02 апреля 2011

ექსკლუზიურად პირადი : ჩემი იდუმალი შეყვარებული!


"ადრე თუ გვიან, ყველა საიდუმლო მჟღავნდება"



ჩემი ბოლოდროინდელი დაკვირვებით ქამინგაუთები ძალიან შემოვიდა მოდაში. მაგრამ როგორც იტყვიან ქამინგ აუთი ისეთი უნდა იყოს კიდევ ერთ ქამინგ აუთად ღირდესო, ასე რომ მხოლოდ ბლოგებზე ტინგიცი და იცით მე ლესბოსელი ვარ, არა ჰეტერო ვარ, მაგრამ ქალებზე უფრო მიდგება და მსგავის სისულელები უკვე იმდენად მოძველებული თემაა, რომ ამაზე უკვე არავის ეცინება. ამიტომ გადავწყვიტე ისეთი აღიარება მოვახდინო ბლოგი რა არის? ტელევიზიები შეძრას და ფოქს ნიუსი და ბიბისი დაყაროს ჩემს ფეხებთან: " შენი ჭირიმე ინტერვიუ არ გვინდა, ჩვენს კამერას გაუღიმე ოღონდო."


ამიტომ ექსკლუზიურად და პირველად გაერთიანებული საქართველოს ისტორიაში, პირველად ბლოგის არსებობის მანძილზე და პირველად ყველა იმ "პირველად"-ს შორის რაც კი ოდესმე ყოფილა. მე მოგიყვებით ჩემი სიყვარულის ისტორიას.

" ეს ისტორია მას თქვენთვის ჯერ არასდროს მოუყოლია "



ყველაფერი ფეისბუქიდან დაიწყო. სიმართლე გითხრათ ვერაფრით ვიხსენებ, საერთოდ როგორ მოხვდა ჩემი მეგობრების სიაში, როგორც თვითონ ყვება ყოველთვის იქ იყო, უბრალოდ სასურველ დროს ელოდა რომ ხელის კანკალით პირველი ლაიქი დაესვა ჩემს ფოტოზე.
გზა პირველი ლაიქიდან შარდენის კაფემდე საკმაოდ გრძელი და მრავალფეროვანი გამოდგა.
და დღეს ვიცი რომ ეს საკმაოდ რთულია მისთვის, მაგრამ მაინც აღიარებს რომ ფეისბუქი მხოლოდ ჩემს გამო შექმნა. აქვე იქედნური მზერა ეკრანისკენ - ვისთვისაც ფეისბუქი მთელი ცხოვრებაა, იცოდეთ! რომ არა მე, არც თქვენ გექნებოდათ ცხოვრება.

ძალიან მალე საქართველოშიც ჩამოვიდა. ეს 2007 წელს მოხდა შემოდგომაზე, ამ დროს საქართელოში ისეთი ამბები ხდებოდა მარკ ცუკერბერგი კი არა, ბითლზების სრული შემადგენლობაც რომ ჩამოსულიყო იმათაც ან ვერ იცნობდნენ, ან რუსეთის აგენტებად შერაცხავდნენ.

საქართველოში 2 კვირით დარჩა - ამ ხნის განმავლობაში თითქმის მთელი თბილისისა და მისი მიმდებარე ტერიტორიის შემოვლა მოვასწარით. თამამად და ყოველგვარი შენიღბვის გარეშე ვჩნდებოდით საზოგადოებრივი თავშეყრის ადგილებში, რადგან ვიცოდით "ადნაკლასნიკზე" გაზრდილი თაობა მას ვერ იცნობდა. ისე ცოტა სწყინდა კიდეც და სულ იმას მეკითხებოდა რითია ის სექტა ჩემს სექტაზე უკეთესიო? მაგრამ მე ვეუბნებოდი, რომ ძალიან მალე დადგებოდა დრო როდესაც ადნაკლასნიკის ყველა მომხმარებელს ანათემას გადასცემდნენ და ყველაზე ლამაზი, ძერსკი, საყვარელი, ვაჟკაცური, მამაკაცური და დედის გულის ვარდი ხალხი მისი სექტის ნიშნით დაიდაღებოდა.
ჩემი წინასწარმეტყველება როგორც ხედავთ გამართლდა.





