ერთი უძველესი პროფესიის შესახებ

"-იმენად კარგი ადვოკატი იყო რომ ორსული ქალის მკვლელი სასამართლო დარბაზიდანვე გაათავისუფლა
-კარგი კი არა, ეშმაკის ადვოკატი ყოფილა
-ეგ პრინციპში ერთი და იგივეა ..."

ალბათ თქვენც ხშირად მოგისმენიათ/წაგიკითხავთ როგორი გაოცებული"თვალებით"ეკითხებიან ჟურნალისტები( მათ შორის ყველაზე რეიტინგულნიც) ცნობილ ადვოკატებს: როგორია დამნაშავის დაცვა? არ გიჭირთ დამნაშავის გამართლება? ... და მე სრულიად ბუნებრივად მიკვირს როგორ ყოფნით მათ მოთმინება მშვიდად უპასუხონ ამ სრულიად არაპროფესიონალურ კითხვას.
(უცნაური მაგრამ მე არსად მომისმენია ვინმეს ექიმისთვის დაესვას მსგავსი კითხვა)

მიუხედავად იმისა რომ მე ჯერ არ ვარ ადვოკატი, მითუმეტეს ცნობილი და მაღალანაზღაურებადი და შესაბამისად ჯერ არ გავმხდარვარ ამ კითხვის ადრესატი
თუმცა ჩემი პოზიცია ამ საკითხთან დაკავშირებით ასეთია:

ნებისმიერ ადვოკატს ამ კითხვაზე შესაძლოა მინიმუმ 3 პასუხი ჰქონდეს:

1. როგორც ადამიანს;
2. როგორც იურისტს;
3. როგორც ადვოკატს.
   

1. როგორც ადამიანი, მე შეიძლება ვფიქრობდე რომ ვიღაც იმსახურებს ან არ იმსახურებს დაცვას/ გამართლებას, თუმცა ასევე როგორც ადამიანს კარგად უნდა მესმოდეს რომ მე ნამდვილად არ მაქვს უფლება გადავწყვიტო გნებავთ განვსაჯო კონკრეტულად ვინ იმსახურებს ან არ იმსახურებს დაცვას.
2. როგორც იურისტს, მე უფრო კარგად უნდა მესმოდეს უდანაშაულობის პრეზუმფციის არსი და ვიცოდე რომ სასამართლო გადაწყვეტილების გამოტანამდე არავის შეიძლება ეწოდოს დამნაშავე. ანუ სანამ არ არის სასამართლოს მიერ გამამტყუნებელი განაჩენი ჩვენ არ ვიცავთ დამნაშავეს - მარტივია. :)
3. როგორც ადვოკატს კი, მე განსაკუთრებით კარგად უნდა მესმოდეს, რომ ადვოკატი რომელიც არ იცავს დამნაშავეს ბოლოს კვდება შიმშილით, რადგან მოსაზრება იმის შესახებ რომ განსასჯელის სკამზე მხოლოდ უდანაშაულოები ხვდებიან - მითია.

P.S. უძველეს პროფესიაში რა თქმა უნდა ვექილობა ვიგულისხმე და დარწმუნებული ვარ არც თქვენ გიფიქრიათ რამე სხვა და რადგან მას შევეხეთ მინდა გაგიზიაროთ პოსტი ადვოკატებზე, რომელიც მე პირადად ძალიან მომეწონა - პოსტი ძირითადად სამოქალაქოს ადვოკატებს ეხებათ და დაწერილია იმ ადამიანის მიერ რომელსაც ყოველდღიური ურთიერთობა აქვს მათთან რაც მის ღირებულებას ერთიორად ზრდის


P.p.s. მოკლედ გადაიკითხეთ - გადასინჯეთ და მოიფიქრეთ გსურთ თუ არა ადვოკატის საკვალიფიკაციო გამოცდების ჩაბარება.
საბუთების მიღება კვირის ბოლომდეა. :)