდი ხნის წინ
არა
არც ისე დიდი....
6 წლის წინ როცა ჩემი ჩანაწერებისთვის მორიგ სქელყდიანი ბლოკნოტი უნდა მეყიდა ნახევარი საათი ვიდექი დახლთან და ვერ ვწყვეტდი რომელი ამერჩია
წითელი თუ მწვანე....
ბოლოს ალბათ ამით გაბეზრებულმა გამყიდველმა გადაწყვიტა დამხმარებოდა და მითხრა:
"მწვანე აირჩიე, მწვანე იმედის ფერია!..."

[ამ გამყიდველს ღია თაფლისფერი, ოდნავ მომწვანო თვალები ჰქონდაალბათ ახალგაზრდობაში ლექსებს წერდარომელიც არავის მოსწონდა]

ბლოკნოტი მწვანე ვიყიდე და პირველი სიტყვები რომელიც შიგ ჩავწერე იყო-
" რატომ არის მწვანე იმედის ფერი?!"

ამ კითხვის შემდეგ მთელი ფურცელი დავტოვე ცარიელი იმ იმედით რომ სანამ ბლოკნოტი დასრულდებოდა მე ამ კითხვაზე პასუხს ვიპოვიდი და დავწერდი
ბლოკნოტი დიდი ხნის წინ დასრულდა
მაგრამ თუ დღეს ვინმე ჩემს ძველ ხელნაწერებს გადმოქექავს და იმ ბლოკნოტს იპოვის ნახავს რომ მისი პირველი ფურცელი დღემდე ცარიელია...