მაია *მაია*მაია

პოსტი ეძღვენება სამ მაიას, ანუ 2 მაია + მაია = 3 მაია

• 2 მაია - ანუ სიუჟეტი კოდური სახელწოდებით "წითელი და შავი" - სტენდალი აქ არაფერ შუაშია - ალბათ უფრო ბანკი რესპუბლიკა

მოკლედ მე რომ მისი მრჩეველი ვყოფილიყავი, მთელი გულით და სულით ვურჩევდი ასეთი რამ არ გაეკეთებინა (ინტერვიუ საკუთარ თავთან), რადგან:
1. დატოვა შთაბეჭდილება - რაღაც მიტოვებული, დაკომპლექსებული, საკუთარ თავში ჩაკეტილი ადამიანის, რომელიც იმდენად არ აინტერესებს არავის რომ იძულებულია საკუთარი თავი თავად მოიწვიოს სტუმრად და როგორც იქნა აღმოთქვას თავისი ბანალური ისტორია, რომელსაც წვეთ-წვეთ ყველა გადაცემაში აპარებდა, თუმცა ეს არ იყო საკმარისი და აჰა მიეცა შესაძლებლობა მთლიანად გადმოეფრქვია მთელი თავისი ზღვა ემოცია და როგორც ბოლოს გაირკვა თურმე არც არაფერი ისეთი.
2. საკუთარ თავთან დადებულ გარიგებას იურისტები არაკანონიერს უწოდებენ, ნეტავ რას უწოდებენ ჟურნალისტები საკუთარ თავთან ჩაწერილ ისტორიას, ალბათ სულ მცირე არსერიოზულს არა? თუ არა ბოდიში....
3. ეგოისტური სვლა იყო - გრიგოლიასგან განსხვავებით მას მაინც არ მიაჩნდა რომ დედამიწა მის გარშემო ტრიალებს. გარდა ამისა არ იყო გათვლილი თუ რა შოკს მიიღებდა მაყურებელი ეკრანზე ორი ასათიანის დანახვაზე. თუ გავითვალისწინებთ იმას რომ არაფერი არ უთქვამს ისეთი რაც მაყურებელს მისი კლონირების აუცილებლობაში დაარწმუნდება
4. და ბოლოს თვითონ ცეკვავს, თვითონ მღერის და ბილეთებსაც თვითონ ყიდის, ეს ფრაზა რუსულად უფრო კარგად ჟღერს, მაგრამ რუსული კლავიატურა არ მაქვს და თან ახლა მოდაშია ყველაფერი რუსულის გადმოქართულება.

• მაია - უბრალოდ მაია

მინდა აღვნიშნო რომ არ მიყვარს ე.წ. "ვირუსული ვიდეოები" ათიათასჯერ რომ დაიდო უკვე ყველგან სადაც შეიძლებოდა და ვინც შეიძლებოდა უკვე ყველამ რომ დაწერა "ლოლ" "ვაი მაგის პატრონს" " ეს სად ვცხოვრობთ" და მისთ.

თუმცა ეს სულ სხვა შემთხვევაა, როდესაც მე ევროპაზე უფრო მეტად ვარ შეშფოთებული რადგან მიუხედავად იმისა რომ ძალიან კრიტიკულად ვარ განწყოილი ქართველი ჟურნალისტების/ტელევიზორში გამოჩენილთა მიმართ ( იმედს ვიტოვებ ჟურნალისტი არ არის თუმცა არც ამ ვერსიას გამოვრიცხავ) მეც კი არ მინახავს არსად მსგავის რამ.

რჩევა ჟურნალისტებს და ყველას ვისაც ტელევიზიაში მუშაობის ამბიცია გაქვთ: გადაწერეთ ეს ვიდეო და თუ ოდესმე რომელიმე ტელევიზიამ უარი განაცხადა თქვენს აყვანაზე უჩვენეთ მას ეს ვიდეო.
თხოვნა - ყველა მარეგულირებელ კომისიას, სახალხო დამცველს, გაეროს, ეუთოს, ანტიკორუფციულ საბჭოს, ადამიანის უფლებათა ევროპულ სასამართლოს, ჯანდაცვის, შრომისა და სოც. უზრუნველყოფის სამინისტროს, და საერთოდ ყველა შიდა და საერთაშორისო სტრუქტურას -> გვიშველეთ ჩემო ბატონო, სანამ მაია - მანიად ქცეულიყოს...

P.s. ყველას კი ვინც ტვინი/ ყური წაიღო ფორუმზე რას ერჩით ამ ქალსო....
განვუმარტავ რომ, კრიტიკა ჩვენი სუვერებული უფლებაა!
ხოლო მათ კი ვისაც კრიტიკა აღიზიანებს, ნერვებს უშლის, ყელში უჭერს და ღამე არ აძინებს გოეთეს ცნობილ სიტყვებს შევახსენებ: "ის მე მაკრიტიკებს ე.ი. მე ვარსებობ!"