დათო ტურაშვილი -"ჯინსების თაობა"
საინტერესოა რა უფრო დიდი გმირობაა - 70 წელი ითმინო მონობა, თუ პირველივე შემხვედრ თვითფრინავს მოახტე და უკეთესი ქვეყნის საძებრად წახვიდე ?
ჩვენ გმირებად მეორენი გამოვაცხადეთ, შემდეგ ამ გმირებს გვერდით კითხვის ნიშანი მიეწერა, მერე ეს კითხვის ნიშანი გვერდით გაიწია და შუაში "თუ ბოროტმოქმედები" ჩაჯდა.
და მაინც რა მოხდა?
საქართველოში გმირები დაგველია და კატებს დავუწყეთ აყეფება?
თავისთავად კითხვა გმირები თუ ტერორისტები ზედმეტად უნიჭოდაა დასმული და ქართველთა რადიკალიზმზე მეტყველებს.
შესაძლებელია ადამიანის დანაშაული გაამართლო სხვადასხვა ფაქტორებით: რეჟიმის აუტანლობით, ახალგაზრდობით, არასწორი აღზრდით, შეიძლება ძალიან მოინდომო და თავხედურად დამნაშავენი სრულიად უდანაშაულოდ შერაცხო, თუმცა გმირობის იარლიყის არტყმის პრაქტიკა ზედმეტად მანკიერად არის დანერგილი საქართველოში
თუმცაღა რა გასაკვირია ქვეყანაში სადაც დნნ-დშნ და კოხორა (ანუ ერთი ჭკუასუსტი და მეორე ქურდი ჭკუასუსტი ) ლამის ეროვნულ გმირებად ვაღიარეთერთი-ორი გათამამებული ბავშვიც რომ შეგვეყვანა ამ კატეგორიაში რა დაშავდებოდა?
ვინ უფრო დიდი გმირია - ბავშვები რომლებმაც თვითმფრინავი გაიტაცეს, თუ პილოტი რომელმაც ეს თვითფრინავი ისევ მიწაზე დააბრუნა და ამით პირველ რიგში საკუთარი და მერე იმ ადამიანთა სიცოცხლე იხსნა რომლებიც იმ დროს ბორტზე იმყოფებოდნენ და შესაძლოა უაზროდ კმაყოფილი საკუთარი წითელი ცხოვრებით არსადაც არ აპირებდნენ გაქცევას.
რადგან არა მხოლოდ პილოტს არამედ იმ რამდენიმე დამწყებ ტერორისტსაც კარგად უნდა სცოდნოდათ რომ საბჭოთა გიგანტი ასე ადვილად არავის გაუშვებდა და თუ მიწაზე ვერ დასვამდა,... ჰაერში ააფეთქებდა.
თუმცა ხომ გაგიგონიათ ვისთვის როგორო?
მშობლების, მეგობრებისა და რამდენიმე გამოუსწორებელი რომანტიკოსისთვის ალბათ ნამდვილად გმირები იყვნენ.
მშობლებს რაც შეხებათ მათ რომ თქვან ანგელოზები იყვენენ ჩვენი შვილები, არანაირი თვითმფრინავი არ გაუტაციათ, სახლში შემოგვივარდნენ და კედელთან დაგვიხვრიტეს ბავშვებიო. თავი უნდა დავუკრათ და მართალია ასე იყოო უნდა განვაცხადოთ, რადგან ხომ გაგიგონიათ ..."უშვილოდ დარჩენილ დედას ქარიც სხვა ხმაზე ეჩურჩულებაო..."
საბჭოთა მანქანისთვის კი უდაოდ ტერორისტები, და საზოგადოებისთვის საშიში ბოროტმოქმედები იყვნენ
ეს ორი მხარეა- ორივე სუბიექტური, მიკერძოებული და ორივე თავისთავად დარწმუნებული საკუთარ სიმართლეში.
თუმცა ამ საზოგადოებაში ხო უნდა არსებობდეს ნეიტრალური მხარე, ასე ვთქვათ პროგრესულად მოაზროვნე საზოგადოება, რომელსაც ობიექტურობა მისცემს საშუალებას არ დაკარგოს საღი აზრი.
და არ გეგონოთ რომ საკუთარი თავის ამ კატეგორიაში შეყვანას ვცდილობდე უბრალოდ ჩემთვის ვფიქრობ, რომ
ეს რამდენიმე ბავშვი არც ჩვეულებრივი დამნაშავენი იყვნენ და არც მითუმეტეს არაჩვეულებრივი გმირები, არამედ პრივილეგირებულ ოჯახებში გაზრდილი, ცხოვრებით გათამამებული ბავშვები, რომელთაც ყველაფერი უკვე მობეზრებული ჰქონდათ და რაიმე არაორდნალურის ჩადენას ცდილობდნენ
და რომელთაც შესაძლოა არცთუ უსაფუძვლოდ ეგონათ რომ როგორც ყოველთვის ყველაფერი შერჩებოდათ და შეიძლება შერჩათ კიდეც ( თუნდაც გმირის სტატუსი)
და მაინც , რა უფრო დიდი გმირობაა - 70 წელი ითმინო მონობა, თუ პირველივე შემხვედრ თვითფრინავს მოახტე და უკეთესი ქვეყნის საძებრად წახვიდე ?
მართალია, ორივე დიდი სილაჩრეა - თუმცა ერთი მოქმედებით, მეორე უმოქმედობით..
გმირობა კი რეჟიმის შეცვლის მცდელობაში მდგომარეობს :)
როგორც ეს ნაზი შამანაურმა გააკეთა
გაგიგიათ ეს სახელი და გვარი?
თუ არა, არ გამიკვირდება ის ხომ არც მდიდარი მამიკოს შვილი იყო და არც "დამსახურებული საზოგადო მოღვაწის" შვილიშვილი, არამედ ერთი ჩვეულებრივი ჟურნალისტი დუშეთიდან - ( აი ხომ ხედავთ თბილისიდანაც კი არა... )
რომელმაც ნავიდან გადახტომის შემდეგ კი არ დაიწყო ნავში დარჩენილთა კრიტიკა,(როგორც ეს ჩვენში ბევრს ჩვევია) არამედ გაბედა და ნავში ყოფნისავე თქვა სიმართლე.. ამ სიმართლისთვის კი სასამართლოც კი არ ღირსებია (ის ხომ ისეთივე პრივილეგირებული ფენიდან არ იყო) იგი ჯერ ფსიქიატრიულში აწამეს და ბოლოს ცემაში შემოაკვდათ... და როცა ვამბობ აწამეს მეთქი მხედველობაში ნამდვილი წამება, ანუ არაადამიანური მოპყრობა მაქვს და არა უბრალოდ ყურის აწევა ან თითის დაქნევა გაზულუქებული ბავშვისთვის .
ეს შამანაური რაღას მოაყოლეო გაიფიქრე ალბათ შენ რომელიც აქამდე ჩამოხვედი, მე არ მოვაყოლე, სიტყვას მოყვა..
თანაც ყველაფერს ხომ უნდა დაერქვას თავისი სახელი...
როგორც გურამიშვილი ამბობდა: "ავს თუ ავი არ ვუწოდო, კარგს სახელად რა დავარქვაო"
P.s. ამ პოსტის დაწერით თუ ვინმეს გული ვატკინე პირველ რიგში ალბათ ყველაზე მეტად საკუთარ თავს :)
რადგან მთელი ბავშვობა მესმოდა საბჭოთა ხელისუფლების მიერ ჩახოცილი უდანაშაულო გმირების შესახებ, ყველაზე მეტი მაქვს ნატირი "ჯინსების თაობის" წაკითხვისა თუ ყურებისას
და ამ პოსტის დაწერით დავანგრიე ყველაფერი რაც კი აქამდე არსებობდა, განვთავისუფლდი სხვათა აზრის ტყვეობიდან და როგორც იქნა გავახილე თვალები
:)
აბსოლუტურად გეთანხმები..
