ნუ, შეეშვით თიკო სადუნიშვილს!

"მე თქვენს ურთიერთობაში ხიდჩატეხილობის პრობლემას ვხედავ" -

(c) ერთი ნიჭიერი ბლოგერი

 ჩემს ფეისბუქურ  ცხოვრებაში ერთი მეტად საინტერესო ფაქტი მოხდა.  ( საინტერესოს ნაცვლად უპრეცედენტოს  დაწერა მინდოდა, მაგრამ მერე გამახსენდა რომ ეს პრეზიდენტის საყვარელი სიტყვაა. )

გასრულდა მათი ამბავი ვითა სიზმარი ღამისა. გარდახდეს,  გავლეს სოფელი,  ნახეთ სიმუხთლე ჟამისა,  ვის გრძლად ჰგონია მისთვისცა არის ერთისა წამისა...

 მეგობრობის თხოვნა რომ მომივიდა, ვიფიქრე ხუმრობდა ვინმე, მაგრამ მერე წერილიც მოყვა იმისთანა,  ჩემი ქვის გულიც რომ გაალღო  ლამის (ლამის ძალიან საინტერესო სიტყვაა)
აღფრთოვანებული ვარ შენით,  აქამდე როგორ ვერ გნახე და მოდი ვიმეგობროთო. ვის დასცინის მეთქი ეს,  კი გამკრა გულში, მაგრამ აბა ვინ ხარ და რამე ხომ არ გეშლებაო რომ მოეწერა,   უფრო ცუდი  არ იქნებოდა?
მერე დაიწყებოდა მთელი ცხოვრება თიკოსთან ერთად.....

ჰოდა,  რომელიღაც ბლოგზე რომ წერდნენ ამას წინათ, არც ისეთი უჭკუო და უინტელექტო ყოფილა ჩემი თიკო. ჩემი პოსტები ჯერ პასკვილებს  შეადარა ( ნუ   იტყვით და პასკვილი სცოდნია რას ნიშნავს, აბა ზოგერით წამყვანს კი არ ჰგავს,  ჩემი სახელი ჰეხე რომ ჰქონია ) მერე კი შედევრებადაც მოიხსენია  ( ეჰ,  ჩემო თინათინ შედევრები შენთან, თორემ მე მაგდენი საიდან? )

ისე დროულად კი მომისწრო  დამეგობრება.  ორი დღეა დრაფტში პოსტი მიგდია, სადაც თიკო მხოლოდ მეორე ხარისხოვან როლშია.
ახალი გატაცება მყავს, თან ისეთი მეგობრებო მასთან შედარებით თიკო,  წუთისოფლის სიბრძნის შემცნობ ფილოსოფოსად მოგეჩვენებათ ( თან პასკვილიც სცოდნია და.. )

woman in love- ს ნაჩუქარი გიფი

 მე რომ მეგონა,  თუ  ბლოგი და კლავიატურა შენია,  წერე რაც და როგორც გინდა მეთქი - ბავშვი არ იყო.

1 კვირის წინ ერთმა კაცმა რომ დაწერა მაია ასათიანი უწყინარიაო და მერე ამან ისე აუჩუყა გული მთელ ფეისბუქს,  მაია კრავად  მონათლეს და წმინდანადაც შერაცხავდნენ აკაკი რომ არ მდგარიყო რიგში - სად არის ის ხალხი ახლა, მომიყვანეთ ორი სიტყვა მაქვს სათქმელი.

ნანუკაზე რომ დავწერე პოსტი - ყოჩაღ რა კარგად წერო და არ დამიჯერებთ, მაგრამ  არც ნარკოტიკი უპოვიათ ჩემთან და არც ციხიდან მიწევს ამ პოსტის დაფაბლიშება ახლა.


თიკოზე ვწერდი  და  შენ გაიხარე რა ძარღვიან  და გემრიელ პოსტებს  წერო. თიკოც კი აღმიფრთოვანდა საკუთარ თავზე დაწერილი კრტიკით.

მაიაზე დავწერე ორი სიტყვა და....
ხო აი რა დავწერე ახლა ისეთი, უარესი არ დამიწერია თუ? გადამერია ერი.  ვისაა შენ რომ დასცინი და რასაა რომ ბოდავო.
რა ვიცი ახლა სარძლოდ თუ გინდოდათ რომელიმეს ეგ გოგო გეთქვათ  და არ ვიყავი საერთოდ ხმის ამომღები.


P.s.  ვასასი ფორმაშია :)))