12 июня 2012

დროა? - იქნებ გეცლიათ მუშაობა

    
ერთი კვირის წინ გამოქვეყნდა ქალბატონ ანა სამადაშვილი-კორძაიას პოსტი "დროა!" სადაც ქალბატონი ანა (როგორც მე გავიგე) მწუხარებას გამოთქვამს იმის გამო,  რომ ახალგაზრდებს დრო აღარ რჩებათ საქართველოს ტყე-ღრეში სახეტიალოდ,  რადგან მთელი მათი დრო მუშაობას ხმარდება. თურმე ნუ იტყვით და ახალგაზრდები მუშაობენ. აღმაშფოთებელია. 

     თუმცა აღმაშფოთებელი ის უფროა, რომ ჩემმა ძალიან ბევრმა  ფეისბუქ მეგობარმა  სასოწარკვეთილი  გოდება მორთო:  მართლაც და  რა გვინდა რას ვართ გამოკეტილი ამ სამსახურებში, რატომ ერთ დღესაც ყველაფერს არ მივაფურთხებთ და მთა-ტყის დასალაშქრად ველად არ გავიჭრებითო? მე რომ  მეგონა  რაღაცნაირად გამოვძვერით იმ სტერეოტიპიდან მუშაობა რომ ტეხავს, და ყველა ერთად დავადექით გზას ევროპისკენ სადაც მუშაობა დიახაც მოსაწონი საქციელია,  სადაც ახალგაზრდები იმავე პახოდებში მშობლების ხარჯზე არ დადიან  და სადაც  მშობლები (ქართველთა მსგავსად)  არ იძახიან ფარაზას "სტუდენტს რა უნდა სამსახურში?"-ო  თურმე სად ხარ? სხედან და ცრემლებს აღვარღვარებენ რატომ ყველაფერს არ მივაფურთხებთ და გიგანტური პეპლების გადაფრენის სანახავად არ გავიქცევითო? არადა,  არ ვიცი როგორ იყო ქალბატონი ანას დროს,  ჩვენ დროს კი პეპლების გადაფრენის სანახავად კი არა,  უფულოდ მცხეთამდეც ვერ ჩააღწევ. ფული კი მუშაობით მოდის, ყოველ შემთხვევაში მე ასე მასწავლეს,  რადგან როცა დავიბადე ბაბუა არ დამხვედრია გაძეძგილი მუთაქებით ხელში. 


ასე რომ, ჩემს თაობას ახლა მუშაობა თუ უწევს საკუთარი თავის რეალიზებისთვის უწევს და არა იმიტომ ძალიან რომ ეხალისება რეჟიმში ყოფნა ან პეპლების გადაფრენის სანახავად არ უნდა წასვლა. და არ მგონია ახალი თაობა მაინცდამაინც წელში წყდებოდეს  მუშაობით, მაგრამ  ეს თუ მართლა ასეა, შესაძლოა  იმიტომაც რომ ძველმა თაობამ ზედმეტად ბევრი იარა პეპელების გადაფრენის სანახავად.

თორემ  ისე გამოდის თითქოს ყოველმხრივ უზრუნველყოფილი ცხოვრება იყოს, ჩვენ კი ყველაფერ ამაზე  პრინციპულად  ვამბობდეთ  უარს. არა მაინდამაინც ოფისში უნდა ვისხდეთ  და ნერვიულად ვუყროთ როგორ მიიწევს საათი 9-დან 6-მდეო. 


"ჩვენს ასაკში რაღა იქნებაო, " - კითხულობს ქალბატონი ანა. არ ვიცი თქვენს ასაკში რა იქნება , მაგრამ დღეს ისეთი დროა სამსახური ჩვენს  ასაკში თუ არ დავიწყთ,  თქვენს ასაკში სამსახურზე ფიქრიც კი მკრეხელობად ჩაგვეთვლება, თქვენს ასაკში შეიძლება სამსახურებიდანაც გამოგვყარონ  სტანდარტში ვეღარ ჯდებითო. ახლა ასეა და მერე როგორ იქნება არ ვიცი.




P.s. თხოვნა იქნება ნუ გაგვრიყავთ ჩვენ,  დილის 9 საათზე გახამებული ტანსაცმლით სამსახურისკენ მიმავალ ახალგაზრდებს.  ჩვენც თქვენი საზოგადეობის ნაწილი ვართ და ხშირ შემთხვევაში თქვენი კომფორტისთვის ვმუშაობთ, კიდევ იმისთვის ჩვენმა შვილებმა უფრო მეტი რომ იბორიალონ საქართველოში. +)

8 комментариев:

  1. Анонимный13 июня 2012 г., 2:05

    ჰექსე, კარგია რომ განსხვავებული აზრი გაქვთ და გეთანხმებით რომ მუშაობა საჭიროა, მაგრამ ჩემი აზრით ანა სხვა რამეს გულისხმობს თავის პოსტში. ჩემი აზრით, ანა უფრო იმ ახალგაზრდებზე საუბრობს, რომლებსაც არასდროს მოუვათ თავში სამსახურის იქეთ თუ არსებობს რამე. ეზარებათ სხვა სამყაროზე ფიქრი, ურჩევნიათ ის "იმიჯი დაანავაროტონ" რომელიც მათ მშობლებს გაახარებს. ასახსნელად ცოტა რთულია, მე პირადად ვიცნობ ასეთ ხალხს (და უმეტესობას ბაბუებიც ყავს "გაძეძგილი მუთაქებით ხელში"). ზოგს შეიძლება ჟინი აქვს ადრეულ ასაკში მიაღწიოს "წარმატებას" და ამისთვის გადადებს ყველაფერს, მაშინ როდესაც შეუძლია შეუთავსოს სამსახური და ეს სასიამოვნო "ხეტიალი" ამ ასაკში და ამ წარმატებას ცოტა მოგვიანებით მიაღწიოს. არ არის ნორმალური როცა 18 დან 25 წლამდე ადამიანები ამბობენ რომ ცხოვრებით დაიღალნენ.. სამწუხაროდ ბევრისგან მსმენია..

    ОтветитьУдалить
    Ответы
    1. getanxmebit, mec zustad es amovikitxe anas postshi da ara is ro vinme umushevrobisken da mxartedzoze wolisken mogviwodebdes axalgazrdebs

      Удалить
  2. არ მინახავს ანას პოსტი, მაგრამ როგორც სტუდენტი, რომელიც ჯერ არ მივეკუთვნები სამუშაო ძალას, სულაც არ ვგრძნობ თავს ცუდად ამის გამო. ზოგს ჩემს ასაკში სახის ახევა და ფულის შოვნა ურჩევნია. ყველას თავისი ინტერესთა სფორო აქვს. მე კი სწორედ ახლა მირჩევნია "ველად გავიჭრა", ვიდრე პენსიაში გასვლას ველოდო. ალბათ რამე შუალედის პოვნაც შეიძლება.

    ОтветитьУдалить
  3. Анонимный6 июля 2012 г., 11:22

    yochag yochag asprocentiani postia :))) kargad ki vicine mutaqebze da motqma godebaze martla egre basoluturad getanxmebi :)))

    ОтветитьУдалить

ნუ წახვალ ისე,
დატოვე კვალი =)