ОтветитьУдалитьესენი არ ყოფილან გმირები. ამ თემასთან დაკავშირებით ძალიან ხშირად მომდის კამათი, თუმცა ფაქტი სახეზეა: მათ უაზრო გაგულავებას ბორტზე მყოფი რამდენიმე ადამიანის სიცოცხლე ხომ შეეწირა?.. ვინ იცის მათ შესახებ?
შეიძლება გმირები არ ყოფილან მაგრამ მათ თავისუფლება უნდოდათ და ამიტომ ვამართლებ ”ტორორისტულ ქმედებას”. თუმცა ტერორისტული არაფერი ყოფილა. ბორდზე რამდენიმე ადამიანი შეეწირა? მერე რატო? იმიტო რომ გარედან დაცხრილეს თვითმპრინავი. იმიტო რომ ამათი დასჯა მაგალითი უნდა ყოფილიყო ნებისმიერისთვის ვინც მონობიდან გათავიუფლებას მოთხოვდა. ბაზარი არა რის ამნაავეები არიან. თვითმფრინავის გატაცებით შენს აწმყოს ვერ შეცვლიდი, ვერც ერთი მათგანი ვერ გაუტოლდება ნაზი შამანაურს, თუმცა ეს მცდელობა იყო დთავის დახსნისა.
ОтветитьУдалитьდა მარტო ამიტომ მიმაჩნია გმირებად რო თავი არ დაუხარეს, არ შეუშინდნენ სიკვდილს და თავისუფლებისკენ გაფრენა უნდოდათ. ლორთქიფანიძის მინიატურა ”მონა”იცით? წაიკითხეთ და მერე მიხვდებით რომ როცა მონა ხარ ყველაფერი უნდა გააკეთო რომ ტავი დაიხსნა
კი, ლორთქიფანიძეც გაგვიგია და "მონაც" წაკითხული მაქვს..
ОтветитьУдалитьსანამ გარედან დაცხრილავდნენ, მანამდე თავადაც მოასწრეს რამდენიმე ადამიანის მოკვლა..
იცი, ისინი ისეთი ოჯახებიდან იყვნენ, რომ საზღვარგარეთ წასვლა არ გაუჭირდებოდათ, უბრალოდ, ამ ფორმით გადაწყვიტეს იმიტომ, რომ ყველაფერი ყელში ჰქონდათ ამოსული, განებივრებული მამიკოს ბიჭები იყვნენ და თავგადასავლებს ეძებდნენ..
ეგ იყო, მეტი არაფერი, და ისიც საინტერესოა, როგორ ესმოდათ თავისუფლება..
ჯინსების თაობა :შ
ОтветитьУдалитьარ მიყვარს ამ თემაზე ლაპარაკი, საშინელებაა :|
მე ვფიქრობ რომ არ უნდა დაეხვრიტათ ეს ძალიან არაადამიანური იყო
ОтветитьУдалить:(
თავისუფლება უნდოდათ
ОтветитьУдалитьდა ისედაც რითი იყვნენ შეზღუდული?
როგორც უნდოდათ და სადაც უნდოდათ იქ და ისე გულაობდნენ
ჩარკვიანის მშვიდი ცურვა წაიკითხეთ თუნდაც >
და საზღვარგარეთ თუ უნდოდათ წასვლა ისედაც მშვენივრად წავიდოდნენ უბრალოდ როცა თვითმფრინავს იტაცებ და თავისუფლების სახელით ამხელა გიგანტს უპირისპირდები გაცილებით უფრო კაი როჟა გამოდიხარ
მე უფრო სხვა რამ მაინტერესებს
ОтветитьУдалитьდავუშვათ და გადაეკვეთათ საზღვარი
გაეტაცებინათ თვითმფრინავი
მერე?
ტაშის კვრით შეხვდებოდნემ სხვა ქვეყანაში?
თურქეთს არ დაევალებოდა მათი გადმოცემა საბჭოთა კავშირისთვის?
თავისუფლებისთვის მებრძოლ ახალგაზრდობას ტერორისტები ვუწოდოთ სხვა თუ არაფერი არაკორექტულია.
ОтветитьУдалитьსაზღვრები რომ ყოფილიყო გახსნილი არავის მოუვიდოდა აზრად თვითმფრინავის გატახება...
მათ რეჟიმმა არ დაუტოვა სხვა გზა..
tekle
ОтветитьУдалить"მე ვფიქრობ რომ არ უნდა დაეხვრიტათ ეს ძალიან არაადამიანური იყო"
ხო საბჭოთა ხელისუფლება ხომ გამოირჩეოდა ადამიანური ქმედებებით,
ეს როგორ შეეშალათ არ მესმის :(
პოსტის ბოლო მომეწონა ძალიან :)
ОтветитьУдалитьაი თავს დავდებ რომ ნაზი შამანაურის შესახებ უმრავლესობამ მას შემდეგ შეიტყო რაც ჟურნალისტის დღიურმა გააკეთა მასზე გადაცემა;;;
:) ჩემი ნეიტრალიზმი იმდენად დიდია ასეთ და სხვა მრავალ საკითხში, რომ ხანდახან საშინელ უარყოფით თვისებაში გადადის.. უმოქმედობაშიც კი შეუძლიათ დამდონ ბრალი და განმსაჯონ თუ მაგალითად მიტინგზე არ წავალ, თუ არჩევნებში არ მივიღებ მონაწილეობას.. აქტიურად არ ჩავებმევი ჩვენი წყობილობის გამოსწორებაში.. მიუხედავად იმისა, რომ ეს ყველაფერი მეც მეხება და შემეხო (თუნდაც ომის მაგვარი რაღაც ზაფხულში).
ОтветитьУдалитьამ ყველაფრის მერე, დარწმუნებული ვარ, რომ ერთ ჭკვიან ადამიანს შეუძლია მთელი სისტემის შეცვლა, თუ იცის რა უნდა და საით უნდა სახელმწიფოს წაყვანა, მაგრამ არა პირდაპირი დაპირისპირებით.
იქით მივდივარ, რომ ასე უაზროდ, უმიზნოდ და თავიდანვე კრახისთვის განწირულად ქმედება ვერაფერს შეცვლის.. იმჰო..
თორემ გარშემო აურაცხელი ტრაგედიაა და წიგნს, ფილმს, გადმოცემას იგივენაირად შეუძლია წამოგვიყვანოს ცრემლი და საბრძოლოდ განგვაწყოს.
ლოლ. კომენტარის დაწერას საერთოდ არ ვაპირებდი არადა. იმის თქმა მინდოდა მარტო, რომ პოსტი ძალიან მომეწონა :)
au am temaze imdeni maqvs nakamatebi mat shoris temis avtortanac rom agarc ki minda amaze saertod saubari
ОтветитьУдалить"tekle
"მე ვფიქრობ რომ არ უნდა დაეხვრიტათ ეს ძალიან არაადამიანური იყო"
ხო საბჭოთა ხელისუფლება ხომ გამოირჩეოდა ადამიანური ქმედებებით,
ეს როგორ შეეშალათ არ მესმის :("
dexter :D :lol:
ხო შეეძლოთ წასულიყვნენ ჩუმათ და ისე მიეღოთ თავისუფლება თუმცა ამათ იმის ჩვენება უნდოდათ ხალხისთვის რომ მონობაში არ უნდა ამოხდეთ სული, რომ მარტო სხვისი ხელის შემყურე არ უნდა იყო და თუ რამე გინდა ხელი უნდა გაანძრიო.
ОтветитьУдалитьgela
ОтветитьУдалитьნუ ალბათ მიიღებდნენ როგორც თავისუფელბის მაძებარ ახალგაზრდებს და როგორც დიქტატორული რეჟიმიდან გამოქცეულებს :)
ო ეს ძალიან ძალიან დელიკატური თემაა !
