8 ბომონდური (არარსებული) ბლოგი

საინტერესოა,  როგორი ბლოგები ექნებოდათ (მეტ-ნაკლებად)  ცნობილი ადამიანებს.
მაშ ასე, პოსტში გამოყენებული ფაქტები წარმოადგენს  მხოლოდ ჩემი ფანტაზიის ნაყოფს და არ შეესაბამება სინამდვილეს.

• თიკო სადუნიშვილი

ბლოგის დასახელება - " გ(ლ)ამურული გოგოს ლაივი"
ბლოგის აღწერა - გლამური, ფეშენი, ექსკლუზივი, ამობურცული ტუჩები  და  ბიჭოლა

მე ვარ ელიტარული ძივა, ბრჭყვიალა, მბზინავი და გლამურული. კომენტებს ყველა ვერ დამიტოვებს. ძააან ბევრი ვიფიქრე და გადავწყვიტე რომ კომენტებზე ფეის-კონტროლი დამეწესებინა. ასევევ ჩემს ბლოგზე მოსახვედრად საჭიროა დაიცვათ დრეს-კოდი. ორშაბათობოთ უნდა გეცვათ თეთრი, ოთხშაბათობით უნდა გესვათ წითელი ლაქი, ჯინსი შეიძლება მხოლო შაბათობით და ისიც ტრუსაარდის...

• ბიჭოლა

ბლოგის დასახელება - "ბალიშებიანი ბლოგი"
ბლოგის აღწერა - "ახალგაზრდა ანზორის ბოდვანი ფეშენზე."

ე.ი. დავთვალოთ 4 ბალიში წაიღო თიკჩომ, 3 ნანჩომ, 10 მზიმჩომ ლილოში - გაგიყიდიო. ლილო ცოტა სიგოიმე კი არის, ზატო მაგრად საღდება, კომერციულია. 3 კოვზი ჯიჯის ვათხოვე, მეზობლის ბიჭის ქორწილია და მეშინია არ მიგვაკლდესო. მალე ჰიტლერის როჟიან მაიკებსაც გამოვუშვებთ მე და ანუუუკი და მოკლედ წინ მიდის ბიზნესი რა..

ბარაქა ბიჭოლ...

• ია ფარულავა

ბლოგის დასახელება - "ჩემი მშვენიერი ფადი"
 ბლოგის აღწერა - "ყველაფერი სიყვარულზე, ვენახზე, ამერიკასა და რობერტ დე ნიროზე"

დღე 1. ფადიმ მიმატოვა, ჩორტ სნიმ.  ახლა ჩემი მიზანია გავთხოვდე ვინმე უცხოელ, სიმპატიურ, მდიდარ ბიზნესმენზე.

დღე 2.  ფადიმ მიმატოვა, სულ მისი კალდუნა ცოლის ბრალია ყველაფერი. ახლა ჩემი მიზანია გავთხოვდე ვინმე უცხოელ მდიდარ ბიზნესმენზე.

დღე 3.  ფადიმ მიმატოვა.  ის სწერვა  ონიანი მოიყვანა. რა მრჯიდა დავრჩენილიყავი იმ ჩემს ამერიკაში რობერტ დე ნიროსთან. ახლა ჩემი ამოცანაა გავთხოვდე  ვინმე უცხოელ მდიდარ ბიზნესმენზე

დღე 4.  ფადიმ მიმატოვა. ან რაში მჭირდებოდა? მანქანა მაინც დაეტოვებინა? მაგრამ მე ხომ ჭკვიანი ქალი ვარ, თან  წიგნის ავტორი  საკუთარი ბიზნესით. ცხოვრება გრძელდება და ახლა ჩემი მიზანია გავთხოვდე ვინმე მდიდარ ბიზნესმენზე.

დღე 5. უნდა გავთხოვდე

• ნანუკა ჟორჟოლიანი

ბლოგის დასახელება - "ნანუკა"
ბლოგის აღწერა - "ყველაფერი ჩემზე, ჩემზე და ჩემს სადაქალოზე"

მე ყველაფერი ვიცი. თქვენზე ყველაზე... ყველაფერი ვიცი...

