მე მინდა ვუყურო ტელევიზორს!

იგნორირება ყოველთვის არ არის გამოსავალი.

როდესაც პროფილი არ მომწონდა და ამის შესახებ დავწერე- გადართეო

გადავრთე

როდესაც ნანუკას შოუ არ მომწონდა და ამის შესახებ  დავწერე- გადართეო

გადავრთე

როდესაც თბილისი ლაივი არ მომწონდა და ამის შესახებ ვწერდი  - გადართეო

გადავრთე

როდესაც სპეციალური რეპორტაჟი არ მომწონდა და ამის შესახებ დავწერე - გადართეო

გადავრთე

როდესაც მოდელირებული ქრონიკა არ მომეწონა და ამის შესახებ დავწერე - გადართეო

გადავრთე
როდესაც მონიკას ძუძუებზე აწყობილი სიუჟეტი არ მომეწონა და ამის შესახებ დავწერე-გადართეო
გადავრთე

როდესაც დღის შოუ არ მომწონდა და ამის შესახებ დავწერე გადართეო 

გადავრთე

და მერე უცებ აღმოვაჩინე რომ გადასართავი აღარ დამრჩა არსად. 

ეს დაახლოებით იმას ჰგავს, როდესაც პირველ ვიზიტზე ექიმს ეუბნები, რომ ხშირად გტკივა თავი, ის კი გაპსუხობს: "ნუ მიაქცევ ყურადღებას,  გაატარეო," მეორე ვიზიტზე იმასაც ამატებ რომ უძილობა და თავბრუსხვევაც ხშირად გტანჯავს ის კი ისევ იგივეს გპასუხობს, მესამე ვიზიტზე უკვე გადაღლილობას და საერთო სისუსტესაც უჩივი თუმცა ექიმის პასუხი  არ იცვლება, მეოთხე ვიზიტზე ჰაერის უკმარისობას და გულის ჩხვლეტასაც გრძნობ, ექიმი კი იმავე პასუხით გისტუმრებს და მერე მშვიდად მოდის შენს პანაშვიდზე. :)))))

მოკლედ ლაშარელამ - გადავრთოთო? დოდკამ   გადართეთო

იმასაც ამბობდნენ,  არ გადართოთ, გამორთეთო.

მაგრამ მე გამოვრთავ, წავალ ბლოგზე დავწერ, სხვის ბლოგს წავიკითხავ, ინტერნეტში ვუყურებ ფილმებს, წიგნებს დავწერ, დისერტაციებს დავიცვამ,  ხეს დავრგავ, სახლს ავაშენებ, მაგრამ ყველას ხომ ვერ დავავალდებულებთ ამ ყველაფრის კეთებას? მითუმეტეს რომ ტელევიზორი ჩართულის საყურებლად გამოიგონეს.

ძალიან რთულად არის ჩვენი საქმე. ამაში მაშინ დავრწმუნდი, როდესაც  ორ რეიტინგულ არხს შორის ტრიალის შედეგად ერთ მარტივ ჭეშმარიტებამდე მივედი   - ორი უბედურებიდან აირჩიე ორივე - სხვა რა გზაა.  ამიტომაც არის რომ რეკლამებსა და რეკლამებს შორის  ხან პროფილის გაცვეთილ ისტორიებზე ვტირივართ  ხან იუმორინას მოძველებულ ხუმრობებზე ვიცინით - სხვა რა გზა გვაქვს ?! - იმათაც იციან რომ სხვა გზა არ გვაქვს და ამიტომაც გვაჭმევენ.

• მე მინდა ვუყურო ტელევიზორს!!!

• მე არ მინდა დავემსგავსო  21-ე საუკუნის იმ ადამიანს,  რომელიც ცხვირზე ხელისმოჭერით იძახის - " ტელევიზორი? ბოლოს მაშინ ვნახე, როდესაც ჩემს პირდაპირ ეთერის ტრანლაციას აჩვენებდნენ ბბს-დან. " 

• მე მაღიაზიანებს როდესაც მორიგი გადაცემის კრიტიკისას ვიღაც  მოდის და დეტალურად მიხსხნის  რა არის და რა სარგებლობა მოაქვს პულტს, რადგან ისევე როგორც ბევრ რამეს ჩვენს ცხოვრებაში პულტსაც ფუნქცია აქვს დაკარგული, როგორც "ცისფერი მთების" სცენარშია - "გინდა ზევით ადით, გინდა ქვევით ჩადით"   აზრი? - 0

• მე ვფიქრობ რომ ტელევიზია წარმოადგენს ინფორმაციის მოპოვების, გართობისა და მოსახლეობაზე ზეგავლენის მოხდენის ძველ, თუმცა ჯერ კიდევ  კარგ საშუალებას.

• მე მაქვს ინფორმაციის მიღების და მისი მიმღები წყაროს არჩევის უფლება.

•  და მე ვირჩევ ტელევიზიას.

• შესაბამისად, მე მაინტერესებს ვინ,  რის საფუძვლზე და რა მოტივით მიზღუდავს ამ უფლებას?

 მოკლედ, მე მინდა ვუყურო ტელევიზორს!

ვუყურო ხარისხიან, ინფორმაციულ, გადამოწმებულ და მეტ-ნაკლებად ეთიკურ გადაცემებს. 

რა გავაკეთო ამისთვის, მითხარით.