ნარინჯისფერი პლაგიატიზმი, ანუ თქვენ მაინც არ გრცხვენიათ?!

გულწრფელად ვაღიარებ, რომ შევცდი პროფესიის არჩევაში. კანონების წერა-კითხვა, ბიბლიოთეკები, დისერტაციები, სამეცნიერო ნაშრომები, ტრენინგები, საკვალიფიკაციო გამოცდები.,... დამანებე თუ ღმერთი გწამს თავი.

სარეკლამო აგენტი უნდა გავმხდარიყავი, თუ პიარ-მენეჯერი, მოკლედ ყველაფერი რასაც თანამედროვე რეკლამშიკებს არქმევენ.

რადგანაც დავადგინე, რომ საქართველოში ამაზე უმარტივესი პროფესია უბრალოდ არ არსებობს. კარგი რეკლამის დასამზადებლად საჭიროა:

1.დაჯექი, გადაიდე ფეხი ფეხზე;

2.ჩართე იუთუბზე საუკეთესო სარეკლამო რგოლები;

3.ctrl+c - ctrl+v

და მორჩა მაყურებლისთვის ნაცარი თვალებში შეყრილია.

თუ ისე მოხდა ვინმემ ორიგინალი რეკლამა მონახა და საჯაროდ გამოვლინდა შენი პლაგიატობა, ესეც არ არის პრობლემა. ასეთ შემთხვევაში იწყება დემაგოგია იმის შესახებ რომ ჩვენ ხომ არაფერი მოგვწონს და შენი რეკლამა სულაც არ არის პლაგიატი რადგან შენ რეკლამაში სნეგურაჩკას წითელი კოლგოტი აცვია იმ რეკლამაში კი ცისფერი.

ნუთუ ვერ ხედავთ განსხვავებას?

რამ დაგაბრმავათ ხალხნოოოოო.....

• ნარინჯისფერი ლო-მი, ნარინჯისფერი სან-ტა, ნარინჯისფერი Lo-ve

ნარინჯისფერი პლაგიატიზმი.

ბლოგერებისთის კარაოკეების მოწყობას და მილიონების გათამაშებას ამ ბანკს ერთი კარგი რეკლამშიკი ექირავებინა ის აჯობებდა.

მაინც რა უნამუსოდ გვტენიდნენ უხმარ-ნახმარის თემას ინოვაციურ იდეად ბოლომდე ვერ მიპატიებია ეს ამბავი, თუმცა ერთი მხრივ კი გამიხრადა კიდეც მთლად ჩვენი მოფიქრებული რომ არ აღმოჩნდა ეს მარაზმი, რომელიც აბსოლუტურად ამორალური ხასიათის იყო. მართალია არც მარკეტინგი მისწავლია და არც ბრენდინგის გამეგება რამე, მაგრამ მორალურის ამორალურისგან და გემოვნებიანის უგემოვნოსგან გარჩევის უნარი საერთოდ ადამიანს დაბადებიდან დაყვება ხოლმე, ნუ უმრავლესობას მაინც.

რაც შეეხება ბოლო რეკლამას. იგი იმდენად საშინელია რომ მისთვის კლავიატურის გაცვეთაც კი დაენანება კაცს. შინაარსი კი ისეთია ვერ გაიგებ ბანკის რეკლამაა თუ რამე ახალი ბორდელი იხსნება თბილისში წინა საახალწლოდ.

მოკლედ ამ ბოლო დროს ეს ბანკი ან იდეებს იპარავს ან თავად ქმნის(?) რეკლამებს სადაც ერთიანად არის შეზავებული, როგორც დაუკმაყოფილებლობის იდეა, ისე კანონდარღვევა ( დააკვირდით სნეგურაჩკას ფორმებს)

ყველაზე გამაღიზიანებელი კი მაინც ის არის რომ არასდროს ამბობს სათქმელს ბოლომდე. როგორც ერთ, ისე მეორე შემთხვევაში ტელევიზორში არასდროს გადის რეკლამის სრული ვერსია. არადა თუ ატრაკებ ბოლომდე გაატრაკე, რაღაც ნაწილობრივ ვერ გამოდის მთლად კარგად, ან ბოლო-ბოლო გამოდი და თქვი რომ კი გადმოვაკოპირე. მომწონდა რეკლამა და დავაკოპირე, ან უკეთესის მოფიქრების თავი არ მქონდა და დავაკოპირე. რა თვისობრივად ახალი იდეა და კრეატიული ინოვაცია, არა მახათი..

თუმცა ისიც მართალია რომ აბა მერე რაღა მიებარება, იმ ბანკს რომელიც იდეებსაც კი სხვას პარავს?!

• სურნელოვანი შოკოლადები

სურნელოვანი პლაგიატიზმი

ბარამბო, რომ ბავშვების საყვარელი ნუგბარია, ყველამ იცის, ასევეა მისი რეკლამებიც. მაგალითად ჩემი ძმიშვილი რაც არ უნდა ტიროდეს, ბარამბოს რეკლამის გამოჩენისას ყოველთვის წყნარდება, ამიტომაც არის რომ მისი რეკლამები მთელ ოჯახს დაზეპირებული გვაქვს.

აი ბოლო რეკლამას რაც შეეხება მას არც ბავშვმა მიაქცია ყურადღება და მეც ვერ მივხვდი რა შუაშია აქ შოკოლადი? რაღც ისეთი რეკლამაა სურნელოვანი. ჰო აი რა შეიძლება იყოს სურნელოვანი? სურნელოვანი შეიძლება იყოს სუნამო. სუნამოზე კი პირველი რაც გამახსენდა (ალბათ ჩემი სახელის გამო) ნინა რიჩი იყო. მერე გუგლი, იუთუბი და აჰათ თქვენ - იპოვეთ 10 განსხვავება.

• სხვა რა გითხრათ, რით გაგახაროთ?

უნიქარდი რომ პლაგიატია (თან ისეთი პლაგიატი, მძიმე-წერტილიანად აქვს გადმოწერილი, როგორც ნიჭიერ მაგრამ ზარმაც მოსწალეს საკონტროლო) ეგ ისედაც გეცოდინებათ.

P.s.

• პროფილური აღიარება

გულწრფელად ვამბობ, ყველაფერს ისევ "პროფილი" თუ არ მერჩიოს. მხოლოდ იმიტომ ზუსტად ვიცი პლაგიატი, რომ არ არის :)


მსგავსი პოსტები:
რეკლამის ძალა მოგცემოდეთ!
კიდევ ერთი საჯარო მიმართვა, ანუ გაგიკვირდებათ და ვაზროვნებთ.