10 сентября 2010

ყველას, ვინც ვერ ახერხებს ქართულად წერას, კითხვას და ლაპარაკს.

" - გადაღლილია ბავშვი და ახლა უნდა შველა
-რამ დაღალა ქალო?!
-რამ? ინგლისურზე რომ დადის ბავშვი არაფერია? ახლა გერმანული, ფრანგული , რუსული, მუსიკა, ცეკვა, სიმღერა, პიონერთა სასახლე
-კი მაგრამ, ქართულს როდის სწავლობს? "

ჩვენს შორის ხიდია ჩატეხილი.
ჩვენ იმათი ქართული არ გვესმის და იმათ ჩვენი ინგლისური.
ჰოდა ვდგავართ ამ ხიდის ნანგრევებზე და ხელების ქნევით და მიმიკებით ვცდილობთ გავაგებინოთ ერთმანეთს, თითის წვერებზე ვდგებით და ხმამაღლა გავკივით, თუმცა ენა თუ არა იცი ხმის აწევა რას გიშველის?


მინისტრი გამოვიდა ჩვენი... ასე თქვა:
" ისინი შეხვდებიან არა მარტო მე და პრემიერს, მაგრამ პრეზიდენტსაცო"

გაიგე ახალ რისი თქმა სურდა. არადა ხომ გავიგეთ? ყველა განათლებული ადამიანი მიხვდა რისი თქმაც უნდოდა, უფრო განათლებული კი ახლა ინტრიგანობაშიც დამდებს ბრალს: რა მოხდა ახლა კავშირები თუ აერია ერთმანეთში, აზრს ხომ მიხვდიო. აზრს კი მივხვდი მაგრამ კავშირები თუ გერევა, რათ მინდა მერე შენი დიპლომი თუნდაც რამდენიმე? ( გამიგონია, ახლა ყველაფერს კავშირები წყვეტსო)

საქართველო ახლაგაზრდა ქვეყნაა, ამიტომაც არის რომ არც ფეხბურთის თამაში ვიცით, არც დემოკრატიის, არც კანონების წერა გვეხერხება და არც მათი აღსრულება. რატომ თუ იცი? იმიტომ რომ ახალგაზრდა ქვეყნაა ჯერ და რაც შეძლო იმისთვისაც მადლობა უნდა გადავუხადოთ.
როდის უნდა გაიზარდო მამიკო?!

პატარაა ჯერ, მოდის და თან მოაქვს რამდენიმე ათეულ საუკუნოვანი ისტორია, თუმცა ჯერ მაინც პატრაა, ათას ომგამოვლილს, ომს სხვები ასწავლიან, ჯერ თვითონ არ შეუძლია ამიტომაცაა რომ ჯერ ყველაფერი... ყველაფერი ეპატიება.
მამამ უთხრა: თუ დეიდა ნატო დაგპირდა მოვალო ე.ი. აუცილებლად მოვაო, ჰოდა ისიც ზის და ელოდება, მაგრამ დეიდა NATO არათუ არ მოდის, საკუთარ სახლში კი არ უშვებს.

საქართველო, ისე როგორც არასდროს, ახლა მშობლების სახლში ჩარჩენილ 40 წლის ვაჟიშვილს მაგონებს, ისევ მშობლების ხელიდან რომ ჭამს და ისევ მათ მიერ გაუთოვებულ პერანგებს იცვამს, ჯერ კიდევ საბჭოთა კავშირში ცხოვრობს, საბჭოთა პასპორტი ჯერ არ გამოუცვლია, არც ქართული პირადობა აქვს ჯერ, რადაგნ არ ესმის რისთვის სჭირდება, თანაც საბჭოთა პასპორტზე უფრო კარგი სურათია, მაშინ უფრო კარგი ფოტოგრაფები იყვნენ, მაშინ უკეთ იღებდენ სურათებს, მაშინ უფრო ახალგაზრდაც იყო თურმე.

ისევ დეიდები, მამიდები და ბიცოლები ერთვებიან საქმეში -" ჩვენ თუ არ ვუშველეთ და ჩვენ თუ არ ავუღეთ პირადობა, დაიღუპება ბავშვიო!“
ბავშვი კი 40-ს გადაცილებულია უკვე, ისევ დივანზე წევს და ჯერ კიდევ ვერ გადაუწყვეტია, ჯერ კიდევ ყოყმანობს, ჯერ კიდევ არ იცის ჩაიში ორ კოვზი შაქარი ჩაიყაროს თუ სამი? ( აი, დაბრუნდებიან მამიდები საპასპორტოდან და ამ პრობლემასაც მოუგვარებენ )
ის რაც ეპატიება ხარს, არ ეპატიება იუპიტერს..

