სპეციალური პოსტი, ანუ სუფრას რომ ასატრინა აკლდა ის ამბავი

არავინ იცის როდიდან მაგრამ საქართველოში ბევრ რამეს და ვინმეს არასწორი სახელით მოიხსენიებენ: აფერისტებს - ნათელმხილველები ქვიათ , ტელევიზორში კომპეტენტური სახით მჯდომებს - ექსპერტები, წერის მცოდნეებს - მწერლები, დაბზეკილ ტუჩიანებს - ყველაააზეეე ძერსკეეებეეე და სხვ.

ყველას შეიძლება მოეძობნოს თავის გამართლება, თუმცა იმედზე მიმდინარე ერთ-ერთ გადაცემას "სპეციალური რეპორტაჟი" რატომ ქვია მაინც არ მესმის, აშკარად "კონკია" "დედინაცვლისგან წამებული წიქარა", "საშინელი ზღაპრები დიდებისთვის" ან "წართმეული ბავშვობა" უფრო მოუხდებოდა არ ფიქრობთ?

ყველა ზღაპარში არის რაღაც " იმედი"

საქმე კი ის არის რომ ბოლო თვეა ეს გადაცემა იმდენად შემაძრწუნებულ ამბებს ყვება რომ ქართულ ზღაპრებში დახატული დედინაცვლების მიერ გერების ჩაგვრის ფაქტი ნამდვილ ზღაპრად მოგეჩვენებათ. ყველაზე გამაღიზიანებელი კი ის არის რომ ამ დაზაფრულ ამბებს ჟურნალისტი ისეთი ხმით და ტონით გადმოგვცემს თითქოს მორიგი გამარჯვება მოგვეპოვებინოს ან შაბიამანის ახალი პარტია როგორც იქნა დაერიგებინოთ.

და მაინც რას ემსახურება ყოველ კვირას იმის ჩვენება რომ სადღაც რომელიმე მიყრუებულ სოფელში არსებობს ოჯახი რომელის საკუთარ შვილს ცემით კლავს, საჭმელს არ აჭმევს, ბნელ ბოსელში კეტავს იმ შემთხვევაში თუ ის გაბედავს და სხვისგან მიწოდებულ საჭმელს აიღებს.

შემდეგ სამარცხვინო ექსპერიმენტის ჩატარება კოდური სახელწოდებით " ფეხქვეშ გავიგდოთ პრიოვნების ღირსება" - დავურიგოთ ბავშვებს ტკბილელული, მერე დიდი სიამოვნებით დავაკვირდეთ და გავაშუქოთ როგორ მალულად აიღებს მშიერი ბავშვი ტკბილეულს როგორ დამალავს მას ხალიჩის ქვეშ და როგორ შეჭმას მას შიშით ვაითუ დედინაცვალმა შემომისწროსო. ეს ყველაფერი რაღა თქმა უნდა ახლო კადრით უნდა ვაჩვენოთ.

რა მიზანს ემსახურება აღნიშნული?

• პრევენცია

აი მშობლებო, ასე არ უნდა მოექცეთ თქვენს შვილებს - არ უნდა აშიმშილოთ, ზამთარში ტანსაცმელი არ უნდა დაუწვათ და წარმოიდგინეთ ცემითაც კი არ უნდა მოკლათ - ვუალაა.

• მეზობელო კარისაო....

ჩვენება იმისა, რომ ჩენ რომ აქამდე თვალის სინათლე გვეგონა არ ისე დიდი სინათლე ყოფილა. ჭილაძე წერდა: " ქმარმა ცოლს გადაბრუნებული სიტყვა რომ უთხრას ლოგინში ის არ დარჩება სოფელს გაუგონარი და განუხილველიო" ამ შემთხვევაში კი ადამიანები, რომლებმაც როგორც წესი ყველაზე ყველაფერი დაწვრილებით იციან რაღაც თავხედურად დუმან, ალბათ იმიტომ რომ ეს მათი საქმე არ არის და იმ ბოზ მამიდაზე მითითების ეშინიათ თითქმის ყველას რომ უზის სახლში. სამაგიეროდ კი ჭირში კარგად იციან დგომა ერთად და ქელეხზე ერთმანეთს ასწრებენ ხაჭაპურის გამოცხობასა თუ ასატრინის მოხარშვაში.

მთავარია თევზი იყო გემრიელი

• დემოკრატიის ჭაღს ერთი ნათურა აკლდაო

ჩვნება იმისა რომ საქართველოში მთლად ისეთი კარგი რამეები არ ხდება როგორც ჩანს , თუმცა ამაში ხელისუფლება ან სოციალური პირობები კი არ არის დამნაშავე, არამედ ფსიქიურად გაუწონასწორებელი მშობლები. სწორედ ის მშოლები ყველა გაზეთის გარეკანზე რომ არიან გამოჭიმულნი და საფუძვლიანადაც პიარდებიან როგორც ერთადერთი დამრღვევნი იმ დემოკარტიის წალკოტისა, თანამედროვე საქართველო რომ ქვია.

• იცით თუ არა რომ?...

აბა ჟურნალისტებმა ეს საიდან უნდა იცოდნენ და მსხვერპლსაც გააჩნია რაღაც უფლებები, თუნდაც ის მაინც რომ მისი პირადი ტრაგედია ასე სახალხოდ არ იყოს გამოჭენებული და თუნდაც მხოლოდ იმიტომ რომ შემდეგ ქუჩაში გავლისას 20 კაცმა მისკენ არ გაიშვიროს ხელი სიტყვებით: აი ნახეთ ის მოდის, რომ გააუპატიურეს, რომ ურტყეს, საჭმელს რომ არ აჭმევდნენ....
და არ თქვათ ახლა არ გაიშვერენო...

P.s. არა რა ბატონებო, ერთი ისეთი კაცი გვჭირდება საზოგადოებას მედიის მავნე ზემოქმედებისგან რომ დაიცავს.
რაღაც მედია-ომბუცმენივით...