საჩუქრებით ერთმანეთს ხშირად ვანებივრებთ, მან პატარა კუნძულიკო მაჩუქა წყნარ ოკეანეში რომელსაც ასო F-ს ფორმა აქვს და ასე იშიფრება you are my life. (so sweet....) მე კი ბიჭოლას ბალიშებიანი მაისურის ჩუქება მინდოდა მაგრამ არ ქნა. უბრალო ადამიანია ძალიან, არ უყვარს ეს მაღალი მოდა და კუწურიები (?!)

"ვარდი უეკლოდ ვის მოუკრეფია?! "

აქვე ჩვენი ურთიერთობის სირთულეებზეც გეტყვით ორიოდ სიტყვას. რთულია იყო მისი გოგო, რადგან საკმაოდ ეჭვიანიც არის, ოღონდ გრუზინულად კი არა, ისე საყვარლად ეჭვიანი. ჩემი პირადი ცხოვრება ფეისბუქზე ძალიან მკაცრად კონტროლდება - იშლება ყველა კომენტარი და იბლოკება ყველა საწინააღმდეგო სქესის წარმომადგენელი, რომელიც ჩემს ფოტოებს დასაშვებზე მეტად დაალაიქებს. მკაცრად კონტროლდება პირადი მიმოწერაც. ადრე ქართულად ვერ კითხულობდა თუმცა ახლა ეს სირთულეც დაძლია გუგლის საშუალებით. ასეთია ამ სიყვარულის მეორე, უფრო დრამატული მხარე, თუმცა როგორც ერთ ფილმში ამბობენ: ვერ იქნები მსოფლიოს ყველაზე ცნობილ კაცთან, პატარა სიძნელეების გარეშეო.

ახლა როცა ამ პოსტს ვწერ გააზრებული მაქვს რომ ატყდება ერთი ამბავი - პრესა, ჟუნალისტები, ტელევიზია, ექსკლუზივი, პროფილი, ნანუკა, როსტო, ესა, ისა... აი ეს მოგვიყევით, აი ის როგორ იყო და დურდომ ნა კანიკულახ, მაგრამ არ მინდა ბატონო არ მინდა მაგათი ეთერი, არაობიექტურები და არაპროფესიონალები ეგენი - ამას წინათ ჩემ მეგობარ გვანცაზე რომ გააკეთეს სიუჟეტი. გვანცა ლეოს შეყვარებული... ჩვენი ლეოსი დიკაპრიოოოოს., საწყალი გოგო ისე გამოიყვანეს სიუჟეტში, რომ მთელ საქართველოს მათი სიყვარულის ისტორია საპირველაპრილო ხუმრობა ეგონა.

P.s. აქ უნდა ყოფილიყო ჩემი და ჩემი შეყვარებულის სურათები - როგორ ვსვამთ კაპუჩინოს შარდენზე, როგორ ვჭამთ ხინკალს "შემოიხედე გენაცვალეში", ლობიანს - მცხეთის სალობიანეში და ბათუმში როგორ გვიჭირავს ხელში ჩამავალი მზე. მაგრამ ჩვენ ჩრდილში გვირჩევნია ყოფნა - აქ უფრო გრილა.

აუცილებლად ნახეთ

მსგავსი პოსტები:

12 комментариев:

  1. როგორც ყოველთვის ტელევიზია ონანირებს და 2 წლით რომ ჩავსვათ სასჯელაღსრულების დაწესებულებაში, ვერა? ჰა? :)

    ОтветитьУдалить
  2. 2 წლით არა მეტით :) იმიტომ რომ ამ ქმედებით სხვაზეც ახდენს მავნე ზემოქმედებას :)

    ОтветитьУдалить
  3. ბათუმელ ონანისტს 2 წელი არ მიუსაჯეს? თუ მეშლება რამე?

    ОтветитьУдалить
  4. კი იმას კი, მაგრამ ტელვიზიები რომ უფრო მკაცრად დაისაჯონ მე თანახმა ვარ :)

    ОтветитьУдалить
  5. გენიალური იყო! ჯერ მუღამში შევედი და მერე ნაცნობი ნოტები რომ შემომხვდამ ბიჭოლას ბალიშებიანი მაისურიო.. სად.. სადღაც.. ბიიიჯოოოს! ჰექსე რა ჯიგარიაა! :)

    ОтветитьУдалить
  6. გურამ :) :*
    ლანდიშამ ისიც მითხრა - მე მეგონა 2007-ში მართლა იყოო ჩამოსული :)

    ОтветитьУдалить

ნუ წახვალ ისე,
დატოვე კვალი =)