ორი ბილეთი და დაჯარიმებას გადარჩენილი ემბრიონი

ცხელა
ავტობუსი ლექციის ბოლო წუთივით მიზოზინებს და ისე ცხელა სანთლის ანთებაც კი გვეზარება წვიმის საძებნელად
ჩემს გვერდით ორსული გოგო ზის და ავტომატურად მახსენდება ფორუმზე გამოთქმული ჩემი მოსაზრება იმის შესახებ რომ ზედმეტად გაჭედილ ავტობუსში ორსული ქალი არ უნდა ავიდეს მეთქი და ამას მოყოლებული აღშფოთებული პოსტების არმია და ერთი-ორჯერ ცინიკურად იმის შეხსენაც რომ ყველას ჩემსავით მანქანა არ ემსახურება
ეს უკანასკნელი მოსაზრება კი ან ფორუმელთა ფანტაზიის ნაყოფია ან რომელიმე მილიონერის შვილს ვგავარ ზედმეტად.

თუმცა ეს ორსული გოგო, რომელიც ახლა ჩემს გვერდით ზის და ისეთივე ჩაფიქრებულად მომღიმარი სახე აქვს როგორც ყველა ორსულს, ავტობუსში დასაშვებობის ჩემეულ პარამეტრებს აკმაყოფილებს იმ მხრივ რომ ავტობუსი არც იმდენად გაჭედილია რომ ჟანგბადი წვიმის არ იყოს და სანთლით გახდეს საძებარი.

მერე რა რომ ავტობუსი ლექციის ბოლო წუთივით მიზოზინებს და ისე ცხელა რო.. მოკლედ ხო..

ამ დროს იღება კარი და ამოდიან კონტროლიორები წინასწარ მომზადებული ტექსტით - "რით ვერ დაიმახსოვრეთ ხალხო რომ ბილეთები უნდა აიღოთ ავტობუსში ამოსვლისთანავე აგერ არ არის გამოკრული? - ამოსვლისთანავე..."

ვიცი ავტიობუსიდან ჩასვლამდე არც ერთი არ ვითვლებიოთ სამართალდამრღვევებად მაგრამ რადგან ბილეთი ჯიბეში მაქვს, თავი კი შესაბამისად ქუდში რა აზრი აქვს ლექციის კითხვას ქვეტექსტით "იცით მე ადმინისტრაციულ სამართალდარღვევათა კოდექსი წაკითხული მაქვს ! "

კონტროლიორები ჩვენსკენ მოიწევენ მგზართა მსგავსი კომენტარების ფონზე "დამთავრდა არჩევნები და დაიწყეთ არა დაჯარიმება?" და სანამ კონტორლიორი ჩემს ბილეთს აკვირდება ჩემს გვერდით მჯდომი ორსული გოგო ხსნის ჩანთას და იქიდან იღებს ორ ბილეთს.
კონტროლიორი ჯერ მე მიყურებს მერე მას, და ასეთი არაფერი მინახია ხმით კითხულობს - - - მეორე ბილეთი ვისია?
- ჩემი შვილის -იღიმის ის.

და მასთან ერთად იღიმის ყველა - ის ქალი სოციალური პრობელემების მოგვარების გეგმას რომ აცნობდა საზოგადოებას, ის კაციც ქართველთა შველა-არშველის საკითხს დიდი კითხვის ნიშანს რომ უწერდა ცოტა ხნის წინ და თქვენ წარმოიდგინეთ ის კონტროლიორიც რომელიც პროტოტიპია ნებისმიერი საქმეში ჩაფლული მოხელის იმდენად რომ გაუტაცნია საქმეს ყოფითი მომენტები რომ ეპარება ხშირად.
მაგრამ ეს დადებითი განწყობა სულ რამდენიმე წამით გრძელდება მერე ისევ ყველაფერი ჩვეულ სტილს უბრუნდება

-რავი ხმა კი ყველამ მიეცით და....
-არავისთვის არაფერი არ მიმიცია მე
-ყველა ეგრე იძახით და 70 %-ს კი იღებენ ყოველთვის
-იცი რას გეტყვი გენაცვალე სააკაშვილისთვის ხმის მიმცემნი შენსკენ მოიკითხე....

ბზბ ბზბ ზბზბ

ცხოვრება კარგი რამეა ისე
მიუხედავად იმისა რომ ავტობუსი ლექციის ბოლო წუთივით მიზოზინებს და ისე ცხელა რომ სანთლის ანთებაც კი გვეზარება წვიმის საძებნელად.