Prime Time - თქვენ გგონიათ "იდი ნახუი" კომენტარი არ არის?!

 - ახლა კი დროა დავივწიყოთ სინდისი!

-ჰო,  სინდისის დავიწყება შენ გეხერხება

-ნუ, მე ხომ იურისტი ვარ. 

(ფრაგმენტი ჰოლივუდური ფილმიდან)

კაცობრიობა ზარმაც გამომძიებელს ჰგავს, -  შორს წასვლა რომ ეზარება და ყველაფერს კარის მეზობელს აბრალებს. ჯერ იყო და ფილოლოგებმა აგვიკლეს  - იურისტებმა დაღუპეთ და დაამახინჯეთ ქართული ენაო, მერეა და ყველას ვისაც არ ეზარება ზნეობა-მორალისაგან განბანილებს გვეძახის, -  აქაოდა დამნაშავის დაცვა რომელი ეთიკის ფარგლებში ჯდებაო?!
არადა, იგივე კაცობრიობა პინოქიოსავით წაგრძელებულ ცხვირს ჟურნალ-გაზეთებშიც თუ ჩაჰყოფდა, უთუოდ აღმოაჩენდა მეორე უძველეს პროფესიასაც, რომლის ზოგიერთი წარმომადგენელიც ისეთებს კადრულობს,  პორტის მეძავი გაწითლდებოდა.

უფრო შორს თუ წავალთ, გაგვახსენდება რომ ჰადესის სამეფოში მოხვედრილთ ლეთას წყალს ასმევდნენ, რათა მათ წინა ცხოვრება დავიწყდებოდათ.  თუ ჩავთვლით რომ ქართული ჟურნალისტიკა ჰადესის სამეფოა, მაშ უნდა ვივარაუდოთ რომ იქ მოხვედრილთაც ასმევენ რაიმეს,  რათა მათ დაავიწყდეთ ყველაფერი,  რისთვისაც სინდის-ნამუსი, ზნეობა და მორალი უწოდებიათ.

21-ე საუკუნე კი მართლაც უდიდესი აღმოჩენების საუკუნეა, რადგან:

1. მე ჯერ არ მინახავს ქართველი კაცი, ასე საქვეყნოდ ეღიარებინოს გეობა, თუ რა თქმა უნდა "სიმართლის დროში" დეტექტორზე არ არის შეერთებული და 100 000-ის მოგების ცეცხლით არ იწვის;
2.  მე ჯერ არ მინახავს ამერიკაში წასული ქართველი გეი,  რომელიც ქართველ ჟურნალისტს უკავშირდება,  უგზავნის ფოტოებს და თან ახარბებს კიდეც: " რა გეშველებათ თქვე უბედურებო,  რა იცით თქვენ რა არის თავისუფალი სიყვარულიო!"
3. მე ჯერ არ მინახავს ჟურნალსიტი,  რომელიც ყოველივე ამის მოსმენის შემდეგ  მის ყოფილ ცოლს უკავშირდება და ეკითხება:  "მართალია ეს თუ მომატყუა  რამეო?"
4. მე ჯერ არ მინახავს ჟურნალისტი, რომელიც ღრმად არის დარწმუნებული იმაში რომ ერთ ჩვეულებრივ ბოტკინისფერ ჟურნალის თანამშრომელი  კი არა ისტორიული სინამდვილის დამდგენელი კომისიის წევრია. (ნანიკოს ისე ეუბნება გამოვა ორაბათს ჟურნალი და გაირკევევა ყველაფერიო, თითქოს რამე არსებითი მნიშვნელობა ჰქონდეს კაცობრიობისთვის (ნუ საქართველოსთვის მაინც) ლევან ნუცუბიძის სექსუალურ ორიენტაციას.)
5. და ჯერ არ მინახავს ჟურნალისტი,  რომელსაც კარგად ესმის რა მძიმე და მტკივნეულია ზედმეტად პირად და ინტიმურ თემებზე საუბარი და მიუხედავად ამისა,  ყველანაირი საშუალებით მაინც ცდილობს ესაუბროს რესპოდენტს ამ თემაზე.

ბოლო მოგატყუეთ, ასეთი რამდენიც გინდათ იმდენი მინახავს.
და რადგან მინახავს,  ნება მიბოძეთ პოსტის დასასრულს რამდენიმე რჩევაც მოქცეთ

• მამაკაცებს

ძვირფასო მამაკაცებო! სასწარაფო მოძებნეთ  საკუთარ და მეგობრის   ფოტოალბომებში,  ტელეფონებში,კომპიუტერებში ისეთი სურათები სადაც თქვენ და თქვენი ძმაკაცები ტანსზევით შიშველი ხართ გადაღებული და სასწრაფო წესით გაანადგურეთ, თქვენ ხომ არ იცით როდის ჩაუვარდება ეს ფოტოები პრაიმტაიმის ჟურნალსიტს და  როდის გამოაცხადებს თქვენ ბავშვობის ძმაკაცს თქვენ მეგობარ ბოიფრენდად.
( მერე მიდით და უხსენით რომ უბრალოდ ძალიან ცხელოდა)

• ნანიკოს

მოისხას სრულიად საქართველოს  მადლი  და შეასრულოს ვიდეოში გაჟღერებული მუქარა.

• prime time-ს

იურისპრუდენცია გვასწალის ყველა სიტყვას აქვს მნიშვნელობაო. ასე რომ შემდგომში იქნებ დაგეწერათ არა ნანიკომ ამ საკითხზე კომენტარი არ გააკეთა ან ნანიკოს ამ საკითხზე კომენტარის გაკეთება უჭირს, არამედ ნანიკო ხაზარაძემ ხუიზე გაგვაგზავნა.