იყო თუ არა სექსი დიდ ქალაქში?

"საბჭოთა კავშირში სექსი არ არის" - გაისმა "ამერიკის ხმაში" ამერიკელი მიამიტი გოგოს ხმა და მსოფლიოს მეორე ნახევარი უხერხულად შეიშმუშნა.

თუმცა მე მათ ადგილას ერთ კარგ ფილმს გადავიღებდი იმის საილუსტრაციოდ რომ სექსი, როგორც ყველაფერი კარგი და ხარისხიანი საბჭოთა კავშირში, დახლებზე კი არ ყრია (კაპიტალისტურად) არამედ იმალება სარდაფებში, დახლებქვეშ, საწყობებში - ჩუმად, მალულად, ძვირად (სოციალისტურად)
საბჭოთა კავშირი ისევ მამა-პაპათა ტკბილ მოგონებებში იყოს და 10 ივნისს თბილისში გრანდიოზული პრემიერა გაიმართა ფილმისა "სექსი დიდ ქალაქში 2 " სიმართლე ვთქვა არ მესმის რატომ ასეთი აჟიოტაჟი - ფილმის სათაურის სამი სიტყვიდან ფაქტია არც ერთი არ შეესაბამება თბილისს, თუმცა ისიც ფაქტია რომ ამ პრემიერამ გამოუჩინა ზოგს- ფული, ზოგს-საქმე, ზოგს- მკერდი, ზოგს - წასასვლელი, ზოგს-ჩასაცმელი, ზოგს- დასალევი, აი მე კი - დასაწერი.

პრემიერაზე თუ ვერ მოხვდით, შეგიძლიათ ჯერ ეს ვიდეო ნახოთ, მერე კი როცა გაიაზრებთ თუ რამდენად ბევრი დაკარგეთ ამ პოსტის კითხვა დაიწყოთ გასახალისებლად.


ჩემს მიერ დანახული სექსი დიდ ქალაქში

• მხოლოდ ჩვენთან 1 ორის ფასად

ჩვენ, შეგვიძლია შევიძინოთ რომელიმე ფეშენ ბუწიკში თმისსამაგრი, რომელიც რვაჯერ უფრო იაფად ყველა "პაძემკის" ამოსასვლელში ყრია.

ჩვენ შეგვიძლია გადავიხადოთ 25 ლარი ყავაში და 25 ლარიანი არომატით ამაყად დავლიოთ მოტანილი ლარიანი თურქული ყავა
და შეგვიძლია შევქმნათ მოვლენა, ვაქციოთ ეროვნულ დღესასწაულად გავიჭყლიტოთ რიგებში ბილეთის მოსაპოვებლად ფილმისთვის რომელიც უკვე ყველა საიტზე (კაპიტალისტურად) ყრია და რომელზეც უკვე 100-მდე კრიტიკოსმა დაწერა რომ ასეთი უაზრო ფილმი ჯერ ჩვენც კი არ გადაგვიღია.
ისეთი ეიფორია სუფევდა, რომ გულწრფელად ველოდი პრემიერაზე პრეზიდენტის გამოჩენას და ამ დღის საქართველოში სექსის დღედ გამოცხადებას - პირველად დამოუკიდებელი საქართველოს ისტორიაში რაღა თქმა უნდა.

• მასპინძლები

ჩვეულებრივ ქვეყანებში პრემიერებზე იგება წითელი ხალიჩა და იქ მისულთ ფილმის გმირებთან შეუძლიათ სურათების გადაღება.
საქართველო უნიკალურია!
აქ იგება ვერხცლისფერი ხალიჩა და სურათებს ჯერ არგასულ შოუს ვარსკვლავებთან იღებენ.
"სექსი დიდ ქალაქშის" პრემიერაზე მისულს რატომ მეძლევა უნიკალური შანსი "დღის შოუს" წამყვანებთან პოზირების -ამას თუ ვინმე ამიხსნის მის უნარ-ჩვევებს უფრო მაღალ კოეფიციენტს დავუწერ ვიდრე, ოდესმე რომელიმე უნივერსიტეტს შემოუთავაზებია.

• თბილისი live

არ ვიცი ჟურნალისტიკის ფაკულტეტს რამდენად აქვს დოქტურანტურა, თუმცა მე მისი დოქტორანტი რომ ვყოფილიყავი სადისერატციოს ორ თემაზე დავწერდი - "როსტოს როლი , მისია და ფუნქციები ნანუკას შოუში" და "თბილისი live -ის ცნება, მიზანი, პრინციპები, ამოცანები და წყაროები" დამეთანხმებით და ორივე საკამოდ კარგი საკვლევი თემაა.
თუმცა ამ გლამურზე დახამებულმა გადაცემამაც კი ვერაფერი თქვა ისეთი ამ ფილმზე წასვლა რომ მოგვდომებოდა. წამყვანის კითხვაზე მოგეწონათ თუ არა ფილმი - ქართველი ლამაზმანები უხერხულად შეიშმუშნენ, შემდგე გაახსნედათ რომ ასეთი ანტი-რეკლამის შემდეგ ძია "ამირანი" შესაძლოა გაბრაზებულიყო და შემდგომ გლამურ ფართიზე აღარ დაეპატიჟა და საბოლოო ჯამში ერთ აზრზე შეჯერდნენ - რომ ეს არის ფილმი რომელიც ყველა ქალმა ცხოვრებაში ერთხელ მაინც უნდა ნახოს - რომლის ქვეშაც უთუოდ იგულისხმებოდა - "ერთხელ გაძლება შეიძლება"
რასაც უთუოდ ვეთანხმები, ერთხელ "თბილისური love story"-ც კი ავიტანე და ... ეს რა უნდა იყოს ასეთი.