ОтветитьУдалитьგმირები რომ არ იყვნენ ეს ცხადია ... მათი გმირებად გამოცხადება მართლაც რომ კატების აყეფების ტოლფასია
მაგრამ არც ის იქნება მართებული მხოლოდ საკუთარ კეთილდღეობისთვის მებრძოლ ხალხად რომ მოვნათლოთ და მეტი არაფერი
რადგან ... ამ ადამიანებს ნამდვილად ჰქონდათ ყველაფერი რაც კი საჭირო იყო
მათ შეეძლოთ წასულიყვნენ საზღვარგარეთ და იქ განეგრძოთ ცხოვრება
მაგრამ ასე კი არ მოიქცნენ
არამედ ღიად დაუპირისპირდნენ რეჟიმს და ყველას დაანახეს მისი უვარგისობა :)
აქ ითქვა რომ ამით სხვასაც დაანახეს რომ არ შეიძლება ამდენი წელი მონობაში იცხოვრო და პრეტენზია არ გქონდეს...
ასე რომ მათ ამ ნაბიჯით სხვებზეც იზრუნეს
თუნდაც მომვალ თაობაზე.
იცი რა არის
ОтветитьУдалитьსაერთო სენი გვჭირს ეს
ან ზალიან გვიყვარს ადამიანი, ან დასანახად ვერ ვიტანთ
თუნდაც რა ხდება ახლა
ყველას გორგასლის სახელობის მედალი დავკიდეთ და ღირსების ორდენი ჩავახუტეთ
იქნებ ის გვეკითხა იმსახურებდნენ თუ არა ეს ადამიანები ამხელა დაფასებას ?
erekle
კარგით ახლა
მთლად საბჭოთა კავშირის დანგრევას ნუ დააბრალებთ
dexter
ОтветитьУдалитьმე არ ვამბობ საბჭოთა კავშირი ჰუმანურობით გამოირჩვოდა მეთქი
უბრალოდ დახვრეტ ზედმეტად დიდი სასჯელი იყო მათთვის
ჯერ ბავშვები იყვნენ
თანაც მარტლაც რომ თავისუფლებისტვის მებრძოლნი და არა ჩვეულებრივი ტერორისტები...
თან თუ გვაითვალისიწნებთ რომ ამ საქმეს დიდი საზოგადოებრივი გამოხმაურება მოყვა
დახვრეტა ზედმეტი იყო..
ძალიან სუბიექტური ვარ ამ თემასთან დაკავშირებით და მაინც..
ОтветитьУдалить"თავისუფლებისთვის" როდესაც იბრძვი და ხალხს უთითებ იმაზე, რომ "მონა" არ უნდა იყოს, მკვლელი არ უნდა გახდე. და თვითმფრინავის გარედან დაცხრილვა, არაფერშუაშია. ბორტტექნიკოსს(თუ არ ვცდები ბორტტექნიკოსი იყო), სახეში ჰქონდა ნასროლი 7 ტყვია. იმიტომ რომ წინ გადაუდგა. ბორტგამცილებელი გოგონა მოკლეს, იმიტომ რომ "რუსი ბოზი" იყო...
მაპატიეთ, მაგრამ არავის სჭირდება ასეთი "თავისუფლებისთვის ბრძოლა".
ჰმმ. პროგრესულად მოაზროვნე.. ამაზე არაფერს ვიტყვი, მაგრამ ეს უნდა ვთქვა. ბავშვური მითები დაგემსხვრა „თვალებ ახელილი“ მეორე უკიდურესობაში გადავარდი.. აზრები და შეხედულებები ყოველთვის იცვლება, ზუსტად ეს არის ის რამაც „პროგრესამდე“და „პროგრესულ აზროვნებამდე“ მიგვიყვანა.
ОтветитьУдалитьმმ...არ მოგბეზრდათ ყველასი და ყველაფრის შეფასება?!.
შესანიშნავია. ვსხედვართ თბილად და ვმსჯელობთ. იქნებ სულელი რომანტიკოსები იყვნენ, იქნებ თავზეხელაღებულები ღირსეული გასაქანის ძებნაში, იქნებ გაზულუქებული [აქ რაღაც სიტყვა], იქნებ ვიღაცისგან ჩაგონებული და შემცდარი ბავშვები...
ОтветитьУдалитьერთადერთი იმის თქმა შეიძლება დანამდილებით, რომ სახლში, კედელთან არ დაუხვრეტიათ, მეტი რამე იცის ვინმემ *დანამდვილებით*?
მაგრამ მაინც ვმსჯელობთ და იარლიყებსაც ვაწებებთ არხეინად, ჩვენი თბილი პოზიციებიდან, ზედმეტი კვლევა–ძიებების გარეშე.
არადა იმ ფაქტებზე, რაც საზოგადოებისთვისაა ცნობილი, იმდენი ერთმანეთისგან მთლიანად განსხვავებული და მაინც არაწინააღმდგობრივი თეორიის აგება შეიძლება, რომ...
ეს უფრო დიდ პრობლემად მიმაჩნია.
პოსტი მომეწონა და [რახან პირველად ვპოსტავ] ბლოგიც მომწონს.
თვითმფრინავის ბიჭების დახვრეტა დიდი საბჭოთა "გველეშაპის" კუდის ერთ-ერთი ბოლო მოქნევა იყო. სათავეში ხვდებოდნენ რომ საბჭოთ კავშირი სულს ღაფავდა და ამიტომ მოიქცნენე ასე მკაცრად ჩემი აზრით.
ОтветитьУдалитьდიდი გამბედაობა ჭირდებოდა იმ საქმეს , ამავე დროს ბიჭებს არ ჰქონდათ გააზრებული ბოლომდე და კარგად, თუ რა მოჰყვებოდა მათ საქციელს.
სასამართლოს კადრებში ეს ნათლად ჩანს, თავადაც გაოგნებულები არიან.
ასეთ მკაცრ სასჯელს მაინც არ იმსახურებდნენ.
ნაზი შამანაურზე მსმენია, ადრე უფრო ხშირად ახსენებდენენ ხოლმე, თუნდაც ტელევიზიით ან გაზეთებში. ბოლო დროს კი მივიწყებას მიეცა მისი სახელი. მგონი მისი დღიურიც არის შემორჩენილი, სადაც აღწერილია როგორ ექცეოდნენ და აწამებდნენ.
"საინტერესოა რა უფრო დიდი გმირობაა - 70 წელი ითმინო მონობა, თუ პირველივე შემხვედრ თვითფრინავს მოახტე და უკეთესი ქვეყნის საძებრად წახვიდე ?"
ОтветитьУдалитьკარგი კთხვაა
თუმცა ამაზე ცალსახა პასუხი არ არსებობს ჩემი აზრით
მე ამ კითხვაზე ვუპასუხებდი
როდის როგორ - ანუ გარემოებას გააჩნია
რიგ შემთხვევაში მონობის ატანაც შეიძლება გმრიობა იყოს და გაქცევაც...
ბოროტებას ბოროტებითვე არ უნდა დაუპირისპირდე
ОтветитьУдалитьეს არის და ეს
პოსტი კი მეც ძალიან მომეწონა
აი ამიტომ მიყვარს შენი პოსტები
ОтветитьУдалитьაქ არასდროს არის ზედმეტად სუბიექტური პოსტები
ყოველთვის ორივე მხარეს განიხილავ
ჰოდა კიდე დაუსაბუთებელი კრიტიკა არასდროს წამიკითხავს აქ.
ყოველთვის ცდილობ საკუთარი მოსაზრების დასაბუთებას
შენი კრიტიკა არ არის : მე ეს არ მომწონს და მორჩა
ყოველთვის ამბობ რატომ არ მოგწონს(თუმცა ხშირად იმ ადამიანებისაც გესმის რომელთაც ეს მოსწონთ)
ხშირად იწერება რომ გამაღიზიანებელნი არიან ადამიანები რომლებიც ყველაფერზე საკუთარ აზრს გამოთქვამენ.
მე კი ძალიან მომწონს ადამიანები რომელთაც ყველაფერზე თავისი აზრი გააჩნიათ (ადამიანი სწორედ ამიტომ არის ადამიანი და იმით განსხვავდება ცხოველისგან რომ აზროვნებისა და აზრის ქონია უნარი აქვს) ოღონდ მხოლოდ იმ შემთხვევაში თუ ეს აზრი დასაბუთებულია და არა ჰაერზე სიტყვების რახარუხი. ასეთები ცოტანი თუ არიან.
და შენ სწორედ ადამიანთა ასეთ იშვიათ გამონაკლისს მიეკუთვნები.
