თხოვნა რესპოდენტებს!

"ჩემს მშობლიურ ენაში იმდენი სიტყვა მომეპოვება, რომ უმალ საგანთა ნაკლებობაზე თუ მომიხდება ჩივილი, ვიდრე სიტყვების სიმცირეზეო" -


წერდა ლეონარდო და ვინჩი იტალიურ ენაზე, თუმცა ეს სიტყვები იმდენად ზუსტად შეეფერება ქართულ ენას რომ თავისუფლად შეგვიძლიას ვისაუბროთ ლეონარდოს (ან თუნდაც მისი ბებიის) ქართულ ფესვებზე.

ამასობაში კი მე, "ვალერიანი"-ს ბიზნესი დავიწყე, ამიტომ მოგიწოდებთ რომელიმე ქალაქის, "ტუსოვკის", დიზაინერის, დიჯეის ნიჭით აღფრთოვანებულ რესპოდენტთა კომენტარებს დაუკვირდეთ.


აი მაგალითისათვის:

-როგორია ბათუმი წელს?
- აუ ძააააააან მაგააარი
-როგორ მოგწონს ვალოდია ჯინჭარაძის კოლექცია?
-ძააააააან მომწონს... ძაააააან მაააგარიააა
-მოგწონს დიჯეი შტურმი?
-კი ძაააააან, უმაგრესია. უძალიანესად, ძაააან მაგარია.


მე თქვენ გეკითხებით რას ჰგავს ეს?
არა გეკითხებით საღამოებზე ერთნაირი კაბებით სიარული ტეხავს და ერთნაირი ლექსიკით საუბარი არა?
არადა ჩვენ ხომ იმდენი სიტყვა გვაქვს დადებითი ემოციების გამოსახატავად.

P.s. თუ მაინცდამაინც ასე ძალიან ხართ მოხიბლული სიტყვა "ძალიან"-ით. ძალიან გთხოვთ ნუ იქნებით ოკუპანტები და ამ სიტყვიდან მის კანონიერ ტერიტორიას "ლ"-ს ნუ მიიტაცებთ, თორემ რაც ყოველ წამს მესმის რომ ბათუმი წელს ძაააან ლ'ამაზია, სურვილი მიქრება იქ ჩასვლის, ბათუმს რა უჭირს აიტანს უჩემობას, ენა მახინჯდება უბრალოდ.