• "ამ მოსაწვევის გაჩითვა იყო რაღაც..."

ია ფარულავას დიალოგის მოსმენის შემდეგ მომინდა მის ლექსიკაში მყოფ სიტყვა "გაჩითვას" გავსაუბრებოდი და მეკითხა ვინ არის და რომელი უბნის რომელი "ბირჟიდან" მოდის? ყველაფრის მოდურობის ატანა შემიძლია - გაბზეკილი ტუჩების, ზედ დადებული წითელი პომადის, სახეზე აგლესილი "შპაკლის", რბილის ლ-სიც კი , ქართული ენის დამახინჯება ნუ გახდება ოღონდ მოდური და ისევ ჩხეიძის რომანსები და კაკულიას წინაწარმეტყველებანი იყოს- ატანადია.

"თეთრ სახლში უფრო ადვილად მოხვდებოდა ადამიანიო" რომ ამბობს , რომელი ჟურნალისტი იდექით იქ ვერ კითხეთ რამდენჯერ არის თეთრ სახლში ისე შემთხვევით მოხვედრილი? ყველაზე მეტად უაზრო შედარებებს ვერ ვიტან მითუმეტეს როდესაც შემდარებელი ცდილობს ამ შედარებას იუმორის მნიშნელობა მიანიჭოს

მაგ: "ანჯელინა ჯოლის უფრო ადვილად დაუკავშირდები, ვიდრე კავაკაზუსის ოპერატორ გოგოს"

• "დიდი კუწურე, სახელად მიხმობენ ავთანდილობით..."

ყველაზე გულწრფელი მაინც ავთო იყო, რომელმაც აღიარა რომ მხოლოდ ტანსაცმლის შესაფასებლად იყო მოსული, თუმცა როდესაც თქვა "ოთხივე მახინჯიაო" მეგონა sexy and the city- ზე გაფანატებული ბომონდი მივარდებოდა და მათ პირველ ჩამცმელს უკანასკნელ პერანგსაც კი შემოახევდა, თუმცა როგორც აღმოჩნდა უმეტესობა ავთოს თანამოაზრე ყოფილა ანუ ტანსაცლის სათვალიერებელ-გამოსაფენად შეკრებილი საზოგადოება, რომლის უმრავლესობა გულით რომ გეთხოვა ფილმში მონაწილე მსახიობთა გვარებსაცც ვერ დაასახელებდა, ფილმის ორიგინალურ დასახელებაზე რომ არაფერი ვთქვა.

• "კაცები ზედმეტნი არიან ქალთა ბედნიერებისთვის-ო"

ეს რომელიმე უკაცობით დატანჯულ ფემინისტკას რომ ეთქვა ყველაფერი გასაგები იქნებოდა, მაგრამ რადგან ამ სიტყვების ავტორი კაცი იყო და როგორც მე მივამსგავსე რომელიღაც თანამდებობის პირი ერთი ვარიანტიღა რჩება - პრემიერაზე წამოსვლამდე დიდი მონდომებით უმტკიცებდა მეორე ნახევარს არ არის ჩემი ადგილი იქო და რადგან ვერ დაარწმუნო საკუთარი პოზიცია კამერების წინ კიდევ ერთხელ დააფიქსირა.

და ბოლოს,
მე, როგორც იურისტმა, ბლოგზე ტლიკინის გარდა მინდა სხვა წვლილიც შევიტანო ქართული მედიის განვითარებაში, ამიტომ გადავწყვიტე შევიმუშავო კანონ-პროექტი რომლის ძალითაც ჟურნალისტს აეკრძალება ინტერვიუს ჩაწერა:

• მთვრალებთან;
• შეურაცხადებთან;
• გამართული ქართულით ვერ მოსაუბრეებთან ( თუმცა ეს პუნქტი რომ ამოქმედდეს საჭიროა თავად ჟურნალისტი მეტყველებდეს გამართული ქართულით)
• პირებთან რომელთა IQ-ც 50-ზე ნაკლებია (ამ პუქნტის ასამოქმედებლადაც საჭიროა თავად ჟურნალისტის IQ იყო 50-ზე მეტი)
• თეთრ კაბაზე კოქტეილ გადასხმულ გოგოებთან ( ეს წმინდა პირადი ინტერესით)

კანონის პარლამენტში წარდგენას 30 000 ამომრჩეველი სჭირდება
და თუ ჩემი ბლოგის მკითხველთა რაოდენობას გავითვალისწინებთ
არც ეგ უნდა იყოს პრობლემა :*

დარჩით ამ ბლოგზე :*
მე კიდევ დავწერ ....
ხოლო მათ ვისაც გრძელი პოსტების კითხვა ეზარება შეგიძლიათ სურათები დაათვალიეროთ :)