"აჯანყება ედემში"

რამდენი დღის წინ მსგავსი სათაურის მქონე კონფერენციაზე გახლდით , ჰოდა მოდით სწორედ სათაურით დავიწყოთ. :)

• სათაური - საერთოდ ერთადერთი რის გამოც შეიძლება გადავდო ყველაფერი და კონფერენციას, საღამოს, სემინარს და სხვ. დავესწრო ეს სათაურია. და მართლაც რომელი ჩვენთაგანი წავა კონფერენციაზე სათაურით "
  ქვეყნის გეოპოლიტიკური განვითარების წიაღსვლები, საგანი, მიზანი და ამოცანები .... მისმა მომხსენებელებმა ციდანაც რომ დააპირონ ვარსკვლავთწყვეტა. ასე რომ სათაური უნდა იყოს მოკლე. შინაარსობრივი და და დამაინტრიგებელი, ისე რომ მისი მოსმენისას გაიფიქრო ნეტა რა უნდა იგულისხმებოდესო და ამის გასარკვევად საღამოსაც დაესწრო. :)
  და რადგან კონფერენციის სათაური ზ/ა ყველა პირობას აკმაყოფილებდა, არც კი დავფიქრებულვარ ისე გადავწყვიტე მასზე დასწრება.
• შინაარსი - მას შემდეგ რაც არც დავფიქრებულვარ ისე გადავწყვიტე წავსულიყავი, შემდეგ გადავწყვიტე მაინც დავფიქრებულიყავი და პროგრამა წამეკითხა. თემები გაცილებით უფრო საინტერესო აღმოჩნდა ვიდრე სათაური, განხილული საკითხები კი უფრო საინტერესო ვიდრე თემის სათაურნი. :)
• ორგანიზაცია - ორგანიზატორნი გახლდნენ სამეცნიერო-კვლევითი ცენტრი Radix და თსუ თვითმმართველობა.
  

და ორგანიზატორთა სასიხრაულოდ უნდა აღვნიშნო რომ კონფერენციაზე მისულს პირველი რაც თვალში მოგხვდებოდათ ეს იყო საოცარი ორგანიზებულობა, მოწესრიგებულობა, მზაობა . ასევე ცალკე აღნიშვნის ღირსია radix-ის დირექტორი , ბლოგერი, - ზურა ალხანიშვილი - ზურა იყო ძალიან საქმიანი, ძალიან სერიოზული, ძალიან კომუნიკაბელური, ძალიან ყურადღებიანი, და ძალიან სიმაპტიური.. მოკლედ მოვიხიბლე :)







თუმცა პიროვნება რომელიც ჩემს მოხიბვლაში ზურას აშკარა კონკურენტი გამოდგა თავად

• მომხსნებელი - დეა ყოლბაია გახლდათ.
  

ეს არის ძალიან აქტიური, მხირუალი, ენერგიული ქალბატონი, რომელმაც ზუსტად იცის რას და რატომ აკეთებს.
ცალკე საკითხია მისი წაყვანილი ლექცია, რომელმაც მე პირადად სასიამოვნოდ გამაოცა და მთელი 3 საათი ასე სასიამოვნოდ გაოცებული დამტოვა.
საზოგადოება იმდენად შევიდა როლში რომ შესვენებაზეც კი არ ისურვა გასვლა. :)

"ლექცია წარმატებულია, თუ მისი ჩაწერის სურვილი გიჩნდება" (c) როლმელიღაცა ლექტორის სიბრძნისმეტყველებიდან.

ამ ლოგიკით კი დეას ლექცია უდაოდ წარმატებულია, რადგან ზუსტად 10 წუთის შემდეგ დაუძლეველი სურვილი გამიჩნდა მისი ჩაწერის, და რადგან ჩემი ჩანთის სიმცირის გამო ფურცლისმაგვარი ვერაფერი აღმოვაჩინე, პროგრამაზე დავიწყე ლექციის ჩაწერა, საბოლოოდ კი ჩემმა შემოქმედებამ სამ თაბახის ფურცელს მიაღწია :)

"არსთა არსობის არსზე დაფიქრებული აუდიტორია "

მოკლედ მე პირადად მეამაყებოდა ( არ ვიცი მე რატომ მაგრამ ) რომ ადამიანი რომელიც პროფესიით ექიმი გახლდათ ასე ზედმიწევნით კარგად იყო გათვითცნობიერებული მითოლოგიაში. და ნამდვილად მრცხვენოდა ( ამ შემთხვევაში ნამდვილად მე ) რომ მითოლოგიის ცოდნით თავმომწონეს ნუ იტყვით და ზედმიწევნით ბევრი რამ არ მცოდნია. :)
p.s. ბევრი რომ არ გავაგრძელო ეს იყო კონფერენცია, რომელიც იყო ძალიან კარგად დაგეგმილ-მომზადებულ- განხორციელებული, და აღნიშნული ხელმეორედ რომ ტარდებოდეს აუცილებლად მოგიწოდებდით, გთხოვდით, გირჩევდით დასწრებოდთ მას, თუმცა რადგანმ მეორედ (რამდენადაც მე ვიცი) არ ტარდება, მინდა გითხრათ რომ მშვენიერ კონფერენციას გამოაკლდით
მადლობა ზუარას მოწვევისათვის. :)


P.P.s. კონფერენციის ბოლოს გაიჭრა საზეიმო ტორტი და დარიგდა სერთიფიკატები.
ტორტის გაჭრაზე ვეღარ დავესწარი, თუმცა სერთიფიკატი შემხვდა, რომელიც ხარისხით თქვენ წარმოიდგინეთ და ბევრი სახელმწიფო ორგანიზაციის მიერ გაცემულ სერთიფიკატს ჯობდა :P :)