მარტო ის უნდა დამეწერა რომ კარგი(ჩამაფიქრებელი) პოსტი იყო და რამდენი ვიბოდიალე, მაპეტიეთ.
ამ თემაზე იმდენი რამე დაიწერა რომ რთულია დაწერო რამე ახალი და მოსაწონი, თუმცა შენ ეს გამოგივიდა.
რავი წარმატებებს გისურვებ
tekle
ОтветитьУдалитьრას აიჩემეთ ეს ბავშვები იყვნენ ?
ბავშვები თვითმფრინავებს არ იტაცებენ და ხალხს არ ხოცავენ
მშობლებისთვის 40-ის ასაკში ბავშვები იქნებოდნენ
თუ დანაშაულის ცასადენად არ ხარ პატარა, სასჯელისთვის რატომ ხარ პატარა არ მესმის რა.
ჰოდა რაც შეეხება იმას რომ ამხელა საზოგადოებრივი გამოხმაურება მოყვა და არ უნდა დაეხვრიტათო- ეს ნიშნავს სწორედ იმას რომ იმიტომ არ უნდა დაეხვრიტათ რომ ასეთი ოჯახებიდან იყვნენ, რადგან საზოგადოებაში ამხელა რეაქცია სწორედ მათმა სოციალურმა სტატსუმა გმოიწვია და მეტი არაფერი.
მათი დანდობა იმის ფიქრის საფუძველი იქნებოდა რომ სახელმწიფოს შეეშინდა საზოგადოების რეაქციის და აპატიე სახელმწიფოს მოღალატეებს ( მაშინდელი გაგებით)
არც ერთი დღევანდელი გაგებით ყველაზე ლიბერალური და დემოკრატიული სახელმწიფოც არ დაინდობს ასეთ დამნაშავეებს.
ჩვენ კი საბჭოთა კავშირზე ვსაუბრობთ რომელიც არასდროს გამოირჩეოდა თავისი ჰუმანურობით მითუმეტეს სახელმწიფოს წინააღმდეგ მიმართული დანაშაულის სუბიექტების მიმართ.
იქ ჩვეულებრივ, შემტხვევით მკვლელებსაც კი სისხლისმსმელ ურჩხულებად ნათალავდნენ და გინდოდათ რომ მათთვის თავზე ხელი გადაესვათ?
აუ აი მართლა მიჭირს ამ თემაზე საერთოდ რამის თქმა
ОтветитьУдалитьდღემდე ტაბუირებული თემაა ჩემთვის
მაგრამ ისე ერთს კი ვეთანხმები პოსტიდან
ამ ადამიანებს იმედი ჰქონდათ რომ რომც არ გამოსვლოდათ გაქცევა ეს ყველაფერი შერჩებოდათ როგორც ყოველთვის
შეუძლებელია ამის იმედი არ გქონდეს და ასეთი რამ გაბედო.
ადამიანმა კი რა ძაღლმა იცის შეუმცდარად , რას აპატიებენ და რას არაო- ჭილაძეს აქვს ნათქვამი იგივე "გოდორში"
ჰოდა ასეა რა.
იცოდათ რა მოელოდათ მაგრამ მაინც გაბედეს ამ ნაბიჯის გადადგმა უკეთესი მომვალისთვლის და სწორედ ამაშია მათი გმირობაო -იტყვის აქ ვინმე
მაგრამ მგონი რომ არც ეგრე იყო საქმე
სრულიად არ მეჩვენება აქ უადგილოდ შამანაურის მოყვანა
ОтветитьУдалитьიმიტომ რომ დროა ამ საქართველოში ყველაფერს თავისი სახელი დაერქვას
და ბოლო-ბოლო დავინახოთ ვინ არის გმირი და ვინ დამნაშავე
ვინ იბრძოდა თავისუფლებისთვის და ვინ სახელისთვის
დღევანდელმა ხელისუფლებამ ყველა ღირსების ორდენის კავალერი რომ გახადა
დრო დადგება და გაირკვევა ვიონ რას იმსახურებდა სინამდვილეში
შამანაურს რომ ვახსენებთ სასამართლო ვინ აღირსა?
ფსიქიატრიულის დილეგში ამოხადეს სული
და უმრავლესობამ დღემდე არ იცის ვინ იყო და რა უნდოდა
ფსევდო ინტელექტულებითა და გმირებით გაივსო ქვეყანა
კომპიუტერებიდან ადვილია ლაპარაკი
ОтветитьУдалитьმითუმეტეს 90-ის შემდეგ დაბადებული ბავშვებისთვის
საბჭოთა წყობილებაში რომ არ უცხოვრიათ და არაფერი უნახავთ
გულანთებულ პატრიოტთა არმია
ОтветитьУдалитьსამყაროს გასწორება რომ განუზრახავთ
ასეთი კომენატრები დამხვდა უმრავლესობა
პოსტს რაც შეეხება
იდეა კარგია
კარგადაც არის დაწერილი
ცუდი არა რაის თუ თავის აზრს იტყვის ადამიანი
თუმცა რატომ გაქვთ ეს მენტორული ტონი
ეს წაგიკითხავთ და ეს გაგიათ საერთოდ და მგავსი
რატომ გგონიათ ყველანი უცოდინარნი და გაუნათლებელნი
თუ თქვენ მოახერხეთ და წაიკიტხეთ სხვა რატომ ვერ წაიკითხავდა?
ახალგაზრდობის ბრალია იმედია
ყველას დიდი მადლობა ვრცელი კომენატრებისთვის
ОтветитьУдалитьვეცდები ყველას გიპასუხოთ :)
vasasi +1 ჩემნირად გიფიქრია შენც :)
siyvarulovna
იცი ჩემი აზრით ბოროტებას ისევ ბოროტებითვე არ უნდა დაუპირისპრდე
თავისუფლებისთვის მებრძოლმა უდანაშაულო ხალხი არ უნდა დახოცო ( ასეთ შემთხვევაში აღარ იქნება არავითარი განსხვავება შენსა და იმას შორის რასაც უპირისპირდები)
რაც შეეხება თვითმფრინავის გარედნ დაცხრილვას.
ეს ცოტა ბუნდოვანი ვერსიაა რადგან გამოძიების მასალებიდან ირკვევა რომ ბორტზე მყოფ რამდენიმე ადამიანს პირდაპირი დამიზნებით ჰქონდათ ნასროლი
და თავისუფლების მოპოვებას რაც შეეხება დაჩის დავეთანმხმები მეც და ვიტყვი რომ ისედაც არაფრით იყვნენ შეზღუდული, და თავისუფლად შეეძლოთ უცხო ქვეყანაში საცხოვრებლად წასვლა :)
რაც შეეხება შენს ვერსიას რომ ამ ნაბიჯით სურდათ ყველასთვის დაენახვებინათ რომ არ შეიძლება მონობაში ცხოვრება ანუ მათი ნაბიჯი ხალხზე ზრუნვით იყო განპირობებული, არ ვეთანმხები იმიტომ რომ როგორც ჩანს ეს ადამიანები საკუთარ ოჯახის წევრებზეც ნაკლებად ფიქრობდნენ - თუ რა ბედი ელოდათ მათ ოჯახის წევრებს როგორს სახელმწიფოს მოღალატეების ახლობლებს.
აქედან გამომდინარე ვფიქრობ რომ მათი ქმედება წმინდა სუბიექტური, გნებავთ ეგოისტური იყო.
როდესაც ადამიანი საკუთარი ოჯახის წევრის ბედზე არ ზრუნავს რთულია დაიჯერო რომ მას სხვისი , ზოგადად ქართული საზოგადოების ბედი ანაღვლებს.
gela
კი შეიძლება მიეღოთ როგორც ტოტალიტარული სახელმწიფოსგან დევნილები.
ადრეც იყო ასეთი შემთხვევა
70-იან წლებში როდესაც (თუ არ ვცდები) ლიტველმა მამა-შვილმა მოახერხა თვითმფრინავის გატაცება და თურქეთში გადასვლა. თურქეთის მთავრობას ისინი საბჭოთა კავშირისთვის არ გადაუცია.
