მე, მის ესპანეთი და მსოფლიო ჩემპიონი

ესპანელი გულშემატკვივარი გოგოების ფოტოებს ვეძებდი და ამ საოცრებას გადავაწყდი.

მე და ნატალიამ ერთხმად აღვნიშნეთ, რომ ესპანელ ქალებს ამ ქვეყნად ყველაზე ლამაზი თვალები აქვთ. თუმცა თუ ამ კონკრეტულ სურათზე მის თვალებს დააკვირდებით, უმალ შენიშნავთ რომ მისთვის მოედანზე მორბენალი 22 კაციდან ერთ-ერთი მაინც უბრალოდ მოედანზე მორბენალი კაცი არ უნდა იყოს.
თუ ამ ყველაფერს ცოტა ვიკიპედიას, ცოტა გუგლს და გემოვნებით ლოგიკასაც დაამატებთ მიხვდებით რომ ეს უმშვენიერესი ესპანელი ქალბატონი ევა გონსალესი, ანუ მის ესპანეთი 2003 და ესპანეთის საფეხბურთო ნაკრების კაპიტნის იკერ კასილასის ექს მეგობარი გოგონაა.

ეს ინფორმაცია ასევე ნატალიამ მომაწოდა და იქვე სინანულით ისიც იკითხა ასეთი გოგო როგორ გაუშვა ხელიდანო?

მართლაც და იკერ...:(

• ვერსია #1 ბანალური
  

ყველა კაცი ერთნაირია, გაწყდა სინსილა, სად აქვთ თვალები და მსგავსი მარაზმები. კატეგორიული წინააღმდეგი ვარ ამგვარი ფრაზების. აბა როგორ შევადარო იკერ კასილასი ჩემ მეზობელ უშანგის, რომელიც მსაჯს მწვრთნელისგან ვერ არჩევს და ბრაზილიელებს მონღოლებისგან.

• ვერსია #2 ცინიკური

ვადა გაუვიდა, ანუ დაძველდა მართლაც და რატომ უნდა ყავდეს 2010 წლის ჩემპიონს გვერდით 2003 წლის ყველაზე ლამაზი ქალი? არ ჯობია 2010 წლის? გაცილებით უფრო გაუმჯობესებული ვერსია იქნება, თანაც ბევრად უფრო ახალგაზრდა. თუმცა არა, არც ისეთი ცინიკოსი ვარ თქვენ რომ იფიქრეთ ახლა.

• ვერსია #3 კვაზი - რეალისტური

მობეზრდა.
ერთი ფილოსოფოსი ტრიბუნიდან სიბრძნისმეტყველებდა: კაცებს, ადრე თუ გვიან ბეზრდებათო ყველაფერი, - საყვარელი სუნამოდან დაწყებული საყვარელი ქალით დამთავრებული. თუმცა მე ვფიქრობ რომ არსებობს ბევრი ნივთი, მოვლენა და ადამიანი რომლებიც არ ექვემდებარებიან ამას. მაგალითად არ მესმის როგორ უნდა მომბეზრდეს ჩემი კომპიუტერი, სხვის საქმეში ცხვირის ჩაყოფა ან თიკო სადუნიშვილის კრიტიკა.

• ვერსია # 4 ადვოკატის პოზიცია

ანუ ჯერ კიდევ საკითხავია ვინ ვინ მიატოვა. აქ უბრალოდ ვამბობთ რომ მსხვერპლი ეს ქალბატონი კი არა იკერია და ამას ერთ-ორ ისეთ ამბავსაც თუ მივაყოლებთ, რომელიც მის არც თუ ისე "კარგ ქალობაზე" მიანიშნებს ჩათვალეთ, რომ ოპონენტის კარში ისეთ ბურთს დაარტყამთ, რომლის აღებასაც მხოლოდ იკერი თუ მოახერხებდა.

• ვერსია # 5

და....
გეთანხმებით პუნქტი მეხუთე საჭიროებს საფუძვლიან შესწავლას.
თუ ვერ იცანით ეს ქალბატონი გახლავთ Sara Carbonero.
დიახ, იმ ცნობილი კოცნის მთავარი მოქმედი პირი და იკერის ამჟამინდელი მეგობარი გოგონა.
თუ რაიმე სასწაულით ჯერ არ გინახავთ შეგიძლიათ იხილოთ ვიდეო, რომელსაც მე დავარქვი "მადრიდელი"



ჩვენ, ქართველები ზოგადად კაცობრიობის მორალის დამცველნი ვართ ამიტომ მრავლად შეხვდებოდით აღშფოთებულ კომენტარებსაც: რატომ არ გააპროტესტაო ასეთი უტაქტო კოცნა. (!)
და ... სიმართლე ვთქვა
მის ადგილზე არც მე გავიქცეოდი სასამართლოში.


P.s.
ვერსიები მრავლად ჩამოვწერე, თუმცა პასუხი ნატალის კითხვაზე - როგორ გაუშვა ხელიდან ესეთი მაგარი გოგო - კვლავ უცნობია.
და მე გპირდებით, რომ ერთხელ მადრიდში აუცილებლად დავუსვამ იკერს ამ კითხვას :)
პასუხსაც რა თქმა უნდა პირველი ჩემი მკითხველი შეიტყობს, ასე რომ დარჩით ამ ბლოგზე! :)