არ მოგწონთ ჩემი ახალი დიზაინი? ხომ მოგწონთ? მხოლოდ ის ვე მოვახერხე რომ როცა ბლოგზე შემოდიხარ,  მინდა ლაბრადორი ყეფდეს და კუდს აქიცინებდეს. მაგრამ არა უშავს, მაგასაც მოვახერხებ, მე ხომ ნანუკა ვარ? 

როსტოც ხომ ძალიან უხდება ჩემი ბლოგის დიზაინს? ისე ხო მართლა როსტომაც შექმნა ბლოგი -  ჩემი ქვე-ბლოგი. კი არაფერს დაწერს, მაგრამ ისე იქნება  ... ჩემი ბლოგის დიზაინს უხდება.

წლის დეკორაცია

• მაია ასათიანი

ბლოგის დასახლება - "დარდით დაცვარული პროფილი"
ბლოგის აღწერა - "ყველაზე ნაღვლიანი ბლოგი - მობრძანდით ჩემო ბატონო"

იმ დღეს სამსახურში რომ მოვდიოდი ჩემ წინ წყვილი მიდიოდა. ამ ბიჭმა გოგოს აკოცა და უთხრა ხვალამდეო. ამან ჩემი  ნამდვილი ისტორია მომაგონა. იცით? მე რა ბანალური სიყვარულის ისტორია მქონდა? ძალიან ბანალური და ძალიან სევდიანი. ადრე მეც შემიყვარდა ერთი ბიჭი - ხომ ძალიან სევდიანი ისტორიაა?

და იცით მე ვერაფრით ვერ ვხვდები რატომ, რატომ უთხრა იმ ბიჭმა იმ გოგოს ხვალამდეო...და უცებ ის გოგო იმდენად შემეცოდა, რომ მინდოდა მასთან მივსულიყავი და მეკითხა -ნუთუ ეს არ არის რთული?!"

• ანი სირაძე

ბლოგის დასახელება "არ გვინდა მარინა"
ბლოგის აღწერა - "ჩემი კოშმარების ბლოგი"

პარიზში ვიყავი. ლუვრში წავედი.ლეონარდოს მონა-ლიზას ნახვა რა ხანია მინდოდა. შევსქერი ჩემს მონა-ლიზას და თვალებიდნ ღაპა-ღუპით მომდის ცრემლები ისე მიხარია მისი ნახვა, ღმერთო რა საოცრებაა ნამდვილი ხელოვნება. უცებ საიდანღაც ნიავმა დაბერა, თმა გამეჩეჩა. ვუყურებ მონა-ლიზას ის ცოცხლდება, ჩემსკენ მოიწევს და ისტერიულად კივის - სირაძეეე, სიიირაძეეე... ჩემი მშვენიერი მონა-ლიზა მარინა ბერიძედ იქცევა და მომდევს, მომდევს, მე გავრბივარ, გავრბივარ და კარადას ვეძებ რომ დავიმალო... მაგრამ ლუვრში რა უნდა კარადას? მეღვიძება... რატომ რატომ რა მინდოდა ჯეოსტარში? აააა

მესიზმრება, რომ მომდევს მარინა ბერიძეეეეე

• სოფო ნიჟარაძე

ბლოგის დასახლება -" სოფო ნიჟარაძის ბლოგი"



ბლოგის აღწერა - სოფო ნიჟარაძე,სოფო ნიჟარაძე,სოფო ნიჟარაძე

 
არ ვიცი აქ რას ვაკეთებ, პროსტა ყველგან უნდა იყოო და მაგ პონტში შემიქმნეს ეს ბლოგი.

• ლევან(ჭოლა) წულაძე

ბლოგის დასახლება "არტისტული ფურცლები"
ბლოგის აღწერა -  "ხელოვნება, თეატრი და აჭარული ხაჭაპურები"

ამას წინებზე ქალბატონმა მარინამ დამილინკა ერთი ნიჭიერი ადამიანის ბლოგი და აღფრთოვანებული დავრჩი. რა არტისტიზმი იყო, რა პლასტიკა, მოვიხიბლე, შექსპირის 66-ე სონეტა გამახსენდაიმდენად თეატრალიზირებული იყო ყველაფრი. და როგორც ეტყობა არც რბილი "ლ" უნდა ჰქონდეს ბლოგის ავტორს, ყოველ შემთხვევაში ბლოგზე არ ეტყობოდა.

არტისტული