მოდით ვიჭორაოთ შორენაზე

"ნუ მოგერიდებათ მიყურეთ!

მითუმეტეს რომ თქვენი მეზობელიც მე მიყურებს,

ჰოდა, მოგეცათ საჭორაო თემა"

(c) შორენა ბეგაშვილი

რადგან ჭორაობის უფლება ასე ოფიციალურად იქნა დელეგირებული მოდით განვიხილოთ გადაცემა "ღამე შორენასთან" რომლის ნახვაც ყოველ შაბათს ღამის 12 საათზე იმედის ეთერში შეგიძლიათ.

წამყვანით დავიწყოთ

ფლეიბოის პრიალა ფურცლებიდან მისი ტვ-ში გამოჩენა პირველი არხის პროექტ "კაბარეს" უკავშირდება, როცა სცენარისტებმა გადაწყვიტეს რომ ყელში ამოსული "კალანდაძე-ქვრივიშვილი-კახიანის ტანდემი ახალი სისხლით გაეხალისებინათ.

შემდეგ იყო - "ყველაფერი კარგად იქნება" სადაც მისი სპონტანური "ვაიმე როგორ ცხელა" გახდა იყო ერთადერთი მასტუმილირებელი საშუალება რომ კომპიუტერს მიჯაჭვული ახალგაზრდობა კომპიუტერს აეწკაპა და უფრო მეტის ნახვის იმედით კონოთეატრებში მიეყვანა, თუმცა როგორც შემდგომში გაირკვა სულ ტყუილად

ბოლოს, შორენამ გადაწყვიტა ამ საკითხში პიონერობა ეკისრა და გაეკეთებინა გადაცემა სადაც გულახდილად და დეტალურად ისაუბრებდა ტაბუირებულ თემა სექსზე

წამყვანი რომ იმდენად მომხიბვლელია რომ არათუ ქართველ გაშპაკლულ პრიმადონებს, არამედ ჰოლივუდის ბევრ ლამაზმანს მოიტოვებს უკან ქართული საზოგადოებისთვისაც კი ნათელია. თუმცა რამდენადაც უნაკლოა წამყვნი, იმდენად ნაკლიანი შეიძლება აღმოჩნდეს მისი წაყვანილი.







კერძოდ კი

• თემატიკა

პრინციპში არაფერი ისეთი რასაც "კოსმოპოლიტენის", "ფლეიბოის", " გზისა" და "თბილისელების" გულახდილ საუბრებსა და საყურადღებო რჩევებში ვერ წაიკითხვათ, თუმცა ვინ თქვა წამყვანს მნიშვნელობა არ აქვსო?.. აბა სად კოსმოპოლიტენის რიგითი ჟურნლისტის მიერ დაწერილი ან გზის კორესპოდენტის მიერ შეთხზული და სად გრძელფეხება, მაღამკერდიანი ქალის ბაგედან წამომცდარი.

• სტუმრები

მათი საჭიროება-არასაჭიროების საკითხი დღის წესრიგში მაშინ დადგა, როცა პირველ ღამეს ეკრანებთან მიმჯდარ შორენას გულახდილობს მომლოდინე ნახევარ საქართველოს კახუჩელა და სტეფანე შერჩათ ხელში, რომლებიც გულწრფელად ცდილობდნენ ზედმეტად პროფესიონალურად ესაუბრათ სექსზე და საზოგადოებაში მუსირებდა აზრი "რა გახდა ერთი კარგი სექსოლოგი?!"

• საზოგადოების აზრი

მიკროფონით ქუჩებში სირბილი იმის გასაგებად რომ ქართველი მამაკაცებისთვის ყველაზე სექსუალურ პროფესიის ქალი ბოზია. (Oo) ამას ისევ კახუჩელას თეორიების მოსმენა ჯობია სექსუალურ რევოლუციაზე. საზოგადოების აზრისთვის კი ფორუმები იკითხონ

ციტატა:

"უბრალოდ შუა ცენტრში დადგეს და ხმა არ ამოიღოს, ასე გაცილებით უფრო მეტი მაყურებელი ეყოლება!"

• არაპროფესიონალიზმი

პირველად ვნახე მსახიობი, რომელიც აბსოლიტურად ვერ მუშაობს კამერაზე. მაგრამ არა მარტო შორენა ვერ მუშაობს კამერაზე, კამერაც ვერ მუშაობს შორენაზე. იმ დროს როცა თვალებში უნდა გვიყურებდეს კადრში ხან მისი გადახსნილი მკერდი ჩანს ხან კისერი და ხან თეძოები. თუმცა ვერ გეტყვით ეს ოპერატორის არაპროფესიონალიზმის ბრალია თუ კამერა თავად გარბის "კრუპნი პლანებისკენ ", რაც ზოგადად ცუდი არ არის მაგრამ ხშირ შემთხვევაში საშინლად უადგილოა. ასევე სრულიად უაზროდ გადადიან ინტერიერზე, რაც განსხვავებით კრუპნი პლანებისგან ნამდვილად არავის აინტერესებს.



დასკვნის სახით კი გეტყვით რომ, მიუხედავად უაზრო თემების, შეუფერებელი სტუმრების და კამერის აქეთ-იქით ცანცარისა, ეს ქალი მაინც ამართლებს "ორბიტის" რეკლამის სლოგანს:

" მომხიბვლელი ღიმილისთვის ყველაფერს გაპატიებენ! "

პოსტის მიზანი: მე მინდა გავხდე "ნიჭიერის" ბლოგერი! :)
ჟიურის კი ვპირდები რომ მალე ტალანტ-შოუებზეც დავწერ რევიუ-პოსტებს. :)

მანამდე კი შეგიძლიათ ჩემს საყვარელ რევიუებს გადაავლოთ
თვალი

1. ფილმის მიმოხილვა

2. პრესის მიმოხილვა, 2.

3. ბლოგების მიმოხილვა