ჩენი თავი ჩვენვე უნდა გვეყუდნოდესო - მაგრამ რა დაეჯერება იმ მეცხვარეს, მთელი თავისი ცხოვრება ცხვრის მეტი რომ არაფერი ენახა, მეტიც,.. ინგლისურიც კი არ სცოდნია რიგიანი..

დიახაც რომ ჩვენ უნდა გვეყუდნოდეს, მაგრამ სადღა გვაქვს თავი?. დიდი ხნის წინ დაგვიკარგია, ისიც კი არ ვიცით სად და როგორ, როგორც სიმთვრალეში ქალწულობა.

"ამხანაგებო, მოსულია 1004-ზე მეტი დეპეშა: მოსკოვიდან, სტალინგრადიდან, კიევიდან, ოდესიდან, კრასნოდარიდან, ხარკოვიდან, სევასტოპოლიდან...
-კი მარა თბილისიდან არაა?
-სსუ!! "

ჰოდა სსუუ, თქვენც ჩუ და ჩვენც ჩუ. მაინც არ გვესმის ერთმანეთის...

"ენძელა და ია ფაეტონზე ზიან
გადმოვარდა ია კაბა დაიხია,
ნუ ტირიხარ ია ახალს გიყიდიან."

ჰოდა სსსუ მეგობრებო, რა გატირებთ ვერ ვხდები?

თუ ისტორია დაგვავიწყდა, ხელახლა მოგვიწევს მისი გამეორება...
თუ ისტორია დაგვეკარგა, ახალს დაგვიწერენ, უფრო კარგს, უფრო მზიანს და უფრო ნაკლებად სისხლიანსაც.
თუ ენა დაგვეკარგა ახალს გვასწავლიან
თუ რწმენა დაგვეკარგა, ახალ რამეში დაგვარწმუნებენ, რადგან ცოდოა კაცი რწმენის გარეშე
ხოლო თუ სამშობლო დაგვეკარგა... ჩვენ ძვლებს სხვა მიწაც კარგად დაიტევს.. ასე არ არის?
ვითომ ვისთვის რა უქნია უცხო ტომობას ჩვენ რომ რამე დაგვაკლოს?!
დიდი ამბავი თუ ჩვენც, ისევ გაზაფხული წამოგვისწრებს სხვის ქვეყანაში?!

და სად არის შენი სამშობლო?!

P.s. "-გადაღლილია ბავშვი და ახლა უნდა შველა
-რამ დაღალა ქალო?!
-რამ? ინგლისურზე რომ დადის ბავშვი არაფერია? ახლა გერმანული, ფრანგული , რუსული, მუსიკა, ცეკვა, სიმღერა, პიონერთა სასახლე
-კი მაგრამ, ქართულს როდის სწავლობს?

- ქართულს ყოველთვის ისწავლის, მთავარი უცხო ენაა ახლა, მაგრამ შენს თავში მაგი არ შევა.. "
ჰოდა არც ჩემ თავში შედის და რა ვქნა?

P.p.s.ისეთი განცდით დავწერე და წაიკითხავდეს ვინმე მაინც..
ეს მულთფილმი კი რა თქმა უნდა ძალიან ძველია და ძალიან დიდი (10 წუთი) მაგრამ თემატური და ჩემი ერთ-ერთი უსაყვარლესი.


მსგავსი პოსტები



24 комментария:

  1. ჩენი თავი ჩვენვე უნდა გვეყუდნოდესო - მაგრამ რა დაეჯერება იმ მეცხვარეს, მთელი თავისი ცხოვრება ცხვრის მეტი რომ არაფერი ენახა, მეტიც,.. ინგლისურიც კი არ სცოდნია რიგიანი..

    დიახაც რომ ჩვენ უნდა გვეყუდნოდეს, მაგრამ სადღა გვაქვს თავი?. დიდი ხნის წინ დაგვიკარგია, ისიც კი არ ვიცით სად და როგორ, როგორც სიმთვრალეში ქალწულობა.

    "ამხანაგებო, მოსულია 1004-ზე მეტი დეპეშა: მოსკოვიდან, სტალინგრადიდან, კიევიდან, ოდესიდან, კრასნოდარიდან, ხარკოვიდან, სევასტოპოლიდან...
    -კი მარა თბილისიდან არაა?
    -სსუ!! "
    ეს ადგილი განსაკუთრებით :)

    უკვე მრცხვენია რომ შენთან და ვასასისთან ამდენ კომენტარს ვტოვებ, თან რატომღაც პირველივეს :)
    მაგრამ მე უნდა ვაღიარო თქვენი გენიალობა :)
    ეს იქით იყოს და ძალიან კარგი პოსტია ეს, აზრიანი და გამართული ქართულით დაწერილი!!
    ყოChაღი ჰექსე ხარ შენ, ძალიან ყოჩაღი!!.