ალბათ აქედან გამომდიანრე ვარაუდობდნენ რომ მათაც არ გადასცემდენ.
pablo
რეჟიმმა არ დაუტოვათ სხვა გზა ცოტა არ იყოს ცუდი არგუმენტია ჩემი აზრით
იმიტომ რომ ვფიქორბ ვერანაირი გარემოება ვერ ამართლებს დანაშაულს, მითუმეტეს ასეთ მძიმე დანაშაულს.
შეიძლება გავამაღთლო ადამიანი რომელსაც უსახსრობის გამო მოიპარა პური, მაგრამ ვერ გავამაღთლებ ადამიანს რომელმაც უსახსრობის გამო ვერ შეიძინა თვითმფრინავის ბილეთი ამიტომ გაიტაცა ის
reptilia
ОтветитьУдалитьბავშვური შეხედულებები
უფრო სწორედ შეხედულებან რომელიც ბავშვობაში მომახვიეს თავს დიდი ხანია რაც დამემსხვარა , დაწერით კი ეს მხოლოდ ახლა დავწერე
ჩემსნ ნაწერში უკიდურესობას ვერ ვხედავ მაპატიე
უკიდურესობა იქნებოდა გმირებიდან სისხლისმსმელ ტერორისტებად რომ შემერაცხა -> ასე მესმის მე უკიდურესობა, რაც ქართველთა (ან ადამიანთა) უმრავლესობას სჭირს
მე კი არც ტერორისტებად მივიჩნევ და არც მითუმეტეს გმირებად.
მოკლედ უკიდურესობაში ნამდვილად არ გადავარდნილვარ უბრალოდ ჩემი აზრი დავაფიქსირე..
კეთილი იყოს შენი პოსტი ჩემს ბლოგზე, რადგან პირველად პოსტავ .. welcoma
sophio
დიდი მადლობა სწორედ დაინახე რატომ ვახსენენ აქ შამანაური :)
mr.pota
ვაი...
დიდი მადლობა ასეთი თბილი სიტყვებისთვის
წარმატებები შენც :)))))))
col
რაც შეეხება თქვენს არგუმენტს რომ ადვილია ასე თბილი სავარძლებიდან მსჯელობა უცნობ მოვლენაზე რომელიც შესაძლოა ზოგიერთი ჩვენგანის დაბადებამდეც მოხდა (რასაც დაეთანხმა კიდეც კიდევ ერთი ანონიმური ავტორი)
ოდნავ უსაფუძვლოდ მეჩვენება და გეტყვით რატომაც
ამ ლოგიკით საერთოდ არაფერზე არ უნდა ვიმსჯელოთ და არაფერზე არ უნდა გამოვთქვათ საკუთარი აზრი რაშიც უშუალოდ არ ვმონაწილეობდით და დეტალებამდე არ ვართ გათვითცნობიერებული საქმეში,
მაშინ აზრი ეკარგება ნესბიმეირ ისტორიის შესწავლას და მასზე მსჯელობას- რადგან ისტორიიდან უამრავი მოვლენა ჩვენს დაბადებამდე მოხდა და საკმაოდ სახეცვლილად მოვიდა ჩვენამდე ისტორიკოსების წყალობით.
მოველნაზე რომ იმსჯელო არ არის აუცილებელი მისი უშუალო მონაწილე იყო.
დიახ, მე არ მიცხოვრია საბჭოთა კავშირში, თუმცა ეს არ ნიშნავს იმას რომ არ ვიცი როგორ ცხოვრობდა მაშინ ხალხი თვითმფრინავის ბიჭების ჩათვლით.
და რადგან ჩემს ბლოგზე პირველად ხარ. კეთილი იყოს შენი პოსტი აქ :)
mate
მენტორულ ტონს რაც შეეხება , ეს ალბთ მეც მეხება..
მინდა ვთქვა რომ შამანაურის ხსენებით ვინმეს ინტელექტუალური რესურსისითვის შეურაცყოფის მიყენება არ მიცდია
უბრალოდ მინდოდა ხაზი გამესვა იმისთვის საზოგადოეა შეიძლება ნაკლებად იცნობდეს ნამდვილ გმირებს
ეს კი არა მათი არამედარასწორი ინფორმირებული შედეგიცაა...
დათვალეთ რამდენი გადაცემა და სპექტაკლი მიეძღვნა ჯინსების თაობას და რამდენჯერ იქნა ნახსენები თუნდაც შამანაური ?
samurai girl
მადლობა პოსტის მოწონებისთვის :) :*
lenon
ОтветитьУдалить"ადამიანმა კი არა ძაღლმა იცის შეუმცდარად , რას აპატიებენ და რას არაო"
შენ გაიხარე
ეს რა კარგი სიტყვები გამახსენე
:* :* :*
dexter
ნუ შენ როგორც ყოველთვის
:D :D :P
P.s.
მოკლედ ყველას დიდი მადლობა პოსტის მოწონება-დაკოენტარებისთვის
არ მიყვარს ბლოგზე კომენტარების ნახევარი ავტორის არის
მაგრამ ერთ კომენტარად რომ დამეწერა ძალიან დიდი პოსტი გამოდიოდა
:*
ჯერ სათაურმა მომჭრა თვალი და მერე, სანამ პოსტს წავიკითხავდი, ტურაშვილის წიგნის ყდამ. ჰოდა, წიგნიდან დავიწყებ მეც.
ОтветитьУдалитьდათო ძალიან მომწონს. ტიპია ისეთი,რომც არ გინდოდეს, თავს მოგაწონებს. ნამდვილი, ალალი, სიმპატიური და აშკარად დადებით აურას ატარებს. მისი თითქმის ყველაფერი მაქვს წაკითხული, კატმანდუდან დაწყებული, შავი კეტებით დამთავრებული და ჯინსების თაობა ყველაზე სუსტი, ყველაზე ნაკლებად გულწრფელი წიგნი მგონია. ალბათ იმიტომ, რომ თვითმფრინავის ბიჭების გმირობის ბოლომდე მასაც არ სჯერა.
ბოლოს კი ამბობს, ის, რაც მათ ჩაიდინეს, დანაშაული იყოო, უბრალოდ - საბჭოთა ხელისუფლება კიდევ უფრო მეტი დამნაშავე აღმოჩნდა და არაადექვატური და გაუგონრად სასტიკი სასჯელი მიუსაჯაო, მაგრამ ეს ერთი აბზაცი არაფერს ცვლის - წიგნიც, სპექტაკლიც და "თვითმფრინავის ბიჭების" თანამედროვე თბილისური ისტერიაც ერთი პათოსით არის გამსჭვალული - გმირები იყვნენ და ქვეყნის თავისუფლებას შეეწირნენ.
არც 90 წლის შემდეგ ვარ დაბადებული და არც კომპიუტერის მონიტორიდან ვუყურებ ცხოვრებას და ზუსტად ამიტომაც ძალიან კარგად ვხედავ ზღვარს თავისუფლებისთვის მებრძოლ ადამიანებსა და ე.წ. ოქროს ახალგაზრდობის მარგინალ ნაწილს შორის, ყველაფერი რომ მობეზრდება ამქვეყნად, ფულიც, ნარკოტიკებიც და გასართობად რაღაც უფრო ექსტრემალურს, უფრო მძაფრს რომ ეძებს.
ჟურნალისტის დღიურებს დროდადრო ვუყურებ, მაგრამ ნაზი შამანაურის დღიურებიც და ლექსებიც ამ გადაცემამდე ბევრად ადრე წავიკითხე. ნაზის ამბავი მაშინ არავის გაუგია და ახლაც ბევრმა არ იცის. წიგნი არ დაუწერიათ მასზე და სპექტაკლი არ დაუდგამთ. არც რეჟისორი მამა ჰყოლია და არც თბილისის ზეპურ საზოგადოებაში ტრიალებდა. შესაბამისად, ფსიქიატრიულში გამოკეტილის შესაწყალებლად არც ქართული ხელოვნების კორიფეებს შეუგროვებიათ ხელმოწერები. ოღონდ, ჩემთვის, ნაზი, ნარკოტიკებით გაბრუებული ბიჭებისგან განსხვავებით, ნამდვილი გმირია.
ბოლოს კი ამბობს, ის, რაც მათ ჩაიდინეს, დანაშაული იყოო, უბრალოდ - საბჭოთა ხელისუფლება კიდევ უფრო მეტი დამნაშავე აღმოჩნდა და არაადექვატური და გაუგონრად სასტიკი სასჯელი მიუსაჯაო, მაგრამ ეს ერთი აბზაცი არაფერს ცვლის - წიგნიც, სპექტაკლიც და "თვითმფრინავის ბიჭების" თანამედროვე თბილისური ისტერიაც ერთი პათოსით არის გამსჭვალული - გმირები იყვნენ და ქვეყნის თავისუფლებას შეეწირნენ.
ОтветитьУдалитьარც 90 წლის შემდეგ ვარ დაბადებული და არც კომპიუტერის მონიტორიდან ვუყურებ ცხოვრებას და ზუსტად ამიტომაც ძალიან კარგად ვხედავ ზღვარს თავისუფლებისთვის მებრძოლ ადამიანებსა და ე.წ. ოქროს ახალგაზრდობის მარგინალ ნაწილს შორის, ყველაფერი რომ მობეზრდება ამქვეყნად, ფულიც, ნარკოტიკებიც და გასართობად რაღაც უფრო ექსტრემალურს, უფრო მძაფრს რომ ეძებს.
ჟურნალისტის დღიურებს დროდადრო ვუყურებ, მაგრამ ნაზი შამანაურის დღიურებიც და ლექსებიც ამ გადაცემამდე ბევრად ადრე წავიკითხე. ნაზის ამბავი მაშინ არავის გაუგია და ახლაც ბევრმა არ იცის. წიგნი არ დაუწერიათ მასზე და სპექტაკლი არ დაუდგამთ. არც რეჟისორი მამა ჰყოლია და არც თბილისის ზეპურ საზოგადოებაში ტრიალებდა. შესაბამისად, ფსიქიატრიულში გამოკეტილის შესაწყალებლად არც ქართული ხელოვნების კორიფეებს შეუგროვებიათ ხელმოწერები. ოღონდ, ჩემთვის, ნაზი, ნარკოტიკებით გაბრუებული ბიჭებისგან განსხვავებით, ნამდვილი გმირია.
+10
heqs chemze uketesi kometatori vipove :O
ტერორიზმი ტერორიზმია.
ОтветитьУдалитьტერორისტული აქტის ჩამდენთა აპოლოგია, ლამის სახელმწიფო დონეზე აყვანილი + ინტელექტუალთა ფართო მონაწილეობით, საშიში პრეცედენტია.
გურამ რჩეულიშვილმა ხალხით გაჭედილ რუსთაველზე სანდირო თოფიდან ლენინის ძეგლს ესროლა და საბჭოთა ხელისუფლების დროს ეს რომ სიკვდილის ტოლფასი იყო, საკამათო არ უნდა იყოს. მოტივი კიდე თითონ ასე განმარტა: ერთფეროვნებაში, რიტმულ, მონურ ცხოვრებაში ჩაფლული გამვლელების გამოფხიზლება მინდოდაო...
ОтветитьУдалитьმე პირადად, ჯინსების თაობა ამ მიზნისთვის შეწირული ახალგაზრდები მგონია. მიმაჩნია, რომ სისხლის სამართლის საქმის ''მასალებზე'' დაყრდნობა ბრმად არ შეიძლება და თვითმფრინავზე ჩადენილი ამ ბიჭების ''მკვლელობები'' საეჭვოა, ანუ საეჭვოა ამათ მოეკლათ. საბჭოთა ჩეკისტური მანქანა ისტორიას გვიყალბებდა და რა გასაკვირია, რომ ყოველი ასეთი შეტევა საბჭოთა იდეოლოგიზე, დანაშაულად ''მონათლულიყო''?? და უშუალოდ დანაშაულის ფაქტიც დაედოთ სახეზე, მკვლელობების სახით? ძაან მეეჭვება იმ თვითმფრინავში მომხდარი ამბები სრული სიზუსტიდ გამოსულიყო დღის სინათლეზე...
და დარწმუნებული ვარ, ყველას ეცოდინებოდა, რომ თუ საქმე არ გამოუვიდოდათ, დახვრეტა თუ არა, სამუდამო პატიმრობა ელოდებოდათ...
და რატომღაც მგონია, გმირის პრეტენზია, არც ერთ მათგანს არ ექნებოდა.
ცხოვრებისეული, ყოფითი ლოგიკა კი ასეთ მოვლენებში საძებნი არაა.
ეს ჩემი მოკრძალებული აზრია.
სიჩუმეს ვესროლეო :)
ОтветитьУдалитьთუ სწორად მახსოვს, ღამით ისროლა. თუმცა ეს მთავარი არ არის. პროტესტის ეს ფორმა, რაგინდ საეჭვო იყოს, მაინც მსუბუქია თვითმფრინავის გატაცებასთან შედარებით.
კომუნისტურ სამართალწარმოებას, გამოძიებას და სასამართლოს მტერი ენდო, მაგრამ დასკვნები ამ შემთხვევაში მე იმ ფაქტებიდან გამომაქვს, რასაც საეჭვოდ არავინ ხდის. პირველ რიგში - ბიჭების გულშემატკივრები.
ქმედების ტერორისტულ აქტად დასაკვალიფიცირებლად მსხვერპლი საჭირო არ არის. თვითმფრინავის გატაცება, ერთი ან მეტი მოქალაქის მძევლად ხელში ჩაგდება ტერორისტული აქტი მსხვერპლის გარეშეც დანაშაულია და დამნაშავე სისტემას დანაშაულით ებრძოლო, არ უნდა იყოს მთლად სწორი.
არც ერთი ცივილიზებული სახელმწიფო ტერორისტულ აქტს და მითუმეტეს - საჰაერო ხომალდის ხელში ჩაგდებას არავის პატიობს. მოტივს მნიშვნელობა არ აქვს.
ეს ყველაფერი იმ შემთხვევვისთვის, თუ შევთანხმდებით რომ მიზანი და მოტივი მართლა სისტემასთან ბრძოლა იყო. რაშიც ღრმად მეპარება ეჭვი. არა სისხლის სამართლის საქმის მასალებზე, არამედ ღია და ისევ მათი წრის წყაროებზე დაყრდნობით (ჩარკვიანის მშვიდი ცურვა, ტურიკას ჯინსების თაობა) მგონია, რომ ეს ჯგუფი ტიპიური ოქროს ახალგაზრდობის ნაწილი იყო, საკმაოდ უპასუხისმგებლოდ ეკიდებოდა სხვის სიცოცხლეს და უბრალოდ, მძაფრ შეგრძნებებს მიელტვოდა.
sophio
ОтветитьУдалить"იმიტომ რომ დროა ამ საქართველოში ყველაფერს თავისი სახელი დაერქვას
დროა
თან დიდი ხანია რაც დროა
მაგრამ საკითხავი ის არის
ძალა თუ შეგვწევს, გამბედაობა თუ გვყოფნის რომ ყველაფერს საკუთარი სახელი დავარქვათ
"ამ ღვთისპირიდან გადავარდნილ თბილისში ჯერ ძეგლიც კი არ მდგრა თავის ადგილზე"-ო
ესეც "გოდორიდან"
;)
rezo
"თვითმფრინავზე ჩადენილი ამ ბიჭების ''მკვლელობები'' საეჭვოა, ანუ საეჭვოა ამათ მოეკლათ."
იქნებ ისიც საეჭვოა თვითმფრინავი საერთოდ გაიტაცეს თუ არა?
არაფრის მტკიცებას არ ვცდილობ
მაგრამ იცი რთული დასაჯერებელია რომ ადამიანი რომელიც თვითმფრინავს იტაცებ წამსვლელი არ იყო მკვლელობაზე :)
რაღაცით ხომ უნდა გაეწიათ წინააღმდეგობა?
თანც ზუსტად ბორტგამცილებელს ჰქონდა ნასროლი სახეში რომელიც ალბათ წინ გადაუდგა მათ
მკვლელობის ჩამდენები რომ არ ყოფილიყვნენ იარაღს არც წაიღებდნენ - და მშვიდობიანი ხერხებით შეეცდებოდნენ თვითმფრინავის გატაცებას, ფსიქოლოგიური ზემოქმედებით:D
კაპუჩინო
ОтветитьУдалитьტურაშვილი
უდაოდ ნიჭიერი ადამიანია მართლაც
თუმცა მისი ჯიონსების თაობა როგორ ვთქვა მართლაც რომ ზალით დაწერილია
ვერ ვაკადრებ და ვერ ვიტყვი სეკვეთით დაწერილია მეთქი
თუმცა ნამდვილად ასეთს გავს რადგან რთულია ადამიანი დააჯერო იმაში რაშიც თავად არ ხარ დარწმუნებული ბოლომდე
სპექტაკლი გაცილებით უფრო ემოციურია
რასაც მსახიობებს უნდა ვუმადლოდეთ
ტვინი კი უფრო ჩარკვიანის "მშვიდმა ცურვამ" გადამიტრიალა
იქ ირაკლი თითქოსდ ცდილობს გაამართლოს საკუთარი მეგობრები, მაგრა აშკარად უკუეფეტქს იღებს
ყოველ შემთხვევაში ჩემს თვალში გამოჩდნენ საბჭოთა კავშირში გრიალმობეზრებული, ნარკოტიკებით გაჯერებული ახალგაზრდები, რომელთაც უბრალოდ ძალიან უნდოდათ "გაფრენა" :)
პ.ს. მომწონს შენი კომენტარები :)))
იმას რატომ არ უფიქრდებით რომ
ОтветитьУдалитьმათ იარაღი შეიტანეს ბორტზე
ასე დასუსტდა საბჭოთა დაზვერვა რომ იარაღიანი ხალხი აუშვა ბათუმისკენ მიმავალ თვითმფრინავში?ხომ არ გეჩვენებათ რომ ეხ ყველაფერი წინასწარ იყო დადგმული
და ეს ბიჭები თავიდანვე განწირულნი?
კაპუჩინო
ОтветитьУдалитьღამე არა, დღე ისროლა, უფრო სწორად დილას.
შენ მომხდარს სამართლებრივ შეფასებას უფრო აძლევ. საბჭოთა კავშირი საქართველოს დამპყრობელი იყო, ამიტომ მის წინააღმდეგ ნებისმიერი სახის გალაშქრება (მოტივისა და მიზნის მიუხედავად), პირადად ჩემთის სამართლებრივ ჩარჩოებს სცილდება და სამართლებრივ შეფასებასაც ვერ გამოვიყენებ. როცა მტერს ებრძვი, მსხვერპლი ყოველთვის იქნება.
მაგ ახალგაზრდების კეთილსინდისიერებაზე თავს ვერც მე დავდებ, მაგრამ საბჭოთა მანქანას აშკარად შეეძლო, თეთრი მასისთვის შავად მოეჩვენებინა და თავისთავად ესეც დიდი ეჭვის საფუძველს იძლევა.
რეზო,
ОтветитьУдалитьმტერი რომ იყო საბჭოთა კავშირი, არავინ დაობს. არც იმაზე ვდაობ, ამ კონკრეტულ შემთხვევაში განაჩენი და სასჯელი არაადექვატური რომ იყო (მინიმუმ - ჩიხლაძის ორგანიზატორობა მეეჭვება),სამართლებრივი შეფასება ჩემთვის და იურისტთა უმრავლესობისთვის ერთია - სახელმწიფოს წინააღმდეგ მიმართული განსაკუთრებით მძიმე დანაშაული, რასაც ყველაფერთან ერთად, უდანაშაული მსხვერპლიც მოჰყვა და ამას არავინ არავის პატიობს. აქ საკამათო არაფერია და თავად ბიჭების აპოლოგეტი ტურაშვილიც პირდაპირ ამბობოს - ის, რაც მათ გააკეთეს დანაშაული იყოო.
რაც შეეხება სამართლებრივი სივრცის მიღმა შეფასებას, მანკიერ სისტემას რომ ებრძოლო, მინიმუმ ამ სისტემაზე უარესი არ უნდა იყო და რაღაც არ ჩანს, არც წიგნებიდან, არც მოგონებებიდან და არც ფილმებიდან, იმ ბიჭებს იდეისთვის ებრძოლათ. თბილისური ფსევდო-ელიტის ტიპიური წარმომადგენლები იყვნენ. არაფერი აკლდათ და ჩათვალეს, რომ ყველაფრის უფლება აქვთ - მათ შორის, სხვისი სიცოცხლის საფრთხეში ჩაგდების უფლებაც.
კაპუჩინო
ОтветитьУдалитьშენ ვერ მიმიხვდი, რასაც ვამბობ, ან მიმიხვდი და არ მეთანხმები - დანაშაული სამართლებრივად არის, ამაზე მეც არ ვდავობ, მაგრამ დანაშაულად კვალიფიკაციამდე, ანუ სანამ სამართალს ჩავჩრავთ საქმეში, მანამდე იქნებ ეროვნული კუთხით შეგვეხედა? სამართალზე მაღლა ბევრი რამე დგას ;) ამ კუთხით ერთი უბრალო მოსაზრებაც არ არის გამოთქმული და მითუმეტეს შენს კომეტარებში, სადაც მშრალი სამართლებრივი ლოგიკაა, ადამიანური მომენტებით გაჯერებული.
სასურველი იქნებოდა ამ კუთხითაც გამოთქმულიყო რამდენიმე მოსაზრება, სრული სურათის დასახატად...
მე ცალსახად არ ვამტკიცებ მაგ ბიჭებზე არც კარგს და არც ცუდს და არც მაქვს სურვილი რამე კონკრეტული პოზიცია დავიკავო.
მეტს მე ვერ დავწერ - უადგილოა კომენტარებში ამდენი კამათი.
დანარჩენი თქვენ იცით :)
რეზო
ОтветитьУдалитьსაშუალება შეიძლება გამართლეს მიზნით (ზოგიერთ შემთხვევაში)
მაგრამ რა იყო მიზანი?
რატომღაც მათ საქციელში კერძო პირადი ინტერესი უფრო ჩანს ვიდრე საჯარო ინტერესი
საზოგადოებას აჩვენეს რომ არ შეიძლება მონობაში ცხოვრება?
მერე და როგორ აჩვენეს ეს? - დანაშაულის ჩადენით ? ანუ საზოგადოებაზე იზუნეს იმავე საზოგადოების საფრთხეში ჩაგდებით - საინტერესოა
და მერე დავუშვათ და ამ საზოგადოებას მართლაც აეხილა თვალი და დაინახა თუ როგორი საშინელებაა მონობაში ცხოვრება რა უნდა გაეკეთებინათ მათ, მათაც თვითმფრინავები გაეტაცებინათ მათი მიერვე გმირებად შერაცხული ახლგაზრდებივით.
..............
ზემოთ ითქვა და გავიმეორებ რომ ნებისმიერი, ყველაზე დემოკრატიული და სამართლებრივი სახელმწიფო ანალოგიურად მოიქცეოდა ანუ
სასჯელი უმკაცრესი ზომით დასჯიდა- იქნებოდა ეს დახვრეტა, ჩამოხრჩობა, გაციმბირება თუ გატყავება.
მაგრამ ის რაც ეპატიება მეფეს, არ ეპატიება მონას.
თუ აშშ მაგალითად დასჯის ტერორისტებს ე.ი. ის საკუთარი მოქალაქეების უსაფრთხოებაზე ზრუნავს და სუპერსახელმწიფოა, თუმცა თუ ანალოგიურად საბჭოთა კავშირი მოიქცევა ის სისხლისმელი მტარვალია.
თუ აშშ რომელიმე ქვეყანაში ქონებრივი ინტერესის გამო შეიჭრება ის თავისუფელბისთვის მებრძოლი სახელმწიფოა, ხოლო თუ ამას მაგალითად რუსეთი გააკეთებს ამას აუცილებლად დაერქმევა ოკუპაცია, ინტერვენცია და ა.შ.
ეს გამომსვლელთა იმ ნაწილს ეხება საბჭოთა ხელისუფელბის მიერ განხორცილებული ღონისძიება გადამეტებულად რომ ეჩვენებათ.
:)
"ამ ღვთისპირიდან გადავარდნილ თბილისში ჯერ ძეგლიც კი არ მდგრა თავის ადგილზე"-ო
ОтветитьУдалитьესეც "გოდორიდან"
გენიოსია ოთარი!
ასეთი მაგარი სიმართლე ჯერ არავის უთქვამს
ასე მართლად ჯერ არავის აუსახია თბილისური სინამდვილე
მართლა რომ არაფერი ადგილზე არ დგას აქ
გოდორი არ მაქვს წაკითხული და ამ ფრაზის შემდეგ აუცილებლად წავიკითხავ
"იმას რატომ არ უფიქრდებით რომ
მათ იარაღი შეიტანეს ბორტზე
ასე დასუსტდა საბჭოთა დაზვერვა რომ იარაღიანი ხალხი აუშვა ბათუმისკენ მიმავალ თვითმფრინავში?"
ერთი ალილო მღვდელსაც შეშლებაო ხომ გაგიგონია?
თანაც ასე განვითარებულმა აშშ-ს დაზვერვამ დაუსვა შეცდომა და 11 სექტემბრის ტერაქტიც მიიღო
და საბჭოთა კავშირში რომ დაეშვათ შეცდომა რა გასაკვირი იქნებოდა?
თანაც თუ გავითვალისწინებთ იმას რომ იარაღი თვითმფრინავში ქალმა შეიტანა, თან ორსულმა ქალმა რომელსაც სავარაუდოდ არ გაჩხრიკავდნენ
ჰექსე
ОтветитьУдалитьსწორედაც, საბჭოეთის უღელქვეშ მცხოვრები ქართველებს ერუვნული თვითშეგნების ცოტატი გამოფხიზლებისთვის გამოადგებოდათ ეს შემთხვევა.
რაც შეეხება იმას, რომ ყველა დემოკრატიული, სამართლებრივი და ბლა ბლა ბლა სახელმწიფო :D მკაცრად გაუსწორდებოდა ასეთ ტერორისტებსა და დამნაშავეებს, ისევ და ისევ სამართლებრივი კვალიფიკაციაა, ამიტომ ცოტა ისტორიას მოვიშველიებ:
მერაბ კოსტავა ჩვენი ეროვნული გმირი (მგონი ეს სადავო არაა) იგივე საბჭოთა სახელმწიფო და სამართალმა დამნაშავედ გამოაცხადა და 10 წელი ციხეში ჩასვა.
ასევე, დამნაშავეებად, ქურდებად, ყაჩაღებად და რეციდივისტებად თავის დროზე იგივე სამართალმა და კანონმა გამოაცხადა არსენა მარაბდელი, რობინ ჰუდი, იანუშ კორჩაკი, ჟანა დარკი და სხვები, რომლებიც გრმირებად არიან აღიარებულნი :)) სპარტაკი თუნდაც...
ანუ მტერი-სახელმწიფოს სამართალი, თუნდაც უდემოკრატიულესი, ჩემთვის სამართალი არაა, ჩემი სახელმწიფოს სამართალი, თუნდაც დაუხვეწავი - ჩემთვის უზენაესი უნდა იყოს.
ეხლა ამ ახალგაზრდებს სულაც არ ვადარებ იმათ, მაგრამ როცა გმირობა-არგმირობის საკითხზე ვსაუბრობთ, იქ სამართალზე წინ სხვა კრიტერიომებით უნდა ვიხელმძღვანელოდ, ეს უბრალოდ ჩემი აზრია. მაგ ბიჭებს, რომ დამოუკიდებელ საქართველოში გაეტაცათ თვითმფრინავი, აი მაშინ დაიმსახურედნენ ისეთ მკაცრ შეფასებებს, როგორსაც ზოგი ეხლა იმეტებს.
ozy
ОтветитьУдалитьბედნიერი კაცი ყოფილცარ თუ გოდორი ჯერ კიდევ არ წაგიკითხავს ე,ი. შენ ჩვენ ჯერ კიდევ არ გვიცნობ
:D
ნაზი შამანაურზე მსმენია
ОтветитьУдалитьთუმცა ალბათ არა იმდენი რამდენიც საჭირო იყო
ვიცი რომ არსებობს მისი წიგნი
ძალიან მინდა მისი წაკითხვა თუმცა ვერსად წავაწყდი
ხომ არ იცით მისი ზუსტი სათაური?
ozy
ОтветитьУдалитьგოდორის წაკითხვას დიდი ფსიქოლოგიური მომზადება სჭირდება მე ვფიქრობ
ცვაიგი არ არის საღამოს ბუხრის პირას რომ ფურცლო
მე სერიოზული დეპრესია მქონდა
მაგის წაკითხვის შემდეგ
მძიმე წასაკითხი კი არის, თუმცა წაუკითხაობაც არ იქნება
ana
91-ში ჭინჭარაულმა შეგაროვა მისი წერილები, დღიურები, მატ შორის ფსიქიატრიულში ყოფნის დროს ნაწერი და გამოსცა წიგნად, წიგნს ჰქვია "ჩემი სიმართლე ჩემი მტერია"
პარნასში ჰქონდათ რამდენიმე ხნის წინ
ალბათ ახლაც ექნებათ
"არასოდეს მოგიტანია ყვავილები ჩემთვის....თუმცა...ყველას შურდა ჩემს ლარნაკში ჩაწყობილი ვარდების სურნელება.
მე ვყიდულობდი: არ მინდოდა ვინმეს ეფიქრა, რომ შენ არ მყავდი."
ეს არის ციტატა მისი დღიურებიდან
ზოგიერთებმა აქ ორი წიგნი წაიკითხეს და რაღა გვიჭირს მოკლედ :D
ОтветитьУдалитьამ ზოგიერთებში ლენონს ვგულისხმობ მერე გაურკვევლობას რომ არ ჰქონდეს ადგილი
:D
dexter
ОтветитьУдалитьmesame wignis kitxvas vasruleb da mere naxet tqven
:P
mere sheizleba ukve sakuTari blogic ki gavxsna :D
gmirebi ar iyvnen,magram nebismieri,vinc rejims da mit umetes,diqtatoruls,saxeshi ulacunebs,miyvars..
ОтветитьУдалитьnazi vicodi,dedachemis gmiria :)
xooda,isec gmiria,magram zogjer gmirebs kargi pr qmnis...
ისინი არ იყვნენ გმირები!
ОтветитьУдалитьმათ ეს იმიჯი შეუქმნეს ისევ ახლობლებმა, მაგრამ ყველამ ვინც ცივი გონებით შეაჯამა მოცემულობები, იმ აზრამდე მივიდა, რომ ისინი არ იყვნენ გმირები.
და მადლობა, ნაზი შამანაურზე რომ დაწერე. არაჩვეულებრივი ადამიანი იყო, ჩვენი ნათესავი. ოდესღაც ჩემს ახლობლებს მათზე საუბარი მხოლოდ ჩურჩულით შეეძლოთ. სამწუხაროდ.
რა ადვილია ახლა ამაზე მსჯელობა,
ОтветитьУдалитьრა ადვილია კომპიუტერის მონიტორთან ჯდომა და დასკვნის გამოტანა, რომ გაზულუქებული ბავშვები იყვენნ, რომლებმაც ასე გამოხატეს საკუთარი არაორდინალურობა და ა.შ და ა.შ.
ერთხელ იმაზეც დაფიქრდით, თქვენ რომ მათ ადგილას ყოფილიყავით, როგორ მოიქცეოდით? გეყოფოდათ კი გამბედაობა რამის შეცვლა გეცადათ? ეჭვი მეპარება...
ასე რომ...
გაჩუმდით და მიეცით საშუალება ხალხს დახვრეტილი ბავშვები თუნდაც მხოლოდ თავის გულში გმირებად შერაცხონ.
პ.ს. მგონი ეს ერთადერთი პოსტია ჰექს, რომელშიც ვერ დაგეთანხმე