მადლობთ რომ დაგეხმარეთ

გამარჯობათ მე მქვია ჰექსე და მე ეგოისტი ვარ.

ყოველთვის როცა რაღაცას ვწერდი, ვთხზავდი, ვხატავდი, ვფიქრობდი არასდროს ვუშვებდი რომ ამას სხვაც წაიკითხავდა ყოველთვის საგულდაგულოდ ვმალავდი

იმიტომ კი არა რომ კრიტიკის მეშინოდა

არა

უბრალოდ ეგოისტი ვარ,

მაშინაც კი როცა ვაცნობიერებ რომ არანაირი ღირებულება არ აქვს ჩემს ნაჯღაბნს და რეალურად შეიძლება არც არავის სჭირდებოდეს.
ბოლო დროს 2 ფაქტი მოხდა რომელმაც მიმახვედრა რომ არასდროს არაფერს ვაკეთებდი სხვებისთვის

1) 2 წლის წინ ფორუმზე თემა გაიხსნა მხოლოდ საქართველოში, სადაც მხოლოდ საქართველოში მომხდარ მარაზმულ ფაქტებს წერდნენ და ძალიან უხაროდათ რომ ეს ყველაფერი მხოლოდ აქ ხვდებოდა.მაშინ მე აქტიურად ვიყავი გატაცებული ამ საკითხით, შესაბამისად თემის აქტიური წევრი გავხდი, ყველა პოსტს ვაკოპირებდი და როდესაც თემამ 26 გვერდს მიაღწია დავდე პოსტი სადაც ერთად იყო თავმოყრილი 26 გვერდის პოსტები
აღნიშნული 2007 წლის 11 დეკემბერს მოხდა.

მას შემდეგ 2 წელი გავიდა და 2009 წლის 8 ნოემბერს ფორუმზე შესულს იმავე თემაში ერთი იუზერის პოსტი დამხვდა რომელიც მადლობას მიხდიდა ჩემს მიერ შეგროვებული 26 გვერდისთვის, რომელიც მას ძალიან დაეხმარა პრეზენტაციის დაწერაში.

და ვიფიქრე რატომ მიხდის მადლობას მე ხომ ეს მისთვის არ გამიკეთებია?

და მერე დავფიქრდი ოდესმე მაინც თუ ვაკეთებდი რამეს სხვის სასარგებლოდ?

2) ზაფხულში ჩემს ბლოგზე პოსტი დავწერე ყვითელ პრესის კრიტიკაზე

სულ ეხლახანს კი ამ თემაზე ასეთი კომენტარი დამხვდა

"შენ გაიხარე, ეს პოსტი მაგრად დამეხმარა საკოლოკვიუმე მასალის დაწერაში.
გმადლობ!"

ამის წამკითხვისას ორმა აზრმა დამარტყა თავში

- პირველი ის იყო რომ ეს ადამიანიც სრულიად დაუმსახურებლად მიხდიდა მადლობას.

მე ხომ ეს მისთვის არ დამიწერია. უბრალოდ მინდოდა კიდევ ერთხელ დამეცინა ბოტკინისფერთა წარმომადგენლებისთვის

და მეორე - შეიძლება არც თუ შორსაა დრო როდესაც რეფერატების, მოხსენებების დისერტაციების ბიბლიოგრაფიებში ბლოგების მისამართები იქნება მითითებული.

მადლობთ რომ დაგეხმარეთ !