    ОтветитьУдалить
  2. მუხრანი გამახსენა სათაურმა და რამდენიც არ უნდა იდაოს ხალხმა, ძალიან მართალი ლექსია!! მახსოვს "ხმა კატამონტან რომ წავიკითხე" ის ემოციაც და ვცდილობ რომ ბოლომდე ვიქართველო :)

    komentaris mizani: davarwmuno hexe rom me qarTuli vici da chemi tavi miyvars!! :D :D

    ОтветитьУдалить
  3. ჩვენი ქვეყანა არასოდეს გაიზრდება. არასოდეს.

    "რათ მინდა მერე შენი დიპლომი თუნდაც რამდენიმე"
    აქ "რად" უნდა იყოს.

    ОтветитьУдалить
  4. ეჰ ჰეხსუს, მეგობრები ბატონ აკაკის მეძახიან ხუმრობით (შანიძეს გულისხმობენ) მაგრამ, მეც ძალიან შორს ვარ იდეალური ქართულისგან. ეხლა ლუკა იწყებს მგონი მწკრივებს და გვარებს და უნდა ჩავეზიარო წიგნში :)
    მართალი ხარ ყველაფერ ამაში. ინგლისურში შეცდომას როცა ვუშვებ მისწორებენ და ქართულს არავინ არ საუბრობს სწორედ :(

    ОтветитьУдалить
  5. ბაჩო კიდევ ერთი ქართული მეტიჩრობა უცხო ენაზე რომ თქვა შეცდომით რამე სიტყვა ათასი კაცი შეგისწორებს ეგრე კი არა ეგრეაო :)
    მეც ბევრ შეცდომას ვუშვებ, თუნდაც ამ პოსტში, მაგრამ ნუ ვცდილობ მაინც :))

    Kate
    დილით ვწერდი ამ პოსტს აღშფოთებული და რათ უფრო კარგად მომხვდა როგორც ჩანს ყურში :)

    agaTa
    რა არის ვითომ აქ სასირცხვილო? :)
    რაც უფრო ხშირად დაწერ კომენტარებს უფრო გამიხარდება :)
    შენს მეორე კომენტარს რაც შეეხება ჰექსემ ისედაც იცის :)

    ОтветитьУдалить
  6. ცუდად არ მითქვამს ხომ იცი. უბრალოდ შეგისწორე. :**

    ОтветитьУдалить
  7. არადა შაშკინს უთქვამს ახლახანს მასწავლებლებისათვის (ფიზკულტურის მასწავლებლების ჩათვლითაც) - ინგლისურის და კომპიუტერის გამოცდები ჩააბარეთ და 75 ლარს დაგიმატებთო. თან არ აზუსტებენ კომპიუტერის ცოდნა რას ნიშნავს. დაშლა-აწყობას (ავტომატივით), პროცესორის გამოცვლას, თუ მარტო "ფასებუკში" "ჩატაობას".

    ОтветитьУдалить
  8. ძალიან კარგი ბლოგია,კრეატიული და საინტერესო..გამოვიწერე და აუცილებლად წეწვევი კვლავაც..^_^

    ОтветитьУдалить
  9. არ ვიცი რა კომენტარი დავტოვო, მაგრამ ვიგრძენი...

    ОтветитьУдалить
  10. მართლა გულით და ემოციით დაწერილი პოსტია.

    მომწონს.

    ОтветитьУдалить
  11. fu მეც კი დამბურძგლა ბლიად
    არადა იცით რომ ყველაფერი ეს სამშობლო, ენა, პატრიოტიზმი და ა.შ. ძალიან მკიდია
    ქართველობას გვართმევენ და მსგავს ტიპებზე მხოლოდ მეცინება.
    მაგრამ ეს ისე იყო დაწერილი, თუ მე წავიკითხე ისე რომ ვერც კი შეგედავები ვერაფერში :)

    ОтветитьУдалить
  12. ჰოდა თუ გინდა ამ პოსტს იმ მინიტრს დავუფაბლიშებ ვოლზე :D

    ОтветитьУдалить
  13. დასასრული ჰქონდა ვაბშე.
    აი მეგონა რომ ემიგრანტი ვიყავი და სხვა ქვეყნის აეროპორტში გაჭედილს ეს სიტყვები ჩამესმოდა.
    არადა არც მე ვარ პატრიოტი თითქოს.

    ОтветитьУдалить
  14. საინტერესოა თავად როგორ მეტყველებს ბლოგის ავტორი?

    ОтветитьУдалить
  15. ეჰ, არც ჩემს თავში შედის და ვერ ვერასოდეს ვერ შევა :(( შენ კი ძალიან კარგი ხარ და ასე გააგრძელე :) წარმატებები! :)

    ОтветитьУдалить

ნუ წახვალ ისე,
დატოვე კვალი =)