რა მოხდება ერთი წლის შემდეგ?

ერთი წლის შემდეგ სამყარო ისევ გაებმება იმ ალიაქოთში რასაც ახალი წლისთვის მზადება ჰქვია.
შესაბამისად საქართველოშიც

• --> როგორც 5 წლის წინათ აღლუმისთვის ყველაფერი მწვანედ გადაღებეს და რესპუბლიკის მოედანზე ჩაატარეს, ახლაც ყველა მოძრავ თუ უძრავ ობიექტს გაანათებენ და ზედ წვიმებს ჩამოკიდებენ
• --> ვინც კი ოდესმე პირველ სტერეოზე გამოჩენილა ყველას რესპუბლიკის მოედანზე უყრიან თავს და დაიწყება ის რასაც ჩვენ საახალწლო კონცერტს ვეძახით.
• -->მანამდე ამ ყველაფერს ისე გააპიარებენ რომ ყველაზე მიყრუებული პროვინციის ბინადარსაც მოუნდება დედაქალაქის სტუმრობა.
• --> კონცერტზე მისული ხალხი კი საბოლოოდ დარწმუნდება რომ არ არსებობს ამ ქვეყნად ძალა, რომელიც ქვრივიშვილი-კალანდაძის დუეტს დაამარცხებს.
  
  
  
  
• --> წამყვანების "უუუ"-ს ძახილსა და ბოთლების სროლას შორის შოუ-ბიზნესის წარმომადგენლები იდგებიან სცენაზე და კვლავ შეეცდებიან დაგვარწმუნონ რომ თითოეული მათგანი მადონა, ქრისწინა აგილერა და ელტონ ჯონია.
• --> ისინი ეცდებიან და შეძლებენ რომ ყველაზე რიტმული სიმღერის დროსაც კი წარბი არ აუტოკდეთ და ხისგან გამოთლილი თოჯინებივით იდგენენ.
• --> ქართული მონოპოლისტი შოუ-ბალეტი "ვერნისაჟი" ეცდება და შეძლებს რომ ამ ხისგან გამოთლილი ფიგურების უკან გრაციოზულად იაროს დ სიმღერის რიტმთან აბსოლუტურად შეუსაბამო მოძრაობები აკეთოს
• --> ქართველი დიზაინერები სულ უფრო მეტად გააშიშვლებენ შოუში მონაწილეთა ჩაცმულობას იმ იმედით რომ იქნებ -10 გრადუს ყინვაში შესცივდეთ და ცოტა გაინძრნენო
• --> "განძრევა რომ შეგვეძლოს აქ ხომ არ ვიქნებოდით"- ო უპასუხებენ ქართველი ვარსკვლავებიდა მხოლოდ სიმღერის დროს პირის დროდადრო გაღებით შემოიფარგლებიან.
• --> ამ ყველაფერს გადაიღებენ ქართული ტელევიზიები და 31-ში 1-ში 2-ში 13-ში 14-ში რეკლამებსა და რეკლამებს შორის აჩვენებენ.
• ყველაფერ ამის შემხედვარები კი ჩვენ კიდევ ერთხელ გავისიგრძეგანებთ რომ მიუხედავად ამ გაჩახჩახებულ-გაბრდღვიალებული ქალაქისა ევროპა გაცილებით უფრო შორსაა ვიდრე გლდანი
  
  

p.s.

დათო დოიაშვილი - 5 წლის წინ "ღამის შოუში" გაკეთებული კომენტარი:

" ტაშით ვერ გაიგებ მაყურებელს მოეწონა თუ არა სპექტაკლი, იმიტომ რომ ტაშს
ყველაფერზე უკრავენ. აი სპექტაკლის შემდეგ თუ ვინმე მოვიდა და გითხრა:" არა დოი, რატო? აი მე პირადად ძალიან მომეწონა" ე.ი. ჩაფლავდი."

არადა ძალიან მიყვარს დოი, უდაოდ ნიჭიერი კაცია, მაგრამ შოუს დადგმაში მხოლოდ ნიჭიერი რეჟისორი იგივეა რაც ნარდის თამაშისას კარგი მენარდე.
შაშის გარეშე ჭირს თამაში